مەشىتتە تەگىن دۇكەن اشىلدى

قۇربان ايت وڭىردە ەستە قالارلىق وقيعالارمەن اتاپ ءوتىلدى. قازاقستان مۇسىلماندارى ءدىني باسقارماسىنىڭ وكىل يمامى, ناۋان حازىرەت اتىنداعى ورتالىق مەشىتتىڭ باس يمامى قانات قىدىرمين جاماعاتتى ۇلىق مەرەكەمەن قۇتتىقتاۋىندا جاقسىلىق پەن يگىلىكتىڭ ورداسىنا اينالعان وتانىمىزدى گۇلدەندىرۋدەگى ورتاق ۇمتىلىس­تار­دىڭ ارتقاندىعىن اتاپ ءوتتى. قۇتتى قادامنىڭ وركەن جايۋى­نا ءدىني قاۋىمداستىق تا وزىندىك ۇلەس قوسۋدا. يگى مىسال رەتىندە, كوكشەتاۋ مەشىتىندە الەۋمەتتىك جاعىنان ناشار قورعالعان جان­دارعا ارنالعان دۇكەن اشىلعانىن ايتۋىمىزعا بولادى. دۇكەننىڭ ەرەك­شەلىگى تەگىن قىزمەت كور­سەتۋىندە. قالالىق الەۋمەتتىك قام­سىز­داندىرۋ ءبولىمىنىڭ ءتىزىمى بو­يىنشا مۇندا 60 وتباسى تىركەۋگە الىنعان. ولار ازىق-ت ۇلىك, كيىم-كەشەك, تاعى باسقا تاۋارلاردى جەتكىلىكتى مولشەردە الا الادى. باس يمامنىڭ مالىمدەۋىنشە, دۇكەن مەشىتتىڭ ءوز قارجىسى مەن دەمەۋشىلەردىڭ كومەگىمەن جۇمىس ىستەيدى. سونداي-اق, بارلىق جا­ماعات ءۇشىن دۇكەننىڭ ەسىگى اشىق. بۇعان قوسىمشا, وبلىستىڭ بارلىق مەشىتىندە مەرەكە قۇرمەتىنە قۇربان شالىنىپ, اس بەرىلدى. قورعالجىن اۋدانى مەن بەستوبە كەنتىندەگى بۇقارالىق شارادا ۇلتتىق سپورت ويىندارى ۇيىمداستىرىلسا, جاس شاكىرتتەر قۇران وقۋدان سىنعا ءتۇستى.  باقبەرگەن امالبەك, «ەگەمەن قازاقستان» اقمولا وبلىسى