وتكەن جىلى جۇزەگە اسىرىلعان يندۋستريالىق-يننوۆاتسيالىق دامۋ باعدارلاماسىنىڭ ناتيجەسىندە 152 كاسىپورىن ىسكە قوسىلىپ, 24 مىڭعا جۋىق قازاقستاندىق تۇراقتى جۇمىسپەن قامتىلعان. وسى ورايدا جەتىسۋ جەرىندە دە ناقتى جۇمىستاردىڭ تياناعى كەلتىرىلگەنىن ايتۋعا بولادى. ماسەلەن, بۇعان دەيىن حابارلاعانىمىزداي, تالعار اۋدانى كولحوزشى اۋىلىندا جۇك ءاۆتوموبيلىن شىعاراتىن جاڭا كاسىپورىن جۇمىسىن باستاعان بولاتىن. زاۋىتتا كورەيادان جەتكىزىلەتىن ماشينا بولشەكتەرىنەن 1,5-تەن 15 تونناعا دەيىن جۇك كوتەرەتىن تەحنيكالار, فۋرگوندار, رەفريجەراتورلار, تاعى باسقا ساپاسى جوعارى اۆتوكولىكتەر شىعارىلىپ, تۇتىنۋشىعا جول تارتۋدا. ال زاۋىتقا تارتىلعان ينۆەستيتسيا كولەمى 300 000 000 اقش دوللارىن قۇرايدى.
كۇمىسجان بايجان, الماتى وبلىسى.
25 000 قوياننىڭ قىسى باستالعالى اقتوبە قالاسىنان سىرتقا وسىنشاما توننا قار شىعارىلدى. بۇل جۇمىس, اسىرەسە, كوكتەمدە سۋعا كەتۋ قاۋپى بار ماسكەۋ اۋدانىندا قىزۋ جۇرگىزىلۋدە. بيىلعى قىس ونىڭ الدىنداعى جىلدارعا قاراعاندا قارلى بولىپ تۇر. سوندىقتان دا قالا كوشەلەرىن قاردان تازارتۋ جۇمىستارىمەن بەس مەكەمە شۇعىلدانۋدا. قار سۋى كوپ جينالاتىن ماسكەۋ اۋدانىندا «كتپ», «اسسانا», «اقتوبە قۇرىلىس» جانە «اقجول لتپ» جاۋاپكەرشىلىگى شەكتەۋلى سەرىكتەستىكتەرى قار شىعارۋمەن اينالىسىپ جاتسا, «مالىشكا» شاعىن اۋدانىندا بۇل جۇمىستى «تازا قالا» مەكەمەسى اتقارۋدا. بۇل كاسىپورىندار بۇدان كەيىن قاردى سىرتقا شىعارۋ جۇمىستارىن ء«سۇت زاۋىتى» جانە «قۇرمىش» شاعىن اۋداندارىندا جالعاستىرادى.
ساتىبالدى ءساۋىرباي, اقتوبە وبلىسى.
21 755 وبلىستىق ستاتيستيكا باسقارماسىنىڭ حابارىنا قاراعاندا, وسىنشاما ستۋدەنت جوعارى وقۋ ورىندارىندا ءبىلىم الۋدا. ياعني, وبلىس ورتالىعىندا بۇل كۇندەرى 4 جوعارى وقۋ ورنى بولسا, مۇنىڭ ەكەۋى مەملەكەتتىك, وندا 14 375 ستۋدەنت وقىپ ءجۇر. ستۋدەنتتەر كۇندىزگى, سىرتتاي جانە كەشكى بولىمدەردە ءبىلىم الۋدا. ولاردىڭ 92 پايىزى وبلىس ورتالىعىندا, ال 7,9 پايىزى ەكىباستۇز قالاسىندا وقيدى. ال, اقىلى نەگىزدە 15 858 ستۋدەنت ءبىلىم الىپ جۇرسە, مەملەكەتتىك ءبىلىم بەرۋ گرانتىمەن 5 789 جاس قامتىلىپ, مەملەكەتتىك ءبىلىم بەرۋ تاپسىرىسىن 108 ستۋدەنت الىپتى. ستۋدەنتتەردىڭ 64,8 پايىزىن قازاقتار, 27,6 پايىزىن ورىستار, قالعاندارىن وزگە ەتنوس وكىلدەرى قۇرايدى. جەڭىلدىكپەن 1712 اۋىل جاستارى, اتا-انا قامقورلىعىنسىز قالعان 38 ستۋدەنت وقيدى.
فاريدا بىقاي, پاۆلودار وبلىسى.
