جەرگىلىكتى پوليتسيا جاياۋ جۇرمەيدى

ەلباسى وڭتۇستىككە كەلگەن ءبىر ساپارىندا «شىمكەنت – قازاقستاننىڭ استانا, ال­ما­تىدان كەيىنگى ءۇشىنشى قالاسى بولادى» دەگەن بولاتىن. قالا اۋقىمى كەڭەيدى, تولە بي, سايرام جانە ورداباسى اۋدانىنان قالاعا جاقىن ورنالاسقان ەلدى مەكەندەر قوسىلدى. حالىقتىڭ سانى ءبىر ميلليونعا جەتەعابىل وبلىس ورتالىعىندا ءتارتىپتى نىعاي­تۋ ءۇشىن جەرگىلىكتى پوليتسيا قىزمەتى قۇرىلعان بولاتىن. جاقىندا وبلىس اكىمى ب.اتام­قۇلوۆ وقو ءىىد جەرگىلىكتى پوليتسيا قىزمەتىنىڭ جەكە قۇراماسىنا جاڭا كولىكتەردىڭ كىلتىن بەردى. تاۋەلسىزدىكتىڭ 25 جىلدىعىنا ارنالعان ءىس-شارالاردا 73 «KIA-Rio» ماركالى ماشينالار جول-پاترۋلدىك پوليتسيا قىز­مەت­كەرلەرىنە بەرىلسە, ۋچاسكەلىك پوليتسيا قىزمەتكەرلەرى ۆاز-2121010 ماركالى بەس ماشيناعا يە بولدى. پوليتسيا قىزمەتكەرلەرىن تاۋەلسىزدىك مەرەكەسى قارسا­ڭىن­داعى جاقسى جاڭالىقتارىمەن قۇتتىقتاعان ايماق باسشىسى قۇرىلعانىنا ءبىر جىل بولعان جەرگىلىكتى پوليتسيا قىزمەتىنىڭ حالىق اراسىندا ۇلكەن بەدەلگە يە ەكەندىگىن اتاپ ءوتتى. الداعى ۋاقىتتا دا ەل سەنىمىنەن شىعۋلارىنا تىلەكتەستىگىن ءبىلدىردى. قوعامدىق ءتارتىپ ساقشىلارى وزدەرىنە ارتىلعان جاۋاپكەرشىلىك ۇدەسىنەن شىعاتىندىقتارىن ايتىپ, الاڭنان سالتاناتتى شەرۋمەن ءجۇرىپ ءوتتى.  باقتيار تايجان, «ەگەمەن قازاقستان» وڭتۇستىك قازاقستان وبلىسى