بۇرىنعى باس دارىگەرگە ۇكىم شىقتى

وسىدان ءتورت اي بۇرىن جام­بىل وبلىستىق دەنساۋلىق ساقتاۋ باسقار­ماسىنىڭ باسشىسى ە.ماس­اليموۆ جانە ونىڭ ەكى ورىنباسارى, سونداي-اق, مەملەكەتتىك ساتىپ الۋ, ەكونوميكا جانە بيۋدجەتتىك جوسپارلاۋ بولىمدەرىنىڭ جەتەكشى­لەرى پارا الدى دەگەن كۇدىكپەن ۇس­تالعان بولاتىن. سول كەزدە سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ وبلىستىق دەپارتامەنتى بۇل لاۋا­زىمدى تۇلعالاردىڭ ايماقتاعى مەدي­تسينالىق مەكەمەلەردىڭ باس دارىگەرلەرىنەن 300 بەن 10 000 دوللار كولەمىندە پارا العاندارىن جاريالاعان ەدى. سونداي-اق, ولار قىزمەتتىك وكىلەتتىكتەرىن تەرىس پاي­دالانا وتىرىپ, ءدارى-دارمەك جانە مەديتسينالىق جابدىقتاردىڭ تەندەرلەرىن وتكىزۋدە زاڭسىز ارەكەت­تەرگە بارعان. جۋىقتا №2 تاراز قا­لا­لىق سوتى جامبىل وب­لىس­­­تىق دەنساۋلىق ساقتاۋ باسقارماسىنىڭ بۇرىنعى باسشىسى ە.ماساليموۆكە ۇكىم شىعاردى. ءىس ماتەريالدارىنا قا­راعاندا, ماساليموۆ ءوزىنىڭ قىزمەتتىك وكىلەتتىگىن پايدالانا وتىرىپ, وسى باسقارماعا قاراستى ەمدەۋ مەكەمەلەرى باسشىلارىنان بىرنەشە مارتە پارا العان. مىسالى, قالالىق پەريناتالدىق ورتالىقتىڭ باس دارىگەرى ءوز باس­تىعى ماسا­ليموۆكە بارىپ, ساپالى مەدي­تسينالىق قىزمەت كورسەتۋ ءۇشىن جىلجىمالى رەنتگەن اپپاراتىن بەرۋدى ءوتىنىپتى. باسقارما باسشىسى وعان «جولىن جاساۋ­دى» ايتقان. اقىرىندا باس دارىگەر وعان 150 مىڭ تەڭگە پارا بەرگەننەن كەيىن بۇل ماسەلە وڭ شەشىلىپتى. سوت ە.ءماساليموۆتى قىل­مىستىق كودەكستىڭ 361 جانە 366-باپتارى بويىنشا كىنالى دەپ تاۋىپ, قىزمەتتىك وكىلەتتىگىن تەرىس پايدالانىپ, پارا العانى ءۇشىن وعان 10 ملن 800 مىڭ تەڭگە كولەمىندە ايىپپۇل سالدى. جانە مۇلكى ءتار­كىلەنىپ, ءومىر بويىنا مەم­لەكەتتىك قىزمەتتە جۇمىس ىستەۋىنە تىيىم سالىندى.  ورالحان ءداۋىت, «ەگەمەن قازاقستان» جامبىل وبلىسى