«قازاقستان» تەلەارناسى كورەرمەندەرگە كەزەكتى ماۋسىمىن ۇسىنادى

بۇگىن پرەزيدەنت جانىنداعى «ورتالىق كوممۋنيكاتسيالار قىزمەتىندە» «قازاقستان» ۇلتتىق ارناسىنىڭ تەلەۆيزيالىق كونتەنتىن جاڭعىرتۋ» تاقىرىبىندا ءباسپاسوز ءماسليحاتى ءوتتى. جيىنعا «قازاقستان» رترك» اق باسقارما ءتورايىمى نۇرجان مۇحامەدجانوۆا, «اكە» تەلەحيكاياسىنىڭ باستى كەيىپكەرى, م.اۋەزوۆ اتىنداعى قازاق مەملەكەتتىك اكادەميالىق تەاترىنىڭ اكتەرى ازات سەيىتمەتوۆ جانە قازاقستاندىق رەجيسسەر, ستسەناريست, كليپمەيكەر, پروديۋسەر اسقار ۇزاباەۆ قاتىستى. تاۋەلسىزدىكتىڭ 25 جىلدىق مەرەيتويىن اتاپ ءوتۋ قارساڭىندا كورپوراتسيانىڭ 2016-2017 جىلدارعا ارنالعان تەلەۆيزيالىق جاڭا ماۋسىمىنىڭ اشىلۋ ءراسىمىنىڭ نەگىزگى لەيتموتيۆى – «بۇل – مەنىڭ قازاقستانىم!». بۇل تۋرالى ۇلتتىق ارنانىڭ باسقارما ءتورايىمى نۇرجان جالاۋقىزى مالىمدەدى. بريفينگ بارىسىندا بۇقارالىق اقپارات قۇرالدارىنا «قازاقستان» تەلەارناسى جاڭا تەلەماۋسىمىنىڭ تانىستىرىلىمى كورسەتىلدى. «كورپوراتسيانىڭ باعدارلامالىق مىندەتتەرىنىڭ ءبىرى مەملەكەتىمىزدىڭ اقپاراتتىق ساياساتتى ءتيىمدى جۇزەگە اسىرۋىمەن قاتار, تاۋەلسىز قازاقستاننىڭ جەتىستىكتەرىن, مەملەكەتتىك باعدارلامالاردىڭ ورىندالۋ جولدارىن جانە ناتيجەلەرىن كەڭىنەن ناسيحاتتاۋعا باعىتتالعان», – دەدى باسقارما ءتورايىمى. جاڭا ماۋسىمدا «قازاقستان» تەلەارناسى كورەرمەندەرىنە جاڭا جوبالار مەن تەلەحيكايالار ۇسىنادى, سونداي-اق, سۇيىكتى باعدارلامالارىنا اينالعان رەيتينگى جوعارى جوبالاردىڭ جاڭا شىعارىلىمدارىن تاماشالاۋعا مۇمكىندىك الادى. ونىڭ ىشىندە «ايتۋعا وڭاي...», «دارا جول», «ايەل باقىتى», «تۇنگi ستۋديادا» سىندى حالىقتىڭ كوڭىلىنەن شىققان رەيتينگى جوعارى باعدارلامالار جاڭا فورماتتا, جاڭارعان ستۋديادا ءوز كورەرمەندەرىنە قىزىقتى دا اكتۋالدى تاقىرىپتاردى قوزعايتىن بولادى. بيلىك پەن حالىق اراسىندا ءوزارا سەنىمدىلىك احۋالىن ورنىقتىرۋ ماقساتىندا «سەرپىلىس», «قوعامدىق كەڭەس», «سۇحبات», «وي-تولعاۋ» تەلەجوبالارى ۇسىنىلادى. سونداي-اق, ۇلتتىق ارنا ەفيرىنە 8 جاڭا سەريال شىعادى. ايتا كەتەيىك, 1-ءشى قىركۇيەكتە «قازاقستان» تەلەارناسىنىڭ مەملەكەتتىك تىلدە حابار تاراتۋىنا 5 جىل تولدى. وسى ۋاقىت ارالىعىندا اۋديتوريا سانى 2 ەسەگە وسكەن. ەگەمەن-اقپارات