«قازاقستانعا ساياحات كىتابىنىڭ» تۇساۋكەسەرى

نازارباەۆ ورتالىعىندا  قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قورى جانە Green Penguin اگەنتتىگى قازاقستان تۋرالى ەديۋتەيمەنت پىشىمىندە جارىق كورگەن «قازاقستانعا ساياحات كىتابى» اتتى تۋىندىنى تانىستىردى. بۇل كىتاپتى اۆتورلار «مەنىڭ ەلىم» دەپ اتالاتىن قازاقستاندىق بىرەگەيلىكتى نىعايتۋعا ۇلەس قوسۋ نيەتىمەن قازاقستاننىڭ «ۆيزيتتىك كارتوچكاسى» رەتىندە ويلاستىرعان. «قازاقستانعا ساياحات كىتابى» ۇلى دالا ەلىن ەلەستەتەدى جانە ونىڭ تاڭعاجايىپ بايلىعىن تانىپ-بىلۋگە, جاڭاشا كوزقاراس­پەن قاراۋعا جانە سۇيسىنۋگە شابىت­تان­دىرادى. ساياحات كىتابى­نىڭ ءپىشىمى ەرەكشە – ول انىقتامالىق تا, وقۋلىق تا ەمەس جانە گەوگرافيالىق اتلاس تا ەمەس. ونى تاريحي-گەوگرا­فيا­­لىق جانە ستاتيستيكالىق فاكتى­لەر­­گە نەگىزدەلگەن كارتا دەۋگە بولا­­­دى. قازاقستانعا ساياحات كىتا­بى بار­لىق جاستاعى ادامدارعا ار­نال­­عان جانە ول قازاقستاندىقتار مەن قو­­نا­ق­تاردى قىزىقتىراتىنى كۇمانسىز. بۇل جولى اۆتورلار كىتاپتىڭ قازاق جانە ورىس تىلدەرىندەگى ءبىرىنشى تارالىمىن ۇسىنىپ وتىر. جاقىن ارادا ونىڭ اعىلشىن ءتىلىن­دەگى نۇسقاسىن شىعارۋ جۇمى­سى باستالادى. «جوبانىڭ الەۋەتى زور جانە پاتريوتتىق سەزىمدى, سونداي-اق,  ەلىمىزدىڭ ەرەكشەلىگىن جانە بىرەگەيلىگىن, ىشكى جانە سىرتقى ءتۋريزمدى ناسيحاتتاۋعا ىق­پال ەتەدى. ۋنيۆەرسيادا, ەكسپو سياقتى اۋقىمدى ءىس-شارا­لار وتكىزەر الدىندا وسىنداي جوبا­نىڭ سۇرانىسقا يە بولۋى ار­تا­دى. ول دامي باستايدى. ءبىز ونىڭ ەلىمىزدىڭ لايىقتى «ۆيزيتتىك كارتوچ­كاسى» بولاتىنىنا سەنىم­دىمىز» – دەدى قازاقستان رەسپۋب­ليكا­سىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورى ساعىندىق نۇراحانوۆ تۇساۋكەسەردە. سونىمەن قاتار, ول جوبانى ءبىر جارىم جىل بويى جاس ديزاينەرلەر, تاريحشىلار مەن ساراپشىلار, بلوگەرلەر مەن ساياحاتشىلار, جۋرناليستەر جانە قازاقستاندى بىلەتىن جانە سۇيەتىن قاراپايىم ىنتالى ادامدار جاساعانىن دا  اتاپ ءوتتى. «قازاقستاننىڭ تاريحى مەن تابيعاتى وتە باي بولعاندىقتان, ونى ءبىر كىتاپقا سىيعىزۋ مۇمكىن ەمەس. سوندا دا ءبىز تەپە-تەڭدىكتى ساق­تاي الدىق دەپ ويلايمىن. كىتاپ­قا  48 ءدىني عيمارات, 130 تاريحي نىسان, 65 تانىمال تۇلعا, 64 جانۋار­لار الەمى جانە باسقا دا كوپ­تەگەن كورنەكى ورىندار ەنگىزىل­دى», – دەدى Green Penguin اگەنتتى­گىنىڭ ديرەكتورى يرينا تاراسەنكو. اتالعان جوبانىڭ اۆتورلارى دا وسال ەمەس. ءبىرىنشىسى – تۇڭعىش پرەزيدەنت – ەلباسىنىڭ قورى بولسا, ەكىنشىسى – 2015 جىلعى كرەاتيۆتىك رەيتينگ بويىنشا ورتالىق ازيانىڭ ەڭ ۇزدىك Green Penguim اگەنتتىگى بولىپ وتىر. راۋان قايدار, «ەگەمەن قازاقستان»