قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى  №19

  2016 جىلعى 29 ماۋسىم №193 استانا قالاسى مادەنيەت ۇيىمدارىنىڭ قىزمەتكەرلەرىنە قوسىمشا اقىنى تولەۋدىڭ قاعيدالارى مەن شارتىن بەكىتۋ تۋرالى «ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەت­كەرلەرىنە, قازىنالىق كاسىپورىنداردىڭ قىزمەت­كەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى № 1193 قاۋلىسىنا سايكەس بۇيىرامىن: 1. قوسا بەرىلىپ وتىرعان مادەنيەت ۇيىمدارىنىڭ قىزمەتكەرلەرىنە قوسىمشا اقىنى تولەۋدىڭ قاعيدالارى مەن شارتى بەكىتىلسىن. 2. «مادەنيەت ۇيىمدارىنىڭ كەيبىر قىزمەتكەرلەرىنە كاسىبي شەبەرلىگى ءۇشىن قوسىمشا اقى تولەۋ قاعيدالارىن بەكىتۋ تۋرالى» قازاقستان رەسپۋبليكاسى مادەنيەت جانە اقپارات ءمينيسترىنىڭ 2013 جىلعى 22 قاراشاداعى № 271 بۇيرىعى (نورماتيۆتىك قۇقىقتىق اكتىلەردى مەم­لەكەتتىك تىركەۋ تىزىلىمىندە №9017 بولىپ تىركەلگەن, 2014 جىلعى 9 قاڭتاردا «كازاحستانسكايا پراۆدا» گازەتىندە № 4 (27625) جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسى مادەنيەت جانە سپورت مينيسترلىگىنىڭ ەكونوميكا جانە قارجى دەپارتامەنتى (ا.ب.دوسحودجاەۆا): 1) وسى بۇيرىقتىڭ قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە تولنۇسقاسىنا تولىق سايكەس كەلەتىن ونىڭ گرافيكالىق فورماتتاعى كوشىرمەلەرىن «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جولداۋدى; 3) وسى بۇيرىق مەملەكەتتىك تىركەلگەننەن كەيىن كۇنتىز­بەلىك ون كۇن ىشىندە وسى بۇيرىققا قول قويۋعا ۋاكىلەتتى تۇلعانىڭ ەلەكتروندىق تسيفرلىق قولتاڭ­باسىمەن كۋالاندىرىلعان ەلەكتروندى جانە قاعاز ءتۇرىن­دەگى كوشىرمەلەرىن رەسمي جاريالاۋ ءۇشىن, قازاق­­ستان رەسپۋب­ليكاسى نورماتيۆتىك قۇقىقتىق اكتىلەرىنىڭ ەتا­لوندىق باقىلاۋ بانكىنە, قازاقستان رەسپۋبليكاسىنىڭ نورما­تيۆتىك قۇقىقتىق اكتىلەرىنىڭ مەملەكەتتىك ءتىزىلى­مىنە ەنگىزۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋب­ليكالىق مەملەكەتتىك كاسىپورنىنا جولداۋدى; 4) وسى بۇيرىق رەسمي جاريالانعاننان كەيىن كۇن­تىزبەلىك ون كۇن ىشىندە قازاقستان رەسپۋبليكاسى مادە­نيەت جانە سپورت مينيسترلىگىنىڭ ينتەرنەت-رەسۋرسىنا ورنالاستىرۋدى; 5) وسى تارماقپەن كوزدەلگەن ءىس-شارالار ورىندال­عاننان كەيىن ون جۇمىس كۇنى ىشىندە قازاقستان رەسپۋب­ليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ مادەنيەت جانە سپورت ءمينيسترى ا.مۇحامەدي ۇلى قازاقستان رەسپۋبليكاسى مادەنيەت جانە سپورت ءمينيسترىنىڭ 2016 جىلعى 29 ماۋسىمداعى №193 بۇيرىعىمەن بەكىتىلگەن مادەنيەت ۇيىمدارىنىڭ قىزمەتكەرلەرىنە قوسىمشا اقىنى تولەۋدىڭ قاعيدالارى مەن شارتى 1-تاراۋ. جالپى ەرەجەلەر 1. وسى مادەنيەت ۇيىمدارىنىڭ قىزمەتكەرلەرىنە قوسىمشا اقىنى تولەۋدىڭ قاعيدالارى مەن شارتى (بۇدان ءارى - قاعيدا) مادەنيەت ۇيىمدارىنىڭ قىز­مەت­­كەرلەرىنە قوسىمشا اقىنى تولەۋدىڭ ءتارتىبىن ايقىن­دايدى. 2. باستى (جەتەكشى) رولدەردى (پارتيالاردى) ورىن­داعانى, اعىمداعى رەپەرتۋاردا جۇمىسپەن قامتىلعانى ءۇشىن, باستى (جەتەكشى) رولدەردى (پارتيالاردى) ورىنداۋدى جانە اعىمداعى رەپەرتۋاردا جۇمىسپەن قامتىلۋدى قوسپاعاندا تەاتر, وپەرا (وپەرەتتا), بالەت, مۋزىكالىق كومەديا, تسيرك, كونتسەرتتىك ۇيىمدار ارتىستەرىنە تەحنيكالىق شەبەرلىگى ءۇشىن مادەنيەت ۇيىمدارىنىڭ قىزمەتكەرلەرىنە قوسىمشا اقىنى (بۇدان ءارى – قوسىمشا اقى) تولەۋ جۇزەگە اسىرىلادى. 3. نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №10927 بولىپ تىركەلگەن «مەملە­كەت باقىلايتىن اكتسيونەرلىك قوعامداردىڭ جانە جاۋاپكەر­شىلىگى شەكتەۋلى سەرىكتەستىكتەردىڭ, مەملەكەتتىك كاسىپورىنداردىڭ دامۋ جوسپارلارىن ازىرلەۋ, بەكىتۋ, سونداي-اق ولاردى ىسكە اسىرۋدىڭ مونيتورينگى مەن ونى باعالاۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشىنىڭ 2015 جىلعى 27 ناۋرىزداعى № 249 بۇيرىعىنا سايكەس قوسىمشا اقىنى بەلگىلەۋ مەملەكەتتىك كاسىپورىننىڭ ءتيىستى قارجى جىلىنا بەكىتىلگەن دامۋ جوسپارىنداعى ەڭبەككە اقى تولەۋ قورى ەسەبىنەن جانە قور شەگىندە جۇزەگە اسىرىلادى. 2-تاراۋ. قوسىمشا اقىنى تولەۋدىڭ قاعيدالارى مەن شارتى 4. قوسىمشا اقىنى «ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپ­ورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى № 1193 قاۋلىسىنا سايكەس مىناداي كريتەريلەرگە بەلگىلەنەدى: 1) باستى (جەتەكشى) رولدەردى (پارتيالاردى) ورىنداعانى, اعىمداعى رەپەرتۋاردا جۇمىسپەن قامتىلۋىنا; 2) تەحنيكالىق شەبەرلىگىنە. تەحنيكالىق شەبەرلىك رەتىندە مادەنيەت سالاسىنداعى شىعارماشىلىق ءبىلىمدى, داعدىنى جانە ادىستەردى قولدانا ءبىلۋدى ءتۇسىنۋ قاجەت. 5. قوسىمشا اقىنىڭ مولشەرى كوركەمدىك جەتەكشىنىڭ نەمەسە ءتيىستى قۇرىلىمدىق بولىمشە جەتەكشىسىنىڭ نەمەسە ولاردىڭ مىندەتىن اتقارۋشىسىنىڭ قوسىمشا اقىنى بەلگىلەۋ تۋرالى (ەركىن نىسانداعى) جازباشا ۇسىنىسى نەگىزىندە ۇيىم باسشىنىڭ نەمەسە مىندەتىن اتقارۋشى تۇلعانىڭ بۇيرىعىمەن جۇزەگە اسىرىلادى. 6. قوسىمشا اقىنى بەلگىلەۋ تۋرالى جازباشا ۇسىنىسىندا كەلەسى مالىمەتتەر كورسەتىلەدى: 1) مادەنيەت ۇيىمدارىنىڭ قىزمەتكەرىنىڭ تەگى, اتى, اكەسىنىڭ اتى (بار بولعان جاعدايدا); 2) مادەنيەت ۇيىمدارىنىڭ قىزمەتكەرىنىڭ لاۋازىمى; 3) رەپەرتۋار تۋرالى قىسقاشا اقپارات; 4) قوسىمشا اقىنى تولەۋدىڭ نەگىزدەمەسى جانە مولشەرى. 7. مادەنيەت ۇيىمدارىنىڭ قىزمەتكەرىنە قوسىمشا اقىنى لاۋازىمدىق جالاقىدان 50 %-عا دەيىنگى مولشەردە بەلگىلەنەدى. 8. مادەنيەت ۇيىمدارىنىڭ قىزمەتكەرلەرىنە قو­سىمشا اقىنى ەڭبەكاقىمەن اي سايىن بىرگە ەسەپتەلەدى. 9. قوسىمشا اقىنى تولەۋ كۇنتىزبەلىك جىل بويىنا قولدانىلادى جانە قاجەتتىلىگىنە قاراي قايتا قارالادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 2 تامىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 14057 بولىپ ەنگىزىلدى.