الىستان كەلگەن العىس حات

وسى كۇندەرى تۋريزم جانە سپورت مينيسترلىگىنە قىسقى ازيا ويىن­دارىنىڭ قوناقتارى مەن قاتى­سۋ­شىلارىنان العىس حاتتار مولىنان تۇسۋدە. سولاردىڭ ءبىرى جاقىندا ازيا­دا كەزىندە استانا مەن الماتى قالاسىندا ساپارمەن بولعان حا­لىقارالىق وليمپيالىق كوميتەتىنىڭ پرەزيدەنتى جاك روگگەدەن كەلدى. ول ءVىى قىسقى ازيادانىڭ لايىقتى وتكىزىلۋىمەن جانە قازاقستان سپورت­شىلارىنىڭ جالپى كوماندالىق ەسەپتە ءبىرىنشى ورىندى جەڭىپ العا­نىمەن قۇتتىقتايدى. سونىمەن بىرگە ەلىمىزدەگى سپورتتىق ينفراقۇ­رى­لىم­­نىڭ ساپاسى مەن قازاق حال­قىنىڭ قوناقجايلىلىعىنا ريزاشى­لىعىن ءبىلدىرىپتى. بۇدان باسقا ءمينيستردىڭ اتىنا ەلىمىزدى ازيادانى وتكىزۋىمەن قۇت­تىقتاعان ازيادا وليمپيالىق كەڭە­سىنىڭ پرەزيدەنتى شەيح احماد ءال-فاحاد ءال-ساباقتان العىس حات كەلىپ ءتۇستى. اوك باسشىسى ازيادانىڭ ءوز تاريحىندا ۇلكەن جەتىستىككە جەتكەنىن, قۇرلىقتىڭ باستى جارىس­تارى­نىڭ ءبىرىنىڭ قازاقستاندا وتكىزىلۋى بولاشاقتا رەسپۋبليكالىق ۇلتتىق وليمپيادالىق كوميتەتىنە تاجىريبە جيناپ, باسقا دا ءىرى جارىستاردى ۇيىمداستىرۋعا سەپتىگىن تيگىزەتىنىن اتاپ ايتقان. «ءVىى قىسقى ازيا ويىندارىنىڭ وتكىزىلۋى كەلەسى جارىستى قابىلدايتىن ەلدەرگە ۇلگى كورسەتتى. قازاقستان ازيادانى جوعارى دەڭگەيدە وتكىزۋ ءۇشىن بارلىق جاعدايدى جاسادى», – دەلىنگەن اوك پرەزيدەنتىنىڭ حاتىندا. داستان كەنجالين.