بتر-باتىرلار

«وتقا سالسا جانباۋدىڭ, سۋعا سالسا باتپاۋدىڭ» ۇلگىسىن كورسەتتى جۋىردا «شىعىس» وڭىرلىك قولباسشىلىعى «ۇزدىك بتر ەكيپاجى»  بايقاۋىنىڭ ەكىنشى كەزەڭىن وتكىزدى. وڭىرلىك قولباسشىلىققا قاراستى پاۆلودار, سەمەي, كۋرچاتوۆ جانە وسكەمەن قالالارىنان بايقاۋدىڭ ءبىرىنشى كەزەڭىنىڭ ۇزدىكتەرى بولعان 7 بتر ەكيپاجى مەن جۇرگىزۋشىلەرى قاتىستى. بايقاۋ بارىسىندا قاتىسۋشىلار بتر تەحنيكاسىن شەبەر جۇرگىزۋمەن بىرگە مەرگەندىكتەرى مەن سپورتتىق, ۇرىستىق دايىندىقتارىن دا كورسەتتى. ءار ەكيپاج قۇرامى جاس ەرەكشەلىكتەرى بويىنشا 3 شاقىرىم جانە 100 مەتر  قاشىقتىققا جۇگىرۋ, بەلتەمىرگە تارتىلۋدان سپورتتىق سىنعا ءتۇسىپ, دەنە دايىندىقتارىن پاش ەتتى. ءۇش كۇندىك وقۋ-ادىستەمەلىك جيىن بارىسىندا قاتىسۋشىلارعا قويىلعان باستى تالاپ – بىلىكتىلىگى مەن ءبىلىمىن بارىنشا كورسەتۋ. بۇل رەتتە ەكيپاج مۇشەلەرىنىڭ ەشقايسىسى ايانىپ قالعان جوق. ولار قالادان تىسقارى اتىس الاڭىندا پم, اك قارۋلارىمەن مەرگەندىكتەرىن بايقاستى. ۇرىس الا­ڭىندا اسكەري تەحنيكانى باسقا­رۋمەن بىرگە, بتر تەحنيكاسىنان 600 مەترگە دەيىنگى قاشىقتىقتا ورنالاسقان نىسانانى كوزدەدى. – اتۋ-جاتتىعۋلارىن ورىنداۋ بارىسىندا بتر ەكيپاجدارىنىڭ جارتىسىنان كوبى جوعارى ناتيجە كورسەتتى. ۆزۆود جانە ماشينا كو­مان­ديرلەرىنىڭ ادىستەمەلىك جانە تاجىريبەلىك دايىندىق دەڭگەيى ۇرىس تەحنيكالارىمەن قىزمەتتىك-ۇرىستىق تاپسىرمالاردى ورىنداۋعا ساقاداي ساي, – دەدى «شىعىس» وڭىرلىك قولباسشىلىعى جاۋىنگەرلىك دايارلىق باسقارماسىنىڭ باستىعى, پولكوۆنيك سەرگەي سەرگەەۆ. بايقاۋدىڭ سوڭعى كۇنىندە وبلىس ورتالىعىنان 20 شاقىرىم قاشىقتىقتا ورنالاسقان ستەپنوي اۋىلى ماڭىنداعى شاعىن كولشىكتە بتر مەن سۋداعى كەدەرگىلەردەن ءوتۋدىڭ كىل مىقتىلارى انىقتالدى. بۇل سىنعا قالالىق توتەنشە جاع­دايلار قىزمەتىنىڭ وكىلدەرى دە جۇ­مىلدىرىلىپ, «شىعىس» وڭىرلىك قولباسشىلىعىنان ارنايى ەۆاكۋا­تسيالىق جانە قۇتقارۋ توپتارى جاساقتالدى. ەكيپاج مۇشە­لەرى­نىڭ الدىندا بتر تەحنيكاسىمەن تەرەڭدىگى 4 مەترلىك كولشىكتەگى ارنايى كەدەرگىلەردەن توسىلماي ءجۇزىپ ءوتۋ مىندەتى قويىلدى. تاپسىرمانى ورىنداۋعا كىرىسپەس بۇرىن ەكيپاج­دارعا قاۋىپسىزدىك شارالارىن ساقتاۋ قاتاڭ ەسكەرتىلدى. دەگەنمەن, سۋداعى  وقۋ-جاتتىعۋ بارىسى ساتىمەن ءوتىپ, توتەنشە جاعداي ورىن العان جوق. بايقاۋ قورىتىندىسى بويىنشا, 6679 اسكەري ءبولىمىنىڭ اۆتوموبيلدىك ۆزۆودىنىڭ اعا مامانى, پراپورششيك يۋري پار­شاكوۆ جۇرگىزۋشىلەر اراسىنان سۋىرىلىپ شىقسا, 3514 اسكەري ءبولىمىنىڭ ەكيپاجى «ۇزدىك بتر ەكيپاجى» اتا­عىن يەلەندى. جەڭىمپازداردى «شىعىس» وڭىرلىك قولباسشىلىعىنىڭ قولباسشىسى, پولكوۆنيك تالاپكەر امىرەەۆ ماراپاتتاپ, ەكيپاج مۇشە­لەرىنىڭ دايىندىقتارىن ءالى دە كۇشەيتۋ قاجەتتىگىن اتاپ ءوتتى. دۋمان اناش, «ەگەمەن قازاقستان» وسكەمەن