قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى №192

  2016 جىلعى 29 ماۋسىم №192 استانا قالاسى «سپورت تۇرلەرى بويىنشا قازاقستان رەسپۋبليكاسى قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) مۇشەلەرىنە ولاردىڭ حالىقارالىق سپورتتىق جارىستاردا جاراقاتتار الۋى جانە مەرتىگۋى كەزىندەگى وتەماقى تولەمدەرىن بەرۋدىڭ قاعيدالارىن بەكىتۋ تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 28 شىلدەدەگى № 292 بۇيرىعىنا وزگەرىستەر مەن تولىقتىرۋلار ەنگىزۋ تۋرالى «دەنە شىنىقتىرۋ جانە سپورت تۋرالى» 2014 جىلعى 3 شىلدەدەگى قازاقستان رەسپۋبليكاسى زاڭىنىڭ 7-بابىنىڭ 34) تارماقشاسىنا جانە «قۇقىقتىق اكتىلەر تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ 50-بابىنىڭ 2-تارماعىنا سايكەس بۇيىرامىن: 1. «سپورت تۇرلەرى بويىنشا قازاقستان رەسپۋب­ليكاسى قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) مۇشەلەرىنە ولاردىڭ حالىقارالىق سپورتتىق جارىستاردا جاراقاتتار الۋى جانە مەرتىگۋى كەزىندەگى وتەماقى تولەمدەرىن بەرۋدىڭ قاعيدالارىن بەكىتۋ تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 28 شىلدەدەگى № 292 بۇيرىعىنا (نورماتيۆتىك قۇقىقتىق اكتىلەرى مەملەكەتتىك تىركەۋ تىزىلىمىندە № 9672 بولىپ تىركەلگەن, 2014 جىلعى 27 تامىزدا «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىستەر مەن تولىقتىرۋلار ەنگىزىلسىن: تاقىرىپ مىناداي رەداكتسيادا جازىلسىن: «سپورت تۇرلەرى بويىنشا قازاقستان رەسپۋبليكاسى قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) مۇشەلەرىنە ولاردىڭ حالىقارالىق سپورتتىق جارىستاردا جاراقاتتار الۋى جانە مەرتىگۋى كەزىندە وتەماقى تولەمدەرىن تولەۋ قاعيدالارىن بەكىتۋ تۋرالى», ورىس تىلىندەگى ءماتىنى وزگەرتىلمەيدى; وسى بۇيرىقپەن بەكىتىلگەن سپورت تۇرلەرى بويىنشا قازاقستان رەسپۋبليكاسى قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) مۇشەلەرىنە ولاردىڭ حالىقارالىق سپورتتىق جارىستاردا جاراقاتتار الۋى جانە مەرتىگۋى كەزىندەگى وتەماقى تولەمدەرىن بەرۋدىڭ قاعيدالارىندا: 5 جانە 6-تارماق مىناداي رەداكتسيادا جازىلسىن: «5. وتەماقى تولەمدەرىن الۋ ءۇشىن حالىقارالىق سپورتتىق جارىستاردا سپورتتىق جاراقات العان جانە مەرتىككەن ادام نە سەنىمحات بويىنشا ونىڭ وكىلى (بۇدان ءارى – ءوتىنىش بەرۋشى) ۋاكىلەتتى ورگانعا مىناداي قۇجاتتاردى جىبەرەدى: 1) وسى قاعيدالارعا قوسىمشاعا سايكەس بەلگىلەنگەن نىسانداعى ءوتىنىش; 2) سپورتتىق جاراقات العان نەمەسە مەرتىككەن ادامنىڭ جەكە كۋالىگىنىڭ نە پاسپورتىنىڭ كوشىرمەسى; 3) ءتيىستى حالىقارالىق سپورتتىق جارىستارعا قاتىسقانىن راستايتىن قۇجات; 4) قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ «سپورتتىق مەديتسينا جانە وڭالتۋ ورتالىعى» رەسپۋبليكالىق مەملەكەتتىك قازىنالىق كاسىپورنى بەرگەن حالىقارالىق سپورت جارىستارىندا جاراقات الۋ جانە مەرتىگۋ بويىنشا دياگنوزدى كورسەتە وتىرىپ, مەديتسينالىق قورىتىندى; 5) سپورتتىق جاراقات العان جانە مەرتىككەن ادامدى ەمدەۋگە جانە وڭالتۋعا شىعىن قۇنىن راستايتىن قۇجات; 6) ەسەپ شوتىنىڭ بار بولۋى تۋرالى انىقتاما. 6. ۋاكىلەتتى ورگاننىڭ قۇجاتتاردى قاراۋ, وتەماقى تولەۋ نەمەسە باس تارتۋ تۋرالى شەشىم قابىلداۋ مەرزىمى ءوتىنىش قابىلداعان ساتتەن باستاپ ون بەس كۇنتىزبەلىك كۇن بولادى.»; مىناداي مازمۇنداعى 7-1-تارماقپەن تولىق­تىرىلسىن: «7-1. وتەماقى تولەمدەرىن تولەۋدى جۇزەگە اسىرۋدان باس تارتۋعا مىنالار: 1) وسى قاعيدالاردىڭ 5-تارماعىندا كورسەتىلگەن قۇجاتتاردى تولىق ۇسىنباۋ; وتەماقى تولەۋدى جۇزەگە اسىرۋ ءۇشىن ءوتىنىش بەرۋشى ۇسىنعان قۇجاتتاردىڭ جانە (نەمەسە) ولارداعى دەرەكتەردىڭ (مالىمەتتەردىڭ) انىق ەمەستىگىن انىقتاۋ; ءوتىنىش بەرۋشىنىڭ جانە (نەمەسە) وتەماقى تولەمدەرىن جۇزەگە اسىرۋعا قاجەتتى ۇسىنىلعان دەرەكتەردىڭ جانە مالىمەتتەردىڭ وسى قاعيدالاردىڭ تالاپتارىنا سايكەس كەلمەۋى نەگىز بولىپ تابىلادى.»; 9-تارماق مىناداي رەداكتسيادا جازىلسىن: «9. وتەماقى تولەۋ حالىقارالىق سپورتتىق جارىستاردا سپورتتىق جاراقات العان جانە مەرتىككەن ادامداردى ەمدەۋگە جانە وڭالتۋعا شىعىندار قۇنى مولشەرىندە قازاقستان رەسپۋبليكاسىنىڭ اۋماعىنداعى ەكىنشى دەنگەيدەگى بانكتەگى ءوتىنىش بەرۋشىنىڭ ەسەپ شوتىنا اقشالاي قاراجاتتى اۋدارۋ ارقىلى جۇرگىزىلەدى.». 2. قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى (ە.ب. قاناعاتوۆ): 1) وسى بۇيرىقتىڭ قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە تولنۇسقاسىنا تولىق سايكەس كەلەتىن ونىڭ گرافيكالىق فورماتتاعى كوشىرمەلەرىن «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جولداۋدى; 3) وسى بۇيرىق مەملەكەتتىك تىركەلگەننەن كەيىن كۇنتىز­بەلىك ون كۇن ىشىندە وسى بۇيرىققا قول قويۋعا ۋاكىلەتتى تۇلعانىڭ ەلەكتروندىق تسيفرلىق قولتاڭبا­سىمەن كۋالاندىرىلعان ەلەكتروندى جانە قاعاز ءتۇرىن­دەگى كوشىرمەلەرىن رەسمي جاريالاۋ ءۇشىن, قازاق­ستان رەسپۋبليكاسى نورماتيۆتىك قۇقىقتىق اكتىلەرى­نىڭ ەتالوندىق باقىلاۋ بانكىنە, قازاقستان رەسپۋبلي­كاسىنىڭ نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە ەنگىزۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 4) وسى بۇيرىق رەسمي جاريالانعاننان كەيىن كۇنتىزبەلىك ون كۇن ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىنا ورنالاستىرۋدى; 5) وسى تارماقپەن كوزدەلگەن ءىس-شارالار ورىن­دالعاننان كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن. 4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى مادەنيەت جانە سپورت ءمينيسترى ا.مۇحامەدي ۇلى «كەلىسىلدى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترى ____________ ت.دۇيسەنوۆا 2016 جىلعى 4 شىلدە بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 2 تامىزداعى نور­ماتيۆ­تىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 14060 بولىپ ەنگىزىلدى.