جەدەل جاردەم اۋرۋحاناسىنا 40 جاڭا كولىك بەرىلدى

الماتى قالالىق جەدەل جاردەم مەديتسينالىق كومەك ستانساسىنىڭ اۆتوپاركى تاعى دا سوڭعى ۇلگىدەگى زاماناۋي 40 كولىكپەن تولىقتى. قالا اكىمى باۋىرجان بايبەك كوپسالالى جەدەل كومەك كورسەتەتىن كولىكتەردىڭ تەحنولوگيالىق مۇمكىندىكتەرىمەن تانىسىپ, سونىمەن قاتار اتالمىش شارا وتكەن قالالىق جەدەل شۇعىل كومەك كورسەتەتىن اۋرۋحانا قىزمەتكەرلەرىن مەديتسينالىق مەكەمەنىڭ 120 جىلدىق مەرەيتويىمەن دە قۇتتىقتادى. كوزدىڭ جاۋىن الىپ, قاز-قا­تار تىزىلگەن, قۇرىلعىلارى الەم­­دىك ستان­دارتقا ساي, سوڭعى يننوۆا­تسيا­لىق ءۇل­گىدەگى قۇنى 30 ملن تەڭگەلىك 40 «Ford Transit» اۆتوكولىگى قالا بيۋدجەتى ەسەبى­نەن الىنعان. س كلا­سىنداعى رەانيماتسيالىق سالوننىڭ ءىشى كەڭ, بيىكتىگى ادام بويىنا لا­يىقتالعان, دارىگەردىڭ ناۋقاسپەن جۇمىس جاساۋىنا ىڭ­عايلى. ال قابىرعالارىنا ورنالاستىرىلعان ادام دەنساۋ­لىعىنا ەڭ العاشقى «التىن ۋاقىت­تا» شۇعىل جەدەل كومەك كورسەتۋگە قاجەتتى قازىرگى زامانعى مەديتسينالىق قۇرىلعىلاردىڭ ءبارى بار. اتاپ ايتار بولساق, ەكگ اپپاراتى, دەفيبريللياتور, دەنەدەگى سىنىق جاعدايىندا قوزعالاتىن پنەۆموماشينا, ۋلانعاندا, كۇيىك جاعدايىنا قولداناتىن جيىنتىق, رەانيماتسيالىق ميكس (سورعىش), جارىق, دارىلىك قۇتىنى ۇستايتىن قۇرىلعى, ت.ب. ءتىپتى, ەلەكتر ناسوس پەن قول جۋعىشقا دەيىن قامتىلعان. اسىرەسە, ناۋقاستى ستاتسيونار ءبو­لىمشەسىنە دەيىن جەتكىزەتىن اربا وتە ىڭعايلى, جەڭىل, ادامنىڭ قو­سىمشا كۇشىن قاجەت ەتپەيدى. ءبىر ارتىقشىلىعى, بۇعان دەيىنگى كولىكتەگى قۇرىلعىلار تەك ەرەسەكتەرگە ارنالسا, مۇندا جاسوسپىرىمدەر مەن سابيلەرگە دە كومەك قولىن سوزىپ, جاساندى دەم بەرە الادى. قالا اكىمدىگى سىيعا تارتقان كولىكتەر قالا ىشىندەگى 9 جەدەل جاردەم ستانساسىنا ءبولىنىپ وتىر. 40 كولىكتىڭ 8-ءى رەانيموبيلدىك, 32-ءسى بەلسەندى تەراپياعا ارنالعان. بۇگىندە الماتى تۇرعىندارىنا «103» كومەگىندە 167 بريگادا قىزمەت كورسەتىپ, وندا 2400-دەن استام ءدا­رىگەر مەن ورتا بۋىن مەديتسينا ما-ماندارى جۇمىس جاسايدى. ولار قازىرگى كەزدە وتاندىق وندىرىسىمىزدە شىعارىلعان «كومەك-03» جۇيەسىن قولدانۋدا. زاماناۋي رەانيموبيلدى كولىك­تەردى بۇرىنعى كولىكتەرمەن سالىس­تىرىپ, تاڭدانىسىن جاسىرا الماعان №8 قوسالقى ستانسا مەڭ­گەرۋشىسى ايدىن سابىرعالي ۇلى ەلىمىزدەگى دەنساۋلىق ساقتاۋ سالاسىنا ارقاشاندا كوڭىل ءبولىپ, قولداۋ كورسەتىپ وتىرعان ەلباسى ن.نازارباەۆ پەن الماتى قالا­سىنىڭ اكىمدىگىنە الماتى قالالىق جەدەل جاردەم ستانساسى اتىنان العىسىن ءبىلدىردى. «مەن 19 جىلدان بەرى جەدەل جاردەم ستانساسىندا قىز­مەت جاسايمىن. ليتۆادا وتكەن جەدەل جاردەم قىزمەتى اراسىنداعى حالىقارالىق جارىستا قازاقستاندىق كوماندا ءتورت جىل قاتارىنان ءجۇل­دەلى ورىنعا يە بولدى. 2013 جىلى سول بايقاۋدىڭ بىرىنە قا­تىسقانىمدا وسىنداي كەرەمەت رەانيموبيلدەردى كورىپ, قىزىعىپ تا, قىزعانىپ تا قايتقان ەدىم. بۇگىن سول ارمانىم ورىندالىپ وتىر» دەپ قۋانىشىمەن ءبولىستى. زادى, الەمدىك تالاپ بويىنشا 10 مىڭ ادامعا ءبىر بريگادا بولۋى قاجەت دەسەك, ول قالانىڭ قاي جەرىندە بولماسىن كەز كەلگەن جاعدايدا 12 مينۋتتا جەتىپ ۇلگەرۋى ءتيىس. بۇگىندە بۇل ۋاقىتقا الماتىلىق جەدەل جاردەمشىلەر قول جەتكىزگەن. كۇنگەيدەگى باس قالادا تۇراتىن 2 ملن-عا جۋىق حالىقتان كۇنىنە ەكى جارىم مىڭعا جۋىق شاقىرتۋلار تۇسەدى ەكەن. تاعى ءبىر جاعىمدى جاڭالىق, قالا اكىمى الماتى قالاسىنداعى قوعامدىق كولىككە ارنالعان ارنايى جولاقتاردا اۆتوبۋسپەن بىرگە شۇعىل كومەك كورسەتەتىن اۆتوكولىكتەر دە جۇرەتىنىن ەسكەرتە كەتتى. اق حالاتتىلار قىزمەتىن جەڭىل­دەتىپ, قالا تۇرعىندارىنا ساپالى قىزمەت بەرۋگە اتسالىساتىن ماڭىزدى شارا بارىسىندا شاھار باسشىسى تەك قانا قالاداعى ەمەس, ەلىمىزدەگى بايىرعى ەمدەۋ ورنى – قالالىق جەدەل شۇعىل مەديتسينالىق كومەك كورسەتۋ اۋرۋحاناسى ۇجىمىن مەرەيتويىمەن قۇتتىقتادى. – بيىلعى جىلى ەلىمىز ءۇشىن ماڭىزدى بىرنەشە مەرەيلى داتالار – ەل تاۋەلسىزدىگىنىڭ 25 جىلدىعى مەن الماتى قالاسىنىڭ 1000 جىلدىعى قاتار كەلۋدە. سول سياقتى وتاندىق مەديتسينا تاريحىنىڭ كۋاگەرى – جەدەل شۇعىل مەديتسينالىق كومەك كورسەتۋ اۋرۋحاناسىنا دا 120 جىل تولىپ وتىر. تاريح پاراقتارى­نا ۇڭىلسەك, اۋرۋحانانىڭ وتان­دىق مەديتسيناداعى ورنى ەرەكشە. ءوز­­دەرىڭىز كورىپ وتىرعانداي اۋرۋحانانىڭ بۇگىنگى كۇيى ارقىلى ءبىر عاسىردان استام ۋاقىتتا ەلىمىزدىڭ دەنساۋلىق ساقتاۋ سالاسىنىڭ قانشالىقتى دەڭگەيدە دامىعانىن اڭعارۋعا بولادى. زاماناۋي عيمارات, ەڭ سوڭعى ۇلگىدەگى تەحنيكا, بىلىكتى ماماندار, بارلىعى دەرلىك وسىندا شوعىرلانعان, – دەدى ب.بايبەك. ءيا, الماتى قالاسىنداعى العاش­قى ەمدەۋ ورنى سانالاتىن بۇل اۋرۋحانانىڭ نەگىزى 1896  جىلى قالانعاندا نەبارى سىرقاتتارعا ارنالعان 15 جاتىن ورنى بولعان. العاشقى قان قۇيۋ ورتالىعى دا, بالالار ءبولىمى, جۇقپالى اۋرۋلاردى ەمدەيتىن ورىن – بارلىعى وسىندا نەگىزىن قالاعان. ال 1935 جىلى 60 توسەككە ارنالعان حيرۋرگيالىق عيمارات سالىنادى. كەيىننەن اۋرۋحانا اتاۋى بىرنەشە رەت وزگەرگەن. تەك 1975 جىلى قالالىق كلينيكالىق جەدەل مەديتسينالىق كومەك اۋرۋحاناسى اتانادى. ەڭ العاش اۋرۋحانانى ي.سوبولەۆسكي, ودان كەيىن يا.شاروحۆوستوۆ, 1931-1953 جىلدارى ل.كانەۆسكايا باسقارادى. 1992 جىلى 700 توسەك-ورىنعا جەتكەن كلينيكانى 2006 جىلعا دەيىن مارقۇم امانتاي ءبىرتانوۆ باسقارىپ, ونىڭ كوپسالالى قۇرىلىمىن جەتىلدىرىپ, دامۋىنا ايتارلىقتاي ۇلەس قوسادى. 2007 جىلى وسى بايىرعى ەمدەۋ ورنى بازاسىندا 395 توسەكتىك قالالىق كارديولوگيالىق ورتالىق اشىلدى. 2006 جىلى اتالمىش اۋرۋحانا ورنىنا ەلباسىنىڭ «100 مەكتەپ, 100 اۋرۋحانا» باعدارلاماسى اياسىندا قۇرىلىس جۇمىستارى باستالىپ, 2011 جىلى اياقتالادى. ءسويتىپ, بىرەگەي اۋرۋحانانىڭ تاريحتا جاڭا بەتتەرى اشىلىپ, ەمدەۋ ورنىن 2011-2016 جىلدارى مانات سەيدۋمانوۆ, بۇگىندە الماس جۋاشەۆ باسقارۋدا. ەسكى كلينيكانىڭ ورنىنا تاۋەلسىز ەلىمىزدە ەۋروپالىق جانە الەمدىك ستاندارتتارعا ساي سالىنعان ەمدەۋ مەكەمەسىن مەملەكەت باسشىسى نۇرسۇلتان نازارباەۆتىڭ ءوزى كەلىپ اشقانىنا دا بيىل بەس جىل تولىپ وتىر. بۇگىندە 350 توسەكتىك 15 بولىمشەدە 800-دەن اسا بىلىكتى مامان جۇمىس ىستەيدى. جىل سايىن 5 مىڭ ءارتۇرلى كۇردەلى وپەراتسيا جاسالىپ, 117 مىڭعا جۋىق ناۋقاس ەم قابىلدايدى. اسىرەسە, نەيروحيرۋرگيا, تراۆماتولوگيا, حيرۋرگيا, ۋرولوگيا مەن گينەكولوگيادا يننوۆاتسيالىق تاسىلدەر تابىستى ەنگىزىلۋدە. وعان 2012 جى­لى شۆەيتسارلىق ساپا ستاندارتى ينستيتۋتى تاعايىنداعان بىرنەشە حالىقارالىق سەرتيفيكاتقا يە بولۋى دالەل بولا الادى. مەرەيتوي كۇنى ەمدەۋ مەكەمەسى قابىرعاسىندا مەموريالدى تاقتا اشىلدى. گۇلزەينەپ سادىرقىزى, «ەگەمەن قازاقستان» سۋرەتتى تۇسىرگەن الەكساندر پاۆسكي