جارىستار جاڭعىرىعى

ۆەلوسپورت. يسپانيادا «ۆۋەلتا» كوپكۇندىگى مارەگە جەتتى. ونىڭ قورىتىندىسىن­دا دات ماگ­نۋس كورت نيلسەن – ءبىرىنشى, يتاليالىق دانيەل بەنناتي – ەكىنشى, بەل­گيا­لىق گيانني مەرسمان ءۇشىنشى ورىن­داردى الدى. «استانا» ۆەلوشابان­دوزدارى ساپىنان ەڭ ۇزدىك كورسەتكىش كور­سەتكەن اندرەي زەيتس كومبە سىزى­عىن 32-ءىنشى بولىپ قيدى. وسى كۇندەرى كانادادا «گران-پري مونرەال» جارىسى دا بو­لىپ ءوتتى. ۇزاقتىعى 205,7 شاقىرىم­عا سوزىل­عان بۇل بايگەدە ريو وليم­پيا­دا­سى­نىڭ چەمپيونى, بەلگيالىق گرەگ ۆان اۆەرمات الدىنا جان سالمادى. «استانا» كلۋبى مۇشەلەرىنىڭ ارا­سىن­داعى ەڭ جاقسى كورسەتكىشكە جەت­كەن تانەل كانگەرت 21-ءشى ورىن الدى.   فۋتبول. قىتايدا اياقتال­عان «تورتەۋدىڭ تۋرنيرىندە» قازاقستان­نىڭ جاسوسپىرىمدەر قۇراماسى بارلىق كەزدەسۋلەرىندە ءىرى ەسەپپەن ۇتىلىپ, ەڭ سوڭعى ورىندا قالىپ قويدى. باس جات­تىقتىرۋشى سەرىك ابدۋاليەۆتىڭ شاكىرتتەرى الدىمەن مەكسيكالىق قۇرداستارىنان 0:6 بولىپ تىزە بۇكسە, الاڭ يەلەرىنە 0:3 ەسەبىمەن ەسە جىبەردى. سوڭعى ويىندا ءبىزدىڭ كوماندانى يران قۇراماسى 5:1 ەتىپ كۇيرەتە جەڭدى. كەشە سونداي-اق, سلوۆەنيا فۋتبول اسسوتسياتسياسىنىڭ باسشىسى الەكساندر چەفەريننىڭ ۋەفا پرەزيدەنتى بولىپ سايلانعانى بەل­گىلى بولدى. سايلاۋ 14 قىركۇيەكتە افينا قالاسىندا ءوتتى. وندا 55 فەدەراتسيا وكىلدەرىنىڭ 42-ءسى جاڭا پرەزيدەنتكە, 13-ءى ونىڭ نيدەرلاندتىق قارسىلاسى ميحاەل ۆان پراگقا داۋىس بەردى. ۆولەيبول. ءفيليپپيننىڭ بينان قالا­سىندا ازيانىڭ ايەلدەر ج­اساق­تارى اراسىنداعى  كلۋبتىق چەم­پيوناتى كومبەگە جەتتى. باس بايگەنى فينالدا قىتايدىڭ «بايا شەنچجەنىن» ءۇش پارتيادا ۇتقان جاپوننىڭ «نەك رەد روكەتس» كومانداسى جەڭىپ الدى. ال ءۇشىنشى ورىن ءۇشىن تالاستا وسكەمەننىڭ «التايى» تايلاندتىڭ «بانگكوك گلاسىنان» 2:3 ەسەبىمەن ۇتىلدى. ماتچتىڭ باسىندا ءبىزدىڭ جەرلەس­تەرىمىز 2:0 ەتىپ ۇتىپ تۇردى. بىراق سودان كەيىن ويىن تىزگىنىن قولدارىنان شىعارىپ الدى. تۋرنيردە قۇرلىقتىڭ 12 كۇشتى كلۋبى كۇش سىناستى.   باسكەتبول. يراننىڭ استاناسى – تەگەراندا ەرلەر قۇرامالارى ازيا كۋبوگى ەكىنشى كەزەڭىنىڭ ويىندارىن وتكىزىپ جاتىر. مۇندا ە توبىنا تۇسكەن قازاق­ستان باسكەتبولشىلارى فيليپپين جىگىتتەرىنەن 86:98 ەسەبى­مەن جەڭىلىس تاپتى. مۇنىڭ الدىندا ولار ءبىرىنشى كەزەڭدە يور­دانيادان 71:89, قىتايدان 85:106, ەكىنشى كەزەڭدە قىتاي تاي­پەيىنەن 77:92 ەسەپتەرىمەن جەڭىلگەن ەدى. وسى ويىنداردان كەيىن كوماندا تۋر­نير كەستەسىنىڭ ەڭ سوڭعى ورنىندا كەلەدى.   پاراليمپيادا. ريو-دە-جانەيرو­دا 8 قىركۇيەكتە باستال­عان ويىندار ەندى 3 كۇننەن كەيىن اياق­تالادى. وسى كەزگە دەيىن قازاق­ستان­دىقتار بۇل دودادا 1 التىن, 1 كۇمىس مەدال جەڭىپ الدى. بۇل كوماندانىڭ 48-ورىنعا تابان تىرەۋىنە مۇمكىندىك بەردى. ال توپ باسىندا قىتاي (63, 51, 33), ۇلى­بريتانيا (34, 18, 23) جانە ۋكراينا (27, 27, 24) قۇرامالارى تۇر.   «ەگەمەن-اقپارات» «قازاقستانعا