اراب ەلدەرى مەن افريكانىڭ كەيبىر مەملەكەتتەرىندەگى بيلىككە قارسى نارازىلىق ليۆياعا دا جەتتى. مۇنداعى تولقۋلار بۇگىندە ەل استاناسى – تريپولي قالاسىندا قاتتى بىلىنۋدە. وسىعان دەيىن نەگىزىنەن بىرنەشە قالانى, سونىڭ ىشىندە ەلدىڭ ەكىنشى ۇلكەن شاھارى بەنگازيدى باسىپ العان كوتەرىلىسشىلەر سونداعى قولعا تۇسكەن قارۋلارمەن مۇزداي قارۋلانعان.
بەنگازيدەگى م.كاددافيدىڭ سارايىن باسىپ الۋعا ۇمتىلعان ولارعا ارتيللەريادان وق جاۋدىرىلىپ, كوزدەن جاس اعىزاتىن گاز قولدانىلدى. قالانى م.كاددافيدىڭ ەكى ۇلى باستاعان اسكەريلەر قورعاۋعا تىرىسۋدا. سوڭعى اقپاراتتارعا قاراعاندا, ءتريپوليدىڭ دە 3-4 اۋدانى كوتەرىلىسشىلەردىڭ قول استىنا كوشكەن. ولگەندەر سانى شامامەن 200 ادامنان اسقان. ءبىر سوزبەن ايتقاندا, بۇل ەلدە ناعىز ازامات سوعىسى ءجۇرىپ جاتىر.
امەريكالىقتار اسپاندى اڭساۋدا
امەريكانىڭ ناسا عارىش اگەنتتىگى ديسكاۆەري شاتتلىنىڭ اقىرى ۇشاتىنىن مالىمدەدى. بۇعان دەيىن ونىڭ ۇشۋى تەحنيكالىق سەبەپتەرمەن بىرنەشە رەت كەيىنگە شەگەرىلگەن ەدى.
ۇشۋ فلوريدا شتاتىنداعى مەرريوت ارالىندا ورنالاسقان عارىشتىق ورتالىقتان ىسكە اسىرىلادى. ناقتى كۇنىن ايتاتىن بولساق, ول – الداعى اپتانىڭ بەيسەنبىسى كۇنى كەشكى ساعات 17.00 دەپ جاريالادى ناسا-نىڭ ءباسپاسوز قىزمەتى. ايتا كەتەتىنى, وسى عارىش كەمەسىنەن كەيىن دە بيىل ءۇش شاتتل عارىشقا اتتانباق.
ارانداتۋشىلار بىرلەسە اۋىزدىقتالماق
وسى جىلدىڭ كوكتەمىندە قىرعىزستاندا تمد ەلدەرى ارناۋلى قىزمەتتەرىنىڭ بىرلەسكەن اسكەري جاتتىعۋلارى وتەدى, دەپ حابارلادى تمد-نىڭ لاڭكەستىككە قارسى كۇرەس ورتالىعىنىڭ باسشىسى ا.نوۆيكوۆ. اسكەري ويىنداردىڭ قىرعىزستاندا ءوتۋى كەزدەيسوقتىقتان ەمەس ەكەن.
قازىر وكىمەت اسكەرلەرىنىڭ قىسىمىمەن اۋعانستان تاليباندارى ەلدىڭ سولتۇستىك شەكارالارىنا قاراي جىلجىپ, ءتىپتى كەيبىر تمد رەسپۋبليكالارىنىڭ اۋماعىنا ءوتىپ كەتىپ جاتقان فاكتىلەرى دە ورىن السا كەرەك. اتالعان جاتتىعۋلار وسىندايلارعا قارسى كۇرەستى شىڭداي ءتۇسۋ ماقساتىن كوزدەيدى. سونىمەن بىرگە, جاتتىعۋلار كەزىندە قىرعىزستان اۋماعىندا تەررورلىق ارەكەت جاساۋشىلاردى بىرلەسە ىزدەستىرۋ شارالارى دا جاسالاتىن بولادى.
زاڭ قورعاۋشىلار ونى وزدەرى بۇزادى
ماسكەۋ قالاسىنىڭ مەرى س.ءسوبيانيننىڭ ءجىتى قاداعالاۋىمەن شاھارداعى كازينو جانە ويىن اۆتوماتتارى قۇرىقتالۋدا. بۇل ەلدىڭ زاڭى بويىنشا 2009 جىلدىڭ 1 شىلدەسىنەن باستاپ وندايلارعا تىيىم سالىنعان بولاتىن.
بىراق «قىزىل جاعالىلاردىڭ» قورعاشتاۋىمەن وندايلار وسى ۋاقىتقا دەيىن ەمىن-ەركىن ارەكەت ەتىپ كەلگەن ەدى. ەندى دۋانباسىنىڭ تاپسىرماسىن بۇلجىتپاي ورىنداۋعا كوشكەن فەدەرالدىق قاۋىپسىزدىك قىزمەتى زاڭسىز ارەكەت ەتىپ جاتقان كازينولار مەن ويىن اۆتوماتتارى ورنالاسقان ورىنداردى شاپشاڭ اشكەرەلەپ جاتىر. ال ناۋقانعا كەدەرگى كەلتىرۋى مۇمكىن دەگەن لاۋازىم يەلەرى قىزمەتتەرىنەن ۋاقىتشا ىعىستىرىلا باستاعان. ولاردىڭ اراسىندا ماسكەۋ وبلىسىنىڭ پروكۋرورى ا.موحوۆ پەن ونىڭ ءبىرىنشى ورىنباسارى ا.يگناتەنكو دا بار ەكەن. ءسويتىپ, قازىر رەسەيدە زاڭنىڭ ورىندالۋىن قاداعالايتىنداردىڭ ءوزى زاڭ بۇزۋشى بولۋى مۇمكىن دەگەن كۇدىك تاراپ كەتتى.
جۋرناليستەرىن تۇتقىننان بوساتتى
يرانعا گفر سىرتقى ىستەر ءمينيسترى گيدو ۆەستەرۆەلە رەسمي ساپارمەن كەلىپ, پرەزيدەنت م.احمادينەجادپەن جانە سىرتقى ىستەر ءمينيسترى الي اكبار سالەحپەن كەلىسسوزدەر جۇرگىزدى.
مۇنداي ساپاردى ماڭىزدى وقيعالاردىڭ قاتارىنا جاتقىزۋعا دا بولماس ەدى, ەگەر ول يرانعا جاسالماسا. قازىر باتىس ەلدەرىنىڭ ءبارى يرانمەن بايلانىستى شەكتەپ جاتىر. بىراق نەمىس سىرتقى ساياسات ۆەدومستۆوسىنىڭ باسشىسى يرانعا امالسىز كەلگەن سەكىلدى. ويتكەنى, وندا 2010 جىلدىڭ قازان ايىنان بەرى بىرنەشە نەمىس ءجۋرناليسى ەلدىڭ قاۋىپسىزدىگىنە قارسى ارەكەت جاسادى دەگەن ايىپتاۋمەن قاماۋدا وتىرعان بولاتىن. نەمىس ديپلوماتياسى ءوزىنىڭ ميسسياسىن ورىنداپ, جۋرناليستەرىن تۇتقىننان بوساتىپ, امان الىپ قايتتى. ال يران جاعى بۇل ءىستى ۇلكەن ديپلوماتيالىق تابىس بولدى دەپ باعالاۋدا.
قىسقا قايىرىپ ايتقاندا:
ليۆيادا ۋاقىتشا تۇراتىن 25 مىڭ تۇرىك ازاماتى وتانىنا ورالماق. مۇنداي شەشىمدى تۇركيا ۇكىمەتى قابىلدادى. اتالعان ماقساتقا 4 اۋە كەمەسى بولىنسە, سوڭعى دەرەك بويىنشا 600 تۇرىك ازاماتىنىڭ ءوز جەرىنە تابانى ءتيىپ ۇلگەرگەن.
يەمەندە دە بيلىككە قارسى نارازىلىق اكتسياسى كۇش الا باستاعان. ەل استاناسى – سانا قالاسىنا تانكتەر مەن باسقا دا بروندى تەحنيكالار ەنگىزىلگەن. مۇنداعىلار دا بيلىكتى تاعىنان تايدىرماي تىنشىماۋعا بەل بۋعانداي.
ءازىربايجاننىڭ گوي گوح اۋدانىندا ورنالاسقان اسكەري بولىمدە ءبىر سولدات ءوزىنىڭ 7 قىزمەتتەسىن اتىپ ولتىرگەن. وقيعانىڭ سەبەبى انىقتالۋدا. مۇنداي وقيعا 2010 جىلدىڭ قاڭتار ايىندا دا ورىن العان ەكەن. وندا 2 سولدات 4 وفيتسەردى اتىپ ولتىرگەن بولاتىن.
يراكتىڭ ساماررا قالاسىنداعى پوليتسيا ۋچاسكەسىنىڭ جانىندا جارىلىس بولىپ 10 ادام قازا تاپسا, كوپتەگەن ادام اۋىر جاراقاتتانعان. جارىلىستى جاساعان جانكەشتىنىڭ كىم ەكەنى ازىرگە بەلگىسىز.
2009 جىلعى قاڭتاردا ۇلتشىل-فاشيستەردىڭ قولىنان قازا تاپقان ادۆوكات س.ماركەلوۆ پەن جۋرناليست ا.بابۋروۆانىڭ ءىسى بويىنشا ماسكەۋدە سوت ءىس قارادى. تەرگەۋ كەزىندە قىلمىستارىن مويىنداعان ن.تيحونوۆ پەن ە.حاسيس ەندى ءوز سوزدەرىنەن باس تارتۋدا ەكەن.
اۋعانستاننىڭ قۇندىز پروۆينتسياسىندا ءبىر جانكەشتى پاسپورت الۋعا كەزەككە تۇرعانداردىڭ جانىنا كەلىپ, بويىنداعى جارىلعىش زاتتى ىسكە قوسقان. جارىلىس سالدارىنان 21 ادام قازا بولىپ, 30-دان ارتىعى ءتۇرلى جاراقاتتار العان.
ينتەرنەت ماتەريالدارى نەگىزىندە ازىرلەندى.
