قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى №19

  2016 جىلعى 29 ماۋسىم №194 استانا قالاسى «ۇزدىك سپورت ءجۋرناليسى» اتاعىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 28 شىلدەدەگى № 291 بۇيرىعىنا وزگەرىس ەنگىزۋ تۋرالى «دەنە شىنىقتىرۋ جانە سپورت تۋرالى» 2014 جىلعى 3 شىلدەدەگى قازاقستان رەسپۋبليكاسىنىڭ زاڭىنىڭ 7-بابىنىڭ 46) تارماقشاسىنا سايكەس بۇيىرامىن: 1. «ۇزدىك سپورت ءجۋرناليسى» اتاعىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 28 شىلدەدەگى № 291 بۇيرىعىنا (نورماتيۆتىك قۇقىقتىق اكتىلەرى مەملەكەتتىك تىركەۋ تىزىلىمىندە № 9678 بولىپ تىركەلگەن, 2014 جىلعى 3 قىركۇيەكتە «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىس ەنگىزىلسىن: كورسەتىلگەن بۇيرىقپەن بەكىتىلگەن «ۇزدىك سپورت ءجۋرناليسى» اتاعىن بەرۋ قاعيدالارى وسى بۇيرىقتىڭ قوسىمشاسىنا سايكەس رەداكتسيادا جازىلسىن. 2. قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى (ە.ب. قاناعاتوۆ): 1) وسى بۇيرىقتىڭ قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە تولنۇسقاسىنا تولىق سايكەس كەلەتىن ونىڭ گرافيكالىق فورماتتاعى كوشىرمەلەرىن «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جولداۋدى; 3) وسى بۇيرىق مەملەكەتتىك تىركەلگەننەن كەيىن كۇن­تىزبەلىك ون كۇن ىشىندە وسى بۇيرىققا قول قويۋعا ۋاكى­لەتتى تۇلعانىڭ ەلەكتروندىق تسيفرلىق قولتاڭباسىمەن كۋالاندىرىلعان ەلەكتروندى جانە قاعاز تۇرىندەگى كوشىرمەلەرىن رەسمي جاريالاۋ ءۇشىن, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە, قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە ەنگىزۋ ءۇشىن «قازاقستان رەسپۋب­ليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 4) وسى بۇيرىق رەسمي جاريالانعاننان كەيىن كۇنتىزبەلىك ون كۇن ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىنا ورنالاستىرۋدى; 5) وسى تارماقپەن كوزدەلگەن ءىس-شارالار ورىندالعاننان كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن. 4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى مادەنيەت جانە سپورت ءمينيسترى ا.مۇحامەدي ۇلى «كەلىسىلگەن» قازاقستان رەسپۋبليكاسىنىڭ اقپارات جانە كوممۋنيكاتسيالار ءمينيسترى ____________ د.اباەۆ 2016 جىلعى 29 ماۋسىم قازاقستان رەسپۋبليكاسى مادەنيەت جانە سپورت ءمينيسترىنىڭ 2016 جىلعى 29 ماۋسىمداعى №194 بۇيرىعىنا قوسىمشا قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 28 شىلدەدەگى № 291 بۇيرىعىمەن بەكىتىلگەن «ۇزدىك سپورت ءجۋرناليسى» اتاعىن بەرۋ قاعيدالارى 1. جالپى ەرەجەلەر 1. وسى «ۇزدىك سپورت ءجۋرناليسى» اتاعىن بەرۋ قاعيدالارى (بۇدان ءارى – قاعيدالار) «ۇزدىك سپورت ءجۋرناليسى» اتاعىن بەرۋدىڭ ءتارتىبىن ايقىندايدى. 2. وسى قاعيدادا مىناداي ۇعىمدار پايدالانىلادى: 1) كونكۋرسقا قاتىسۋشى – قازاقستان رەسپۋبليكا­سىنىڭ بۇقارالىق اقپارات قۇرالدارىندا (بۇدان ءارى - باق) سپورتتىق جارىستاردى, سپورتتىق ءىس-شارالاردى جاريا ەتۋدە ايتارلىقتاي ەلەۋلى ۇلەس قوسقان وسى قاعيدالارعا سايكەس كونكۋرسقا قاتىسۋ ءۇشىن قۇجاتتاردى ۇسىنعان, دەنە شىنىقتىرۋدى دامىتۋعا ەلەۋلى ەڭبەك سىڭىرگەن باق وكىلى; 2) سىياقى - جەڭگەن كونكۋرسقا قاتىسۋشىعا وتەۋسىز بەرىلەتىن اقشالاي قاراجات. 2. اتاق بەرۋدىڭ ءتارتىبى 3. «ۇزدىك سپورت ءجۋرناليسى» اتاعىن بەرۋ ءۇشىن دەنە شىنىقتىرۋ جانە سپورت سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) «ۇزدىك سپورت ءجۋرناليسى» كونكۋرسىن (بۇدان ءارى – كونكۋرس) وتكىزەدى, ونىڭ ماقساتى قازاقستاندىق سپورت جۋرناليستيكاسىنىڭ ساپاسىن جانە باق-تا سپورتتىق اقپاراتتاردى تاراتۋدىڭ مادەني دەڭگەيىن ارتتىرۋ بولىپ تابىلادى. 4. كونكۋرس جىل سايىن جەلتوقسان ايىنىڭ ەكىنشى جارتىسىندا ءۇش نوميناتسيا بويىنشا وتكىزىلەدى: 1) «ۇزدىك تەلەۆيزيالىق رەپورتاج»; 2) «ۇزدىك جاريالانىم»; 3) «ۇزدىك فوتورەپورتاج». 5. كونكۋرس وتكىزۋ تۋرالى حابارلاندىرۋدى ۋاكىلەتتى ورگان باق-تا جاريالايدى, سونداي-اق ۋاكىلەتتى ورگاننىڭ ينتەرنەت-رەسۋرسىندا جىل سايىن 10 قاراشاعا دەيىن كەشىكتىرىلمەي ورنالاستىرادى. حابارلاندىرۋ كونكۋرستىڭ اتاۋىن, كونكۋرسقا قاتىسۋ ءۇشىن قۇجاتتاردى قابىلداۋ ورنىن, كونكۋرسقا قاتىسۋ ءۇشىن قۇجاتتاردى قابىلداۋدى باستالۋ مەن اياقتالۋ كۇنىن, كونكۋرس تۋرالى قوسىمشا اقپاراتتى الۋ ءۇشىن ۋاكىلەتتى ورگاننىڭ بايلانىس دەرەكتەرىن قامتيدى. 6. كونكۋرسقا قاتىسۋ ءۇشىن ۋاكىلەتتى ورگانعا مىنا قۇجاتتار ۇسىنىلادى: 1) ءبىر نوميناتسيا بويىنشا كونكۋرسقا قاتىسۋ ءۇشىن ەركىن نىسانداعى ءوتىنىش; 2) كونكۋرسقا قاتىسۋشىنىڭ شىعارماشىلىق قىزمەتىنىڭ قىسقاشا سيپاتتاماسى; 3) سپورتشىعا نەمەسە سپورتتىق وقيعاعا ارنالعان, ەفيرگە شىققان جانە/نەمەسە باسپا نەمەسە ەلەكتروندى باق-تا اعىمداعى جىل ىشىندە جارىق كورگەن جۇمىس. جۇمىس قاعاز جانە ەلەكتروندى تاسىعىشتا (ۆيدەوماتەريال, اۋديوماتەريال, جاريالانىم (باسپا نەمەسە ەلەكتروندىق داناسى), فوتوجۇمىس (فوتورەپورتاج) ۇسىنىلادى. ءبىر كونكۋرسقا قاتىسۋشى تەك ءبىر نوميناتسيا بويىنشا كونكۋرسقا قاتىسۋ ءۇشىن جۇمىس ۇسىنا الادى. 7. كوميسسيا توراعانى, توراعا ورىنباسارىن قوسا العاندا كەمىندە ون ءبىر ادام ەسەبىندە مۇشەلەردىڭ تاق سانىنان تۇرادى. كوميسسيا حاتشىسى ونىڭ مۇشەسى بولىپ تابىلمايدى. 8. ۋاكىلەتتى ورگان كوميسسيا مىنا قۇرادى, ول: 1) مىنا كريتەريلەرى بويىنشا ۇسىنىلعان قۇجاتتاردى قارايدى: «ۇزدىك سپورتتىق تەلەۆيزيالىق رەپورتاج» نومينا­تسياسى بويىنشا - ءجۋرناليستىڭ ساۋاتتى اۋىزشا سويلەگەن ءسوزى, سيۋجەتتىڭ دراماتۋرگياسى, ۆيدەوقاتاردىڭ ساپاسى, ستەنداپتىڭ, كادردان تىس ءماتىننىڭ ورىندىلىعى; «ۇزدىك سپورتتىق جاريالانىم» نوميناتسياسى بويىنشا - ءتىلدىڭ ساۋاتتىلىعى, ناقتىلىعى, ءسوز ساپتاۋدىڭ تۇپنۇسقالىعى, اۆتورلىق بەرۋ, سيۋجەتتىڭ دراماتۋرگياسى; «ۇزدىك سپورتتىق فوتورەپورتاج» نوميناتسياسى بويىنشا – قارقىندىلىعى, ستاندارتتى ەمەس كوركەم شەشىمى, ونەرتاپقىشتىلىعى مەن كرەاتيۆتىلىگى, بەينەسىنىڭ ساپاسى; 2) كونكۋرسقا قاتىسۋشىلاردىڭ اراسىندا جەڭىم­پازدى انىقتايدى جانە «ۇزدىك سپورت ءجۋرناليسى» اتاعىن بەرەدى. 9. كوميسسيانىڭ وتىرىسى ەگەر وندا كوميسسيا مۇشەلەرىنىڭ جالپى سانىنىڭ كەمىندە 2/3 قاتىسسا زاڭدى دەپ سانالادى. كوميسسيانىڭ قاتىسپاعان مۇشەلەرىن اۋىستىرۋعا جول بەرىلمەيدى. 10. ءار نوميناتسيا بويىنشا كونكۋرسقا قاتىسۋشىلاردىڭ اراسىندا جەڭىمپازدى ايقىنداۋ جانە «ۇزدىك سپورت ءجۋرناليسى» اتاعىن بەرۋ تۋرالى كوميسسيانىڭ شەشىمى قاتىسىپ وتىرعان كوميسسيا مۇشەلەرىنىڭ كوپ داۋىسىمەن قابىلدانادى. داۋىستار تەڭ بولعان جاعدايدا, توراعالىق ەتۋشىنىڭ داۋىسى شەشۋشى بولىپ تابىلادى. 11. كوميسسيانىڭ شەشىمى حاتتامامەن رەسىمدەلەدى. 12. ءار نوميناتسيا بويىنشا جەڭىمپازدارعا «ۇزدىك سپورت ءجۋرناليسى» اتاعى جانە «جازۋشى سەيداحمەت بەردىقۇلوۆتى اتىنداعى سىيلىق تاپسىرىلادى. 3. قورىتىندى ەرەجە 13. كونكۋرس جەڭىمپازدارىن ماراپاتتاۋ ءۇشىن قاجەتتى قاراجات رەسپۋبليكالىق بيۋدجەت ەسەبىنەن سەيداحمەت بەردىقۇلوۆ اتىنداعى جۇلدەنى تولەۋگە بولىنگەن 50 ايلىق ەسەپتىك كورسەتكىش مولشەرىندەگى قاراجات شەڭبەرىندە جۇزەگە اسىرىلادى. 14. كونكۋرستىڭ ناتيجەلەرى تۋرالى اقپارات ۋاكىلەتتى مەملەكەتتىك ورگاننىڭ ينتەرنەت-رەسۋرسىندا ورنالاستىرىلادى جانە كونكۋرس وتكىزىلگەننەن كەيىن 10 جۇمىس كۇنى ىشىندە باق-تا جاريالانادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14043 بولىپ ەنگىزىلدى.