«قازپوشتا» ۇيالى تەلەفوندارعا ارناپ باعدارلاما شىعاردى

«قازپوشتا» اكتسيونەرلىك قوعامى ۇلتتىق پوشتا جانە قارجى قىزمەتتەرى پورتالىنىڭ ۇيالى تەلەفوندارعا ارنالعان post.kz باعدارلاماسىن ىسكە قوسقانىن حابارلادى. «ءموبيلدى قوسىمشا iOS جانە Android وپەراتسيالىق جۇيەلەرىندە قولجەتىمدى. قازىرگى تاڭدا باعدارلاماعا پورتالدا ەڭ كوپ قولداناتىن قىزمەتتەر قوسىلعان. ال 2016 جىلدىڭ سوڭىنا دەيىن پورتالدىڭ بارلىق فۋنكتسيالارىمەن تولىقتىراتىن بولامىز», دەدى «قازپوشتا» اق ءباسپاسوز قىزمەتىنىڭ باسشىسى بايرام ازيزوۆ. بۇل باعدارلامانىڭ باستى ارتىقشىلىعى «قازپوشتانىڭ» پوشتالىق جانە قارجى قىزمەتتەرىن ءبىر ءموبيلدى قوسىمشاعا بىرىكتىرۋىندە. وعان تىركەلۋ ارقىلى سالەمدەمەلەردى ترەك نومىرمەن باقىلاۋعا, @post.kz دومەنى بار ەلەكتروندى پوشتا قولدانۋعا, ۇيالى تەلەفوننىڭ تەڭگەرىمىن تولتىرۋعا, كوممۋنالدىق قىزمەت اقىسىن تولەۋگە, جەدەل تولەمدەر جاساۋ ءۇشىن شابلونداردى ساقتاپ, «قازپوشتا» بولىمشەلەرىنە كەزەكتى ونلاين تۇردە برونداۋعا بولادى. ءموبيلدى قوسىمشا قولدانۋشىلارى مەن «قازپوشتانىڭ» بارلىق كليەنتتەرى ءۇشىن تاۋلىك بويى بايلانىس ورتالىعى ء(نومىرى 1499) قىزمەت ەتەدى. ايدار ورىسباەۆ