اۋىلدان كەلۋشىلەر اۋقىمدى قولداۋعا يە

سەمەي وڭىرىندە «جۇمىسپەن قامتۋدىڭ جول كارتاسى-2020» باعدارلاماسى ءساتتى جۇزەگە اسىپ وتىر. باعدارلاما بويىنشا قالا­مىزعا قاراستى ەلدى مەكەندەردەن, ياعني اۋىلدىق وكرۋگتەردەن 38 وتباسى, سونداي-اق, وبلىستىڭ تارباعاتاي, جارما, اياكوز اۋداندارىنان 204 تۇرعىن كوشىپ كەلىپتى. وسى كوشىپ كەلگەن 242 ادامنىڭ 129-ى جۇ­مىسقا جارامدى ازاماتتار بولعاندىقتان, باع­دارلاما ارقىلى ءوز ءناسىبىن تاۋىپ وتىر. سولاردىڭ ءبىرى دۋلات ساتەنوۆ زنامەنكا اۋىل­دىق وكرۋگىنە قاراس­تى سىنتاس ەلدى مەكە­نىنەن قونىس اۋدارعان ەكەن. مەملەكەتتىك باع­دارلامانىڭ ارقاسىندا باسپانالى بولىپ, ءوزى, زايىبى جانە ۇلى تۇراقتى جۇمىس تاپقان. قازىر ول قالامىزداعى زاۋىت­تاردىڭ بىرىندە اۆتوكار جۇرگىزەدى. ول «وتبا­سى­مىزبەن اۋىلدا كۇنكورىسىمىز قيىن­داپ كەتكەن سوڭ كەلىپ ەدىك, كەلگەنىمىزدىڭ ارتى قايىر­لى بولدى», دەپ قۋانىپ وتىر. «جۇمىس­پەن قامتۋدىڭ جول كارتاسى-2020» باعدار­لاما­سىنا قاتىسىپ, جولى بولعانىنا وسىلايشا ريزا بولعان دۋلات ساتەنوۆتىڭ ايتۋىن­شا, ولار 2013 جىلى قونىس اۋدارىپتى. ۇكى­مەت باعدارلاماسىنا وراي, كوشىپ كەلگەندىكتەن, بىردەن جۇمىسپەن قامتىلعان. ەڭبەكاقىلارىن ۋاقتىلى الىپ تۇرادى ەكەن. وسى دۋلات سياقتى كوپتەگەن قونىس اۋدارۋشى كەلىسىمشارت نەگىزىندە ۇيلەردى جالعا الىپ, ايىنا 7 900 تەڭگە تولەپ تۇرىپ جاتىر. مەرزىمى اياقتالعاندا جەكەمەنشىككە الۋلارىنا دا مۇمكىندىكتەرى بار. جۇمىسپەن قامتۋ ورتالىعىنىڭ مامانى باعدات جۇماعۇلوۆتىڭ ايتۋىنشا, اۋىلدان كەلگەن اعايىن دالادا قال­مايدى. ولاردى جۇمىسپەن قامتىپ, تۇرمىس دەڭگەيلەرىن جاقسارتۋ ءۇشىن قولدان كەلگەنشە باعدارلاما اياسىندا كومەك بەرىلىپ جاتىر. كوشىپ كەلگەندەردىڭ 79-ى جۇمىسقا ورنا­لاس­تىرىلسا, قالعان جۇمىسقا جارامدى­لارى وزدەرى قالاعان كاسىپتەرىمەن اينالىسۋدا. جەكە كاسىپكەرلىككە بەت بۇرعاندار دا نەمەسە ءارتۇرلى مەكەمەلەردە جۇمىس ىستەپ جات­قاندار دا بار. 2011 جىلى «جۇمىسپەن قامتۋدىڭ جول كارتاسى-2020» باعدارلاماسى بويىنشا, سەمەي قالاسىنىڭ ۆولگوگرادسكايا كوشەسى بويىنان 50 جەكە تۇرعىن ءۇي سالۋ قولعا الىنعان بولاتىن. 2013 جىلى قۇ­رى­لىس جۇمىستارى اياقتالىپ, الەۋمەتتىك-ەكو­­نو­مي­كالىق الەۋەتى تومەن اۋىلداردان وتبا­سىلار كوشىرىلدى. بۇگىندە قالاعا قونىس اۋدارام دەۋشىلەردىڭ قاتارى مولايىپ وتىر. راۋشان نۇعمانبەكوۆا سەمەي