بۇگىن فۋتزالدان الەم چەمپيوناتى باستالادى

قازاننىڭ 1-ىنە دەيىن سوزىلا­تىن كولۋمبياداعى دوداعا قازاقستان ۇلت­تىق قۇراماسى دا قاتىسادى جاھاندىق جارىستا ەلىمىزدىڭ نامىسىن قاقپاشىلار يگيتا, الەكساندر گۋروۆ, الاڭداعى ويىنشىلار دىنمۇحامبەت سۇلەيمەنوۆ, شىڭعىس ەسەنامانوۆ, داۋرەن نۇرعوجين,  ەۆەرتون,  ميحايل پەر­شين قورعايدى. ولاردىڭ ءبارى  «قايرات» كومانداسىندا وي­نايدى. بۇدان باسقا الەمدىك دو­داعا «تۇلپاردىڭ» پاۆەل تاكۋ, الەك­ساندر دوۆگان, ارنولد كناۋب پەن نيكولاي پەنگرين ەسىم­دى ءتورت ويىنشىسى قاتىسادى. ال لەو دەگەن شابۋىلشىمىز پورتۋ­گا­ليانىڭ «سپورتينگ» كلۋبىنان كەلىپ قوسىلدى. قازاقستان قۇراماسى العاشقى ماتچىن 13 قىركۇيەك كۇنى ارگەن­تينامەن وتكىزەدى. ودان كەيىن كوس­تا-ريكا جانە سولومون ارالدارى فۋتزالشىلارىمەن كۇش سىناسادى. وتكەن اپتادا ۇلتتىق قۇرا­ما اۆستراليا كومانداسىمەن جول­داستىق كەزدەسۋ وتكىزدى. جەر­لەس­تەرىمىز وندا 2:1 ەسەبىمەن جە­ڭىسكە جەتتى. ويىن كوماندانىڭ دايىن­­دىعىن پىسىقتاۋ ءۇشىن ءوت­كىزىلدى. قازاقستان قۇراماسى جىل با­سىندا سەربيانىڭ بەل­گراد قالا­سىندا وتكەن ەۋروپا چەم­پيو­نا­تىنىڭ قولا جۇلدەسىن ال­دى. ودان كەيىن پولشا قۇرا­ماسىمەن الەم چەمپيوناتىنا جولدامانى سا­راپقا سالعان سىرت الاڭداعى ويىنىن 1:1 ەسەبىمەن تەڭ اياقتاپ, ءوز الاڭىندا 7:0 ەتىپ ۇتتى. سوسىن تاي­لاندتا ءوت­كەن حالىقارالىق تۋرنيردە جە­ڭىمپاز اتاندى. جالپى, الەم چەمپيوناتىنا قازاقستان وسىمەن ەكىنشى رەت قاتىسقالى وتىر. العاش رەت 2000 جىلى گۆاتەمالادا وتكەن ءىV الەمدىك دوداعا قاتىسقان بولاتىن. بىراق وندا كوماندامىز سۇرەڭسىز ناتيجە كور­سەتكەن. سول كەزدە قاسىمجان ءما­ديەۆ جاتتىقتىرعان جىگىتتەرىمىز ا توبىندا برازيليادان 1:12, پورتۋگاليادان  2:6,  گۆاتەمالادان 5:6 ەسەبىمەن ۇتىلعان. ەندى, مىنە, ارا­عا 16 جىل سالىپ, كولۋمبيادا وتە­تىن ءحىىى الەم چەمپيوناتىنا اتتان­دى. دودادا 24 قۇراما باق سىناسادى. داستان كەنجالين, «ەگەمەن قازاقستان»