استانادا ازىق-ت ۇلىك قىمباتتاپ, كوكونىس ارزاندادى

ەلوردادا الەۋمەتتىك ماڭىزى بار ازىق-ت ۇلىك تاۋارلارى قىمباتتادى. وسىدان ەكى اي بۇرىن دا دۇكەن سورەلەرىندەگى ءونىم باعاسىنىڭ ەداۋىر وسكەندىگى بايقالعان-دى. ۇلتتىق ەكونوميكا مينيسترلىگىنىڭ ستاتيستيكا كوميتەتى شىلدە مەن تامىز ايلارىنداعى باعاعا تالداۋ جاساپ, تاۋارلاردىڭ قىمباتتاعانىن رەسمي ءمالىم ەتتى. اسىرەسە, ۇنتاق جارماسىنىڭ باعاسى ايتارلىقتاي وزگەرگەن. قازىر بۇل ءونىم تۇتىنۋشىلارعا بۇرىنعىسىنان 6,3 پايىزعا قىمباتىراق ساتىلۋدا. ال ەڭ ءوتىمدى سانالاتىن سوچني كەسپەسى 5,1 پايىزعا, قاراقۇمىق جارماسى 5 پايىزعا كوتەرىلگەن. سونداي-اق, وسىمدىك سارى مايى, سپيرتتىك ونىمدەر 4,7 پايىزعا وسسە, تاۋىق ەتى 4,6 پايىزعا جوعارىلاعان. سپاگەتتي تۇرلەرى 4 پايىزعا, ىرىمشىك 3,1 پايىزعا قىمباتتاعان. ساۋدا نۇكتەلەرىندە باعاسى كوتەرىلگەن وزگە دە تاۋارلار بار. ايتالىق, ءبىرىنشى سۇرىپتى ۇننان پىسىرىلگەن بيداي نانى 2,9 پايىزعا, ءبىرىنشى سۇرىپتى بيداي ۇنى 2,8 پايىزعا, ارپا جارماسى 2,7 پايىزعا, قارا بايحا شايى مەن تاۋىق سانى 2,5 پايىزعا كوتەرىلگەن. بۇگىندە كۇرىشتىڭ باعاسى دا 2,1 پايىزعا قىمباتتاعانى بەلگىلى بولىپ وتىر. ايتا كەتەيىك, جوعارى سۇرىپتى بيداي ۇنى دا بۇرىنعى باعاسىنان 1,5 پايىزعا قىمباتىراق ساۋدالانۋدا. سيىر ەتى, قۇمشەكەر, جۇمىرتقا, س ۇلى جارماسى, ايران سياقتى تاۋارلاردىڭ ءوسۋى دە وسى شامالاس. ءبىر قىزىعى, ساۋدا ورىندارىندا كوكونىستەردىڭ باعاسى كەرىسىنشە ءبىرشاما ارزانداعان. ايتالىق, ءسابىز 43,3 پايىزعا, كارتوپ 38,5 پايىزعا, قىزاناق 34,9 پايىزعا, قيار 33,0 پايىزعا, قىزىلشا 27,9 پايىزعا, پياز 12,4 پايىزعا, اققاۋداندى ورامجاپىراق 11,9 پايىزعا تومەندەگەن. نۇرباي شاكىم