جاڭا جۋرناليستيكا كافەدراسى

م.قوزىباەۆ اتىنداعى سولتۇستىك قازاقستان مەم­لەكەتتىك ۋنيۆەرسيتەتى رەك­تورىنىڭ مىندەتىن ات­قارۋشى سەرىك ومىرباەۆ ستۋ­دەنت اتانعان «التىن بەلگى» يەگەرلەرىمەن كەزدەسۋدە ءبىلىم جانە عىلىم سالاسىنداعى وزگەرىستەرگە كەڭىنەن توق­تالدى. وسى سالا بويىنشا ءتۇزىل­گەن رەسپۋبليكالىق باع­دارلامادا جەكە تۇلعانىڭ جان-جاقتى قالىپتاسۋىنا, وقۋ پاندەرىنىڭ مازمۇنىنا ەرەكشە باسىمدىق بەرىلگەن. ەكىنشى سەمەستردەن باستاپ ستۋدەنتتەر ءبىلىم بەرۋ دەڭ­گەيىن باعالاۋ ارقىلى جانە ماماندىق بويىنشا ءپان­دەر مەن وقىتۋشىلاردى وزدەرى تاڭداۋ قۇقىنا يە بولادى. سول سياقتى انگليا, يتاليا, يسپانيا, گەرمانيا, تاعى باسقا ەلدەرمەن تىعىز ارىپتەستىك بايلانىس ورناتىلىپ, قوس ديپلومدى ماماندىق الۋ ءداستۇرى ودان ءارى جالعاساتىن بولادى. ستۋدەنتتەر ارا­سىن­دا قۇقىقتانۋ, ەكونو­مي­كا, ماتەماتيكا, راديو­تەح­نيكا, گەوگرافيا, شەت ءتىلى ماماندىقتارىنا قىزى­عۋشىلىق باسىم. بيىل 1700-دەن استام تۇلەك ستۋدەنت پار­تاسىنا وتىرسا, 111 ادام ماگيستراتۋراعا, 6 ادام دوكتورانتۋراعا قابىلدانعان. بولىنگەن 366 مەملەكەتتىك گرانتتىڭ 233-ءىن وڭتۇستىكتەن ءبىلىم قۋىپ كەلگەن جاستار يەلەنگەن. جەرگىلىكتى ماڭىزى زور ايتۋلى وقيعانىڭ ءبىرى – جۋرناليستەر دايارلايتىن ءبولىمنىڭ كافەدراعا اي­نالۋى. وڭىردە قازاق جۋر­نا­ليس­تەرىنىڭ قاناتتانىپ ۇشۋى­نا وزىندىك ۇلەس قوسقان ۋنيۆەرسيتەتتىڭ پروفەسسورى, بىلىكتى عالىم زارقىن تاي­شىبايدىڭ ايتۋىنشا, ايماق ءۇشىن ماماندار ءازىر­لەيتىن قازاق جانە ورىس جۋرناليستيكا بولىمدەرى في­لولوگيا كافەدرالارىنىڭ قاراماعىندا بولىپ كەلسە, ەندى دەربەستىك سيپاتقا يە. 2001 جىلدان بەرى ونىڭ قابىرعاسىنان 80 تۇلەك ديپلوم الىپ, 10 ادام جۋرناليستيكا ماگيسترى اتانعان. ءبىرىنشى كۋرسقا 23 تالاپكەر قابىلدانعان. بىلتىردان بەرى سىرتتاي وقىتۋ ءبولىمى جۇمىس ىستەيدى. ءومىر ەسقالي, «ەگەمەن قازاقستان» سولتۇستىك قازاقستان وبلىسى