نەسيەدەن نەسىبە

اۋىل شارۋاشىلىعىنا بە­رىلىپ جاتقان نەسيە تۇرلەنە ءتۇس­تى. ناقتىلاي ايتساق, تال­دى­قورعاندا الماتى وبلى­سى­نىڭ اكىمدىگى مەن «اگرار­لىق نەسيە كورپوراتسياسى» اكتسيو­نەر­لىك قوعامى اراسىنداعى ىنتى­ماقتاستىقتى نىعايتا ءتۇسىپ, نەسيە الۋشىلار سانىن ءوسىرىپ, قارجى كولەمىن كوبەيتۋ ءۇشىن تاراپتار ءوزارا كەلىسىمگە قول قويىستى. وڭىردەگى قالا, اۋدان اكىمدەرىنىڭ باسىن قوسقان جيىندى الماتى وبلىسىنىڭ اكىمى اماندىق باتالوۆ اشىپ, ءسوز تىزگىنىن اتالعان اكتسيونەرلىك قوعام ءتورايىمى گۇلناز اتام­قۇلوۆاعا ۇستاتتى. ول جينال­عانداردى نەسيە بەرۋ تالاپتارى مەن مۇمكىندىكتەرى تۋرالى حاباردار ەتتى. جالپى «قازاگرو» ۇلت­تىق باسقارۋشى حولدين­گى­نىڭ قۇرا­مىنا كىرەتىن «اگرار­لىق نەسيە كور­پوراتسياسى» اكتسيو­نەر­لىك قوعامى ۇكى­مەت قاۋ­لىسى­مەن 2001 جىلى قۇرىلعان. ماقسا­تى اگرارلىق سالا, ونىڭ ىشىندە اگروونەركاسىپ كە­شەنى سۋبەك­تىلەرىنە نەسيە بەرۋدە قولجە­تىم­دىلىكتى قام­تاماسىز ەتۋ بولىپ تابى­لادى. نەسيە بەرۋ­شىلەر مالىمە­تىنە سۇيەنسەك, الماتى وبلى­­سىنداعى اگرارلىق سالا ەڭ­ب­ەك­­كەرلەرى اعىمداعى جىل­دىڭ تامىز ايىنا دەيىن 979 300 ملن تەڭگە كولەمىندە نەسيە الىپتى. نۇربول الدىباەۆ, «ەگەمەن قازاقستان» تالدىقورعان