رەسەيدە قازاقستاننىڭ اسكەري ونىمدەرى ۇسىنىلدى

رەسەيدە اسكەري جانە قوس ماقساتتاعى قازاقستاندىق ءوندىرىستىڭ 50-گە جۋىق بۇيىمى ۇسىنىلدى, دەپ جازدى قورعانىس مينيسترلىگىنىڭ رەسمي سايتى. ۇجىمدىق قاۋىپسىزدىك تۋرالى شارت ۇيىمىنىڭ دەلەگاتسياسى باس حاتشى نيكولاي بورديۋجانىڭ باسشىلىعىمەن «ارميا-2016» حالىقارالىق اسكەري-تەحنيكالىق فورۋمى بارىسىندا قازاقستاندىق ستەندتى تاماشالادى. «قازاقستان ينجينيرينگ» ۇك» اق باسقارما توراعاسى ەرلان ىدىرىسوۆ ۇلتتىق كومپانيانىڭ قىزمەتى تۋرالى اڭگىمەلەپ, مەيمانداردى تەحنيكا مەن قارۋ-جاراقتىڭ جاڭا ۇلگىلەرىمەن تانىستىردى. فورۋمدا ەلىمىزدىڭ التى كاسىپورنى ونىمدەرىن ۇسىندى. ولار: «قازاقستان پاراماۋنت ينجينيرينگ» جشس, «كاە» جشس, «س.م. كيروۆ اتىنداعى زاۋىت» اق, «س.م. كيروۆ اتىنداعى ماشينا قۇراستىرۋ زاۋىتى» اق, «№405-اۆياجوندەۋ زاۋىتى» اق جانە «Zhasampaz» كونسورتسيۋمى. كومپانيانىڭ ستەندىندە اسكەري جانە قوس ماقساتتاعى بۇيىمداردىڭ 46 تابيعي ۇلگىسى مەن 13 سۇلباسى قويىلعان. ولاردىڭ اراسىندا تۇنگى كورۋ كوزدەۋىشتەرى, جىلۋ ۆيزيالىق جۇيەلەر, بارلاۋ جانە قاداعالاۋ اسپاپتارى, كورابلدەر مەن سۋاستى قايىقتاردى وندىرۋشىلەرگە ارنالعان كەمە گيدراۆليكاسىنىڭ تولىمداۋشى بۇيىمدارى, مي-17ۆ-5, مي-8 تىكۇشاقتارىنىڭ سۇلبالارى, سونداي-اق, قازاقستاندىق ءوندىرىستىڭ بروندى كەۋدەشەلەرى, شلەمدەرى مەن اسكەري كيىم-كەشەگى بار. ايدار ورىسباەۆ