وتاندىق اسكەري تەحنيكالار وزىپ تۇر

ماسكەۋ وبلىسىنىڭ كۋبينكا قالا­سىندا ءوتىپ جاتقان «ارميا-2016» ءىى حالىقارالىق اسكەري-تەحنيكالىق فورۋمىنا قاتىسىپ جاتقان وتاندىق اسكەري تەحنيكالار مەن وسى ماقساتتا قول­دانىلاتىن قۇرال-جابدىقتار سالا ماماندارىنىڭ جوعارى باعاسىنا يە بولدى. ءتىپتى, ءوز ونىمدەرىمىز كورەرمەندەردىڭ نازارى اۋعان ەرەكشە پاۆيلونداردىڭ بىرىنە اينالدى. سونىڭ ىشىندە, اشىق الاڭدا ەرەكشە كوزگە تۇسكەن قوس تەحنيكا – بتر «بارىس 8x8» جانە «سارپ» 12,7 مم جاۋىنگەرلىك ءمودۋلى بار «ارلان» بروندالعان دوڭگەلەكتى ماشيناسى وتاندىق اسكەريلەردىڭ ۇپايىن تۇگەندەپ, ساراپشىلاردىڭ تاڭدايىن قاقتىردى. حالىقارالىق دەڭگەيدەگى مۇنداي فورۋمعا العاش رەت قاتىسىپ وتىرعان قازاقستاندىق «بارىس» پەن «ارلان» توبىنىڭ تەحنيكالارى مەن ونەرىن كورەرمەندەر قاۋىمى «الابينو» سىناق الاڭىندا تاماشالادى. بۇل جەردە قازاقستاندىق كاسىپورىندار 184 شارشى مەترلىك ستەندتە 46 تابيعي ۇلگى مەن 13 اسكەري جانە قوس ماقساتتاعى ماكەتتىك ونىمدەردى كورسەتىلىمگە قويعان ەكەن. اپتا سوڭىنا دەيىن جالعاسىن تاباتىن كورمە اياسىندا وتان قورعاۋشىلار حالىقارالىق شەڭبەردەگى نەمەسە ءار ءتۇرلى دەڭگەيدەگى جاتتىعۋلاردى ورىن­داۋدا سوڭعى بىرنەشە جىلدان بەرى پايدالانىلعان ۇيالى بايلانىس قۇرالدارىن قولدانۋدىڭ جاڭاشا ءادىس-تاسىلدەرىن تانىستىراتىن بولادى. سونداي-اق, مي-17ۆ-5 جانە مي-8 تىكۇشاقتارىنىڭ نوبايلارى كورمەگە قويىلادى دەپ جوسپارلانعان. «Zhasampaz» كونسورتسيۋمى بولسا, «ار­ميا-2016» فورۋمىنىڭ قاتىسۋ­شىلارى مەن مەيماندارىنا «تىنىس» اق زاۋىتىنىڭ بروندى كەۋدەشەلەرىن, قازاقستاندىق ءوندىرىستىڭ دۋلىعالارى مەن اسكەري كيىم-كەشەگىن كورسەتەدى دەپ كۇتىلۋدە. نۇرلىبەك دوسىباي, «ەگەمەن قازاقستان»