جەتىم كورسەك, جەڭ ءتۇرىپ جاردەم جاسايتىن, مۇقتاجداردىڭ مۇڭىنا ورتاقتاسىپ قولدان كەلگەنشە قولداۋ كورسەتەتىن قازاقى قاسيەت قانىمىزدا بار. وسى قاسيەتىمىزدى تاعى دا بايقاتاتىن ءسات تۋىپ تۇر. سەبەبى, ەلىمىزدە 7-29 قىركۇيەك ارالىعىندا «شىن جۇرەكتەن» قايىرىمدىلىق تەلەمارافونى وتەدى. وسىعان بايلانىستى كەشە ورتالىق كوممۋنيكاتسيالار قىزمەتىندە ءباسپاسوز ءماسليحاتى بولدى.
«2016 جىلدىڭ ءساۋىر ايىندا «قازاقستان» رترك» اق قازاقستان حالقى اسسامبلەياسىمەن بىرلەسىپ, «شىن جۇرەكتەن» كەڭ اۋقىمدى قايىرىمدىلىق تەلەمارافونىن وتكىزدى. ول مۇقتاج جاندارعا تەگىن كومەك كورسەتۋدى كوزدەدى. جوبا اياسىندا اۋىر ناۋقاسقا ۇشىراعان جانە تاعدىر تاۋقىمەتىن تارتقان قازاقستاندىقتارعا كومەك قارجىسى جينالدى. مارافون قورىتىندىسى بويىنشا 41 ميلليون تەڭگەگە جۋىق قاراجات تارتىلدى. بارلىعى مىڭنان استام ءوتىنىش كەلىپ ءتۇستى. ءبىز بۇل جوبانى جالعاستىرعىمىز كەلەدى. سوندىقتان 7-29 قىركۇيەكتە قازاقستان حالقى اسسامبلەياسىمەن ءبىرلەسىپ, قايىرىمدىلىق تەلەمارافونىن وتكىزەمىز», – دەدى «قازاقستان» رترك» اق باسقارما ءتورايىمى نۇرجان مۇحامەدجانوۆا.
قازاقستان حالقى اسسامبلەياسىنىڭ ءححىى سەسسياسىندا مەملەكەت باسشىسى اسسامبلەياعا مۇددەلى ورگاندارمەن بىرلەسىپ, ەلدەگى بارلىق قايىرىمدىلىق اكتسيالارىن قحا قامقورلىعى اياسىندا جۇرگىزۋ ماسەلەسىن پىسىقتاۋ تۋرالى تاپسىرما بەرگەن ەدى. قازاقستان رەسپۋبليكاسىنىڭ 2015 جىلعى 16 قاراشاداعى №402-V قرز «قايىرىمدىلىق تۋرالى» زاڭىنا سايكەس اسسامبلەيا ەلدەگى قايىرىمدىلىقتى دامىتۋ, وسى سالاداعى ۇيلەستىرۋ مەن باسقا دا دەمەۋ بەرۋ شارالارىنا ىقىلاستى ەكەنىنە اسسامبلەيا توراعاسىنىڭ ورىنباسارى ەرالى توعجانوۆ توقتالىپ ءوتتى.
قازاقستاندىقتار ءۇشىن «شىن ءجۇرەكتەن» جوباسىنىڭ ماڭىزدىلىعى مەن قاجەتتىلىگى وتە جوعارى, ءالى كۇنگە دەيىن ۇيىمداستىرۋشىلارعا ەلىمىزدىڭ ازاماتتارى تاراپىنان كوپتەگەن ومىرشەڭ ماسەلەلەردى شەشۋ بويىنشا وتىنىشتەر كەلىپ تۇسۋدە. بۇگىنگى تاڭدا 1200-دەن استام ءوتىنىش كەلىپ تۇسكەندىكتەن, «قازاقستان» رترك» اق تۇراقتى تۇردە توقسان سايىن وسى جوبانى وتكىزۋ تۋرالى شەشىم قابىلدادى.
شاراپاتتى شارا كولەمگە ەمەس, كوڭىلگە, اقشاعا ەمەس نيەتكە بايلانىستى اتقارىلاتىن امال ەكەنىن ۇمىتپاعانىمىز ابزال. سوندىقتان دا, بارىمىزبەن ءبولىسىپ, قولدان كەلگەنشە قولداۋ كورسەتۋگە تىرىسايىق. باستىسى, شىن جۇرەكتەن جاساۋ كەرەك ەكەنىن جادىمىزدان شىعارمايىق.
راۋان قايدار,
«ەگەمەن قازاقستان»
جەتىم كورسەك, جەڭ ءتۇرىپ جاردەم جاسايتىن, مۇقتاجداردىڭ مۇڭىنا ورتاقتاسىپ قولدان كەلگەنشە قولداۋ كورسەتەتىن قازاقى قاسيەت قانىمىزدا بار. وسى قاسيەتىمىزدى تاعى دا بايقاتاتىن ءسات تۋىپ تۇر. سەبەبى, ەلىمىزدە 7-29 قىركۇيەك ارالىعىندا «شىن جۇرەكتەن» قايىرىمدىلىق تەلەمارافونى وتەدى. وسىعان بايلانىستى كەشە ورتالىق كوممۋنيكاتسيالار قىزمەتىندە ءباسپاسوز ءماسليحاتى بولدى.
«2016 جىلدىڭ ءساۋىر ايىندا «قازاقستان» رترك» اق قازاقستان حالقى اسسامبلەياسىمەن بىرلەسىپ, «شىن جۇرەكتەن» كەڭ اۋقىمدى قايىرىمدىلىق تەلەمارافونىن وتكىزدى. ول مۇقتاج جاندارعا تەگىن كومەك كورسەتۋدى كوزدەدى. جوبا اياسىندا اۋىر ناۋقاسقا ۇشىراعان جانە تاعدىر تاۋقىمەتىن تارتقان قازاقستاندىقتارعا كومەك قارجىسى جينالدى. مارافون قورىتىندىسى بويىنشا 41 ميلليون تەڭگەگە جۋىق قاراجات تارتىلدى. بارلىعى مىڭنان استام ءوتىنىش كەلىپ ءتۇستى. ءبىز بۇل جوبانى جالعاستىرعىمىز كەلەدى. سوندىقتان 7-29 قىركۇيەكتە قازاقستان حالقى اسسامبلەياسىمەن ءبىرلەسىپ, قايىرىمدىلىق تەلەمارافونىن وتكىزەمىز», – دەدى «قازاقستان» رترك» اق باسقارما ءتورايىمى نۇرجان مۇحامەدجانوۆا.
قازاقستان حالقى اسسامبلەياسىنىڭ ءححىى سەسسياسىندا مەملەكەت باسشىسى اسسامبلەياعا مۇددەلى ورگاندارمەن بىرلەسىپ, ەلدەگى بارلىق قايىرىمدىلىق اكتسيالارىن قحا قامقورلىعى اياسىندا جۇرگىزۋ ماسەلەسىن پىسىقتاۋ تۋرالى تاپسىرما بەرگەن ەدى. قازاقستان رەسپۋبليكاسىنىڭ 2015 جىلعى 16 قاراشاداعى №402-V قرز «قايىرىمدىلىق تۋرالى» زاڭىنا سايكەس اسسامبلەيا ەلدەگى قايىرىمدىلىقتى دامىتۋ, وسى سالاداعى ۇيلەستىرۋ مەن باسقا دا دەمەۋ بەرۋ شارالارىنا ىقىلاستى ەكەنىنە اسسامبلەيا توراعاسىنىڭ ورىنباسارى ەرالى توعجانوۆ توقتالىپ ءوتتى.
قازاقستاندىقتار ءۇشىن «شىن ءجۇرەكتەن» جوباسىنىڭ ماڭىزدىلىعى مەن قاجەتتىلىگى وتە جوعارى, ءالى كۇنگە دەيىن ۇيىمداستىرۋشىلارعا ەلىمىزدىڭ ازاماتتارى تاراپىنان كوپتەگەن ومىرشەڭ ماسەلەلەردى شەشۋ بويىنشا وتىنىشتەر كەلىپ تۇسۋدە. بۇگىنگى تاڭدا 1200-دەن استام ءوتىنىش كەلىپ تۇسكەندىكتەن, «قازاقستان» رترك» اق تۇراقتى تۇردە توقسان سايىن وسى جوبانى وتكىزۋ تۋرالى شەشىم قابىلدادى.
شاراپاتتى شارا كولەمگە ەمەس, كوڭىلگە, اقشاعا ەمەس نيەتكە بايلانىستى اتقارىلاتىن امال ەكەنىن ۇمىتپاعانىمىز ابزال. سوندىقتان دا, بارىمىزبەن ءبولىسىپ, قولدان كەلگەنشە قولداۋ كورسەتۋگە تىرىسايىق. باستىسى, شىن جۇرەكتەن جاساۋ كەرەك ەكەنىن جادىمىزدان شىعارمايىق.
راۋان قايدار,
«ەگەمەن قازاقستان»
سوڭعى جاڭالىقتار
استانادا ءتۇرلى سالا قىزمەتكەرلەرى بىرلەسىپ اعاش وتىرعىزدى
«تازا قازاقستان» • كەشە
«تازا قازاقستان»: كەلەشەك مەكتەبىنىڭ وقۋشىلارى سەنبىلىككە قاتىستى
«تازا قازاقستان» • كەشە
پرەزيدەنت كرەاتيۆتى يندۋستريانى دامىتۋ قورىنىڭ كەڭسەسىن ارالاپ كوردى
پرەزيدەنت • كەشە
توقاەۆ «تازا قازاقستان» جوباسىن جاڭا يدەولوگيانىڭ وزەگى دەپ اتادى
«تازا قازاقستان» • كەشە
