ءبىلىم بەرۋدىڭ جاڭا كوكجيەگى

ەلباسىمىزدىڭ بيىلعى جولداۋى دا ەلى­مىزدىڭ بولاشاعىنا دەگەن قامقورلىققا تولى. جولداۋدا قازاقستان تاۋەلسىزدىك جىلدا­رىن­دا ەرەكشە قارقىندى دامۋ ۇلگىسىن كورسەتكەنى اتاپ ءوتىلدى. 2011 جىلدىڭ 1 قاڭتارىنىڭ ءوز­ىندە ادام باسىنا شاققاندا ىشكى جالپى ءونىم كورسەتكىشى 1994 جىلمەن سالىستىرعاندا 12 ەسە ءوسىپ, ءار ادام باسىنا شاققاندا 9 مىڭ دوللارعا جەتتى. تاۋەلسىزدىگىن بىزبەن قاتار العان بىردە-ءبىر ەل ءالى مۇنداي كورسەتكىشكە قول جەتكىزە قويعان جوق. ءوز جولداۋىندا ەلباسى ۇدەمەلى ين­دۋس­تريالىق-يننوۆا­تسيا­لىق دامۋ باعدارلاماسى ۇلەس بەرە باستاعانىن ەرەكشە اتاپ كورسەتتى. اگرارلىق سەكتوردا دا سەرپىندى دامۋ جۇزەگە اسىرىلۋدا. كاسىپكەرلىككە كەڭ جول اشىلدى. بەدەلدى-بەدەلدى الەمدىك رەيتينگتەردە قازاق­ستان سۋىرىلىپ العا شىقتى. الەمدىك بانك­تىڭ 2010 جىلعى باعدارلاماسىندا قازاقستان بيزنەس مۇددەسىن قورعاۋ جونىندە رەفورما جۇرگىزۋ بويىنشا كوشباسشى دەپ تانىلدى. نۇرسۇلتان ءابىش ۇلى كۇن تارتىبىنە حالىق­تىڭ ءال-اۋقاتىن نىعايتۋعا باعىتتالعان الەۋ­مەتتىك مودەرنيزاتسيا جانە جاڭا الەۋمەتتىك ساياسات ماسەلەسىن قويىپ وتىر. ءبىلىم بەرۋ, دەن­ساۋلىق ساقتاۋ سالالارى مەن تىلدەردى دا­مىتۋدىڭ ماڭىزدى مەملەكەتتىك باعدارلا­ما­لا­رى قاتارىنا تۇبەگەيلى يننوۆاتسيالىق باع­دار­لامالاردى العا شىعارۋدا. ولار: جاڭا جۇمىسپەن قامتۋ ستراتەگياسى, تۇرعىن ءۇي-كوم­مۋنالدىق شارۋاشىلىعىن مودەرنيزاتسيالاۋ, ەلدى مەكەندەردى ساپالى اۋىز سۋمەن قامتا­ماسىز ەتۋ ماسەلەلەرى. بۇل باعدار­لاما­لار حالقىمىزدىڭ تۇرمىس-تىرشىلىگىن جاق­سار­تۋعا باعىتتالىپ وتىرعانى ءبىزدى قاتتى قۋانتادى. ەلباسىنىڭ بيىلعى جولداۋىندا الەۋ­مەت­تىك سالالار ىشىنەن ءبىلىم بەرۋ ىسىنە ءبىرىنشى كەزەكتە كوڭىل ءبولىنىپ وتىرعانى – بۇل ەلىمىزدىڭ بولاشاعىنا دەگەن قامقورلىقتىڭ جارقىن كورىنىسى ەكەنى ءسوزسىز. جولداۋدا اتاپ كورسەتىلگەنىندەي, تاۋەلسىزدىك جىلدارىندا ءبىلىم بەرۋ سالاسىندا اسا اۋقىمدى جۇمىس اتقارىلدى. ەلىمىز ءبىلىم بەرۋ ءىسىن دامىتۋدا 129 ەلدىڭ اراسىندا كوشباستاۋشىلار قاتا­رى­نان كورىندى. وتكەن ونجىلدىقتا بىلىمگە ءبو­لىنگەن قارجى ون ەسەگە كوبەيدى. وسى جىل­دارى 750 مەكتەپ سالىندى, 5302 مەكتەپكە دەيىنگى مەكەمەلەر, 1117 بالا­باق­شا مەن 4185 بالالار ورتالىعى اشىلدى. استانادا عىلىم مەن ءبىلىم يندۋسترياسىنىڭ جاڭا عاسىرداعى ورتا­لىعى بو­لاتىن جاڭا ۋنيۆەرسيتەت ومىرگە كەلدى. عارىشتىق جىلدامدىقپەن دامىپ كەلە جاتقان ۇشقىر ۋاقىت بىزدەن ءبىلىم بەرۋدى ءبىر ءسات تە بوساڭسىتپاۋدى تالاپ ەتەدى. ءححى عاسىر ءبىلىمدى ەلدەردىڭ عاسىرى. سوندىقتان وركە­ني­ەتتى ەل بولامىز دەسەك, الەمدىك ۇردىستەن قا­لىسپاۋعا ءتيىسپىز. ەلباسىمىز ايتقانداي, «ءوم­ىر بويى ءبىلىم الۋ» ءاربىر قازاقستان­دىق­تىڭ جەكە كرەدوسىنا اينالاتىن بولادى. بۇل ءۇشىن ءبىلىم بەرۋدىڭ 12 جىلدىق مودەلى ەنگىزىلۋدە, 4 جىلدىق باكالاۆريات, 2 جىلدىق ماگيستراتۋرا, 3 جىلدىق PhD دوكتورانتۋرا جۇيەسىنە كوشىپ وتىرمىز. «ءبىز, – دەدى نۇر­سۇلتان ءابىش ۇلى, – ۋنيۆەرسيتەتتىك ءبىلىم بەرۋ مەن عىلىمدى دامىتۋدىڭ جاڭا دەڭگەيىن قامتاماسىز ەتۋگە مىندەتتىمىز». ەلباسىنىڭ بۇل تاپسىرماسى ءبىزدىڭ اباي ات­ىنداعى قازاق ۇلتتىق پەداگوگيكالىق ۋني­ۆەر­سيتەتىنىڭ باسشىلىعى مەن پروفەسسور-وقى­­تۋ­شى­لار قۇرامىنا دا ۇلكەن مىندەتتەر جۇكتەيدى. قازاقستاندىق ۋنيۆەرسيتەتتەر قازىرگى كەزدە دامۋدىڭ اسا جاۋاپتى كەزەڭىن باستارىنان كە­شۋدە: عىلىمي قىزمەتكەردىڭ مارتەبەسى ءوز­گە­رۋدە, قوعام ومىرىندەگى عىلىمنىڭ ءرولى كە­ڭەيۋ­دە. ويتكەنى, ءبىلىم بەرۋ بارلىق ساياسا­تى­مىز­دىڭ ۇلتتىق باسىمدىلىقتاردىڭ ءبىرى بو­لىپ ەسەپتەلەدى. «جوعارى ءبىلىم ساپاسى ەڭ جوعارى حا­لىقارالىق تالاپتارعا جاۋاپ بەرۋى ءتيىس. ەلدەگى جوو-لار الەمنىڭ جەتەكشى ۋنيۆەرسي­تەت­تەرىنىڭ رەيتينگىنە ەنۋگە ۇمتىلۋلارى كەرەك» – دەگەن بولاتىن پرەزيدەنت ن.ءا.نازارباەۆ. ال بۇل ءبىلىم ساپاسىن ارتتىرۋ, ۇلتتىق تاربيەنى, يننوۆاتسيالاردى ەندىرۋ, الەمنىڭ باسقا جەتەكشى ۋنيۆەرسيتەتتەرىمەن بەلسەندى ىنتىماقتاستىقتى ورناتۋ, وقىتۋشىلار مەن ستۋدەنتتەردىڭ اكادەميالىق ۇشقىرلىعى, قوس­­ديپلومدى ءبىلىم بەرۋدى ەنگىزۋ ارقىلى جو­عارى دەڭگەيدەگى باسەكەگە قابىلەتتى ما­مان­داردى قالىپتاستىرۋىمىز قاجەت دەگەن ءسوز. ەلباسىنىڭ جولداۋىنا وراي ءبىزدىڭ ۋنيۆەرسيتەتىمىز ءبىلىم ساپاسىن جاقسارتۋ, وقى­تۋ­دىڭ كرەديتتىك تەحنولوگياسىن ەندىرۋ, يننو­ۆا­تسيالىق تەحنولوگيالاردى پايدالانۋ, حا­لىق­ارالىق ىنتىماقتاستىقتى كەڭەيتۋ, عى­لى­مي زەرتتەۋلەر ناتيجەلەرىن ءتيىمدى ىسكە اسى­رۋ بويىنشا ءىس-شارالار كەشەنىن جۇزەگە اسىرۋدا. وقىتۋدىڭ كرەديتتىك تەحنولوگياسىن ىسكە اسىرۋ ماقساتىندا ءبىزدىڭ ۋنيۆەرسيتەت ءدارىس وقۋعا شەتەلدىك عالىمداردى تارتۋعا باسا نازار اۋدارىپ وتىر. ماستەر-كلاستار, ءدارىس جانە سەمينار ساباقتارىن 30 شەتەل پرو­فەس­سورى جۇرگىزدى. وقىتۋشىلاردىڭ اكادەميا­لىق ۇشقىرلىعىن كوتەرۋ ءۇشىن بارلىق جاع­داي جاسالۋدا: ءبىزدىڭ 42 وقىتۋشىمىز پوق عىلىمي تاعىلىمدامالارى ستيپەنديالىق باع­دارلامالارىنا قاتىستى. 2010/2011 وقۋ جىلى قر پرەزيدەنتىنىڭ «بولاشاق» حالىق­ارالىق ستيپەندياسى بويىنشا عىلىمي تا­عى­لىمدامالار باعدارلاماسى بويىنشا 17 جانە (ITEC) – Indian Technical & Economic Coo­peration – ءۇندى تەحنيكالىق جانە ەكونومي­كا­لىق ىنتىماقتاستىعى باعدارلاماسى بوي­ىنشا 37 ءوتىنىم بەرىلدى. ۇلتتىق پەداگوگيكالىق ۋنيۆەرسيتەت بول­عان­دىقتان, ءبىز پەداگوگيكالىق ءبىلىم بەرۋ سا­لا­سىندا كوشباسشى بولۋىمىز كەرەك. بيىل­عى جىلى العاش رەت ءبىلىم ساپاسىن تالداۋ جانە بىلىكتىلىكتى كوتەرۋ ينستيتۋتىنىڭ نەگىزىندە پەداگوگيكا جانە پسيحولوگيا كافەدرا­لارىنىڭ مەڭگەرۋشىلەرى ءۇشىن بىلىكتىلىكتى كوتەرۋ بوي­ىنشا رەسپۋبليكالىق سەمينار ءوت­كىزدىك. ءبىزدىڭ ۋنيۆەرسيتەتىمىزدە بىلىكتىلىگىن كوتەرگەن باسقا جوو وقىتۋشىلارىنىڭ سانى ارتتى. العاش رەت ايماقتىق جوو-لار ءۇشىن بىلىكتىلىكتى كوتەرۋ كۋرستارى ۇيىمداستىرىلدى. ادامي رەسۋرستاردى دامىتۋ, ونىڭ ىشىندە بىلىكتىلىكتى كوتەرۋ جوسپارلى تۇردە جۇرگى­زى­لىپ, ول كاسىبيلىكتى قالىپتاستىرۋعا باعىت­تال­دى. وسىعان سايكەس ادامي رەسۋرستاردى دامىتۋعا جاڭا كوزقاراس بىلىكتىلىكتى كوتەرۋ جۇيەسى تۋرالى ەرەجەدە ايقىن كورىنىس تاپتى. ءبىلىم بەرۋ دەپارتامەنتتەرىمەن جانە رەس­پۋبليكالىق بىلىكتىلىكتى كوتەرۋ ينستيتۋ­تى­مەن ءارى قاراي تىعىز بايلانىستا قىزمەت ات­قارۋدامىز, ءبىزدىڭ ۋنيۆەرسيتەتىمىزدىڭ سەرتي­في­كاتتارى مەكتەپ پەداگوگتارىن اتتەستاتسيالاۋ كەزىندە ەسكەرىلەتىن ۇيىمدار قاتارىنا ەنگىزىلۋىنە قول جەتكىزگەلى وتىرمىز. «ءبىلىم بەرۋدەگى مەنەدجمەنت», ماگيستراتۋرادا جانە مۆا ءبىلىم بەرۋ جۇيەسىنىڭ باس­قارۋشى كادرلاردى دايارلاۋ كۋرستارىن اشۋ, «ۇلتتىق تاربيە» تۇ­جى­رىمداماسىن قۇرۋ ءما­سەلەلەرى ءبىزدىڭ تۇ­راق­تى نازارىمىزدا. عىلىمي ورتا وسى كۇنى جالپىعا ءمالىم تا­قىرىپتار بويىنشا ءوت­كىزىلەتىن كونفەرەنتسيالار مەن سەمينارلاردان شارشاعان. سون­دىق­تان ءبىز ءبىلىم بەرۋ جۇيەسىنىڭ قىزمەت­كەر­لەرىنە باعىتتالعان وزەكتى تاقىرىپتاردى قوز­عايتىن ارنايى سەمينارلار وتكىزۋدى قولعا الدىق. ۋنيۆەرسيتەت ۇجىمى قىزمەتىنىڭ باستى باع­دارى ءبىلىم ساپاسىن ارتتىرۋعا باعىتتا­لۋ­دا. سوندىقتان جۇمىستى ۇيلەستىرۋ جانە وڭ­تايلاندىرۋ ماقساتىندا جالپىۋنيۆەرسي­تەت­تىك كافەدرالاردى بىرىكتىرگەن جالپى ۋنيۆەرسيتەتتىك پاندەر ورتا­لى­عى قۇرىلدى. وقۋ باس­قار­ما­سىنىڭ جانىندا ءبى­رىڭعاي ديسپەتچەرلەر قىز­­مە­تى جۇمىس ىستەي باس­تادى. وقۋ-ادىستە­مە­لىك قام­تاماسىز ەتۋ جا­ڭار­تىل­دى: بار­­لىق ءپان­دەر بويىنشا جاڭا وقۋ-ءادىس­تە­مەلىك كەشەندەر جا­­­سال­دى. ءبىلىم مەن تاربيە ءۇردى­سىنىڭ ساپاسىن ارت­تىرۋ ماقساتىندا ال­عاش رەت «ۇلتتىق تاربيە» جانە «ابايتانۋ», «ءبىلىمدى اق­پا­رات­تاندىرۋ» پاندەرى ەنگىزىلدى. «ينفورماتيكا» ماماندىعىن اعىلشىن تىلىندە وقى­تۋ قولعا الىندى. ونىڭ ناتيجەلەرى وقىتۋ­شى­لارمەن كەلىسىمشارت جاساۋ ءۇشىن نەگىزگە الىندى. ۋنيۆەر­سي­تەتتىڭ بارلىق وقى­تۋ­شى­لا­رى كرەديتتىك تەحنولوگيا بويىنشا بىلىكتىلىكتى كو­تە­رۋ كۋرس­تارىنان ءوتتى. وسى­لاي­شا, وقىتۋ­دىڭ كرەديتتىك تەحنولو­گياسىنىڭ نە­گىز­گى شارت­تارى كۇن­نەن كۇنگە جەتىلدىرىلىپ كەلەدى. «ءبىلىم بەرۋ» باعىتى بويىنشا ۋنيۆەر­سي­تەتىمىزدىڭ باس جوو رەتىندەگى جۇمىستارى بەلسەندىلەندىرىلدى. ۋنيۆەرسيتەت وقىتۋشىلا­رى­نان قۇ­رىلعان جۇمىس توپتارى باكالاۆريات­تىڭ, ماگيستراتۋرانىڭ, دوكتورانتۋرانىڭ 48 ما­مان­دىعىنا ارنالعان مجببس جوباسىن ءاز­ىر­لەدى. جالپى ءبىلىم بەرۋ پاندەرى تسيكلىنىڭ جا­ڭا پاندەر مازمۇنى جانە 12 جىلدىق مەك­تەپتىڭ جالپىعا بىردەي مەملەكەتتىك ستان­دار­تى مەن وقۋلىقتار جاسالدى. بولون ءۇردىسى بويىنشا جۇمىستار اتقارۋ, ونىڭ تالاپتارىن تولىقتاي ورىنداۋ ءبىزدىڭ باس­تى ماقساتىمىز بولىپ تابىلادى. كرەديتتىك تەحنولوگيا جۇمىس بەرۋشىلەردىڭ قاتى­سۋ­ىن تالاپ ەتەدى. تاجىريبەلى پەداگوگتاردى ءدا­رىس وقۋعا كەڭىنەن تار­تۋ­دامىز. جوو پەدا­گوگ­تا­رىنىڭ جۇمىس بەرۋشىلەر­مەن بىرلەسىپ ساباق وتكىزۋ مۇمكىن­دىكتەرى بار. كورسەتىلگەن مىندەتتەردىڭ ورىندالۋى ءوز دەڭ­گەيىمىزدى كوتەرۋگە, كرەديتتىك تەحنولوگيا تالاپتارىنا سايكەس ناقتى ءبىلىم بەرۋ باع­دار­لامالارىن جۇزەگە اسىرۋعا مۇمكىندىك بەرەدى. الايدا بۇل جۇمىس تاجىريبە رەجىمىندە جوس­پارلى تۇردە ساتىلاي جۇزەگە اسىرىلۋى ءتيىس. ستۋدەنتتەردىڭ اكادەميالىق ۇشقىرلىعى, پاندەر مەن وقىتۋشىلاردى تاڭداۋ مۇمكى­ن­دىگى, ساباق كەستەسىن جاساۋداعى جاڭا تاسىلدەر, وقى­تۋشىلار ءۇشىن وفيس-ساعاتى پراكتيكاسى­نىڭ ەنگىزىلۋى ءوز جەمىسىن بەرەتىنى ءسوزسىز. قا­زاقستان پەداگوگيكالىق عىلىمىنىڭ كوشباس­شىسى بول­عان­دىقتان ءبىز عىلىم مەن ءبىلىم بەرۋدى ينتەگراتسيالاۋ ارقىلى ماماندار دايار­لاۋعا باعىت ال­دىق. وسى ماقساتپەن عىلىمي زەرتتەۋلەر پەداگوگيكا, پسيحولوگيا; ءتىل ءبىلىمى, ادەبيەت, تاريح, فيزيكا, ماتەماتيكا جانە مەحانيكا; حيميا, بيولوگيا, گەوگرافيا جانە ەكولوگيا; ەكونوميكا, قۇقىق, ساياساتتانۋ; فيلوسوفيا جانە الەۋ­مەتتانۋ باعىتتارى بوي­ىنشا توپتاستىرىلدى. قازىرگى كەزدە ۋنيۆەرسيتەتتە 84 عىلىمي جوبا دايىندالىپ وتىر, ونىڭ ىشىندە 14 ىرگەلى تاقىرىپ, جانە قر بجعم بويىنشا 1 قولدانبالى تاقىرىپ, ۋنيۆەرسيتەت ەسەبىنەن قارجىلاندىراتىن پوق قۇرامىنىڭ 44 عى­لى­مي جوباسى جانە ستۋدەنتتەر مەن ماگيسترانتتار ورىنداپ وتىرعان 25 تاقىرىپ داي­ىندالدى. بىزدەگى تاربيە جۇمىسى ستۋدەنتتەر بويىندا ازاماتتىق جانە قازاقستاندىق وتان­شىلدىقتى تاربيەلەۋ; ۇلى اباي مۇرالارىن ناسيحاتتاۋ, تاعىلىمىن ۇيرەتۋ; ۇلتتىق قۇن­دىلىقتاردى دارىپتەۋ, حالىقتىق پەداگوگيكا ۇستانىمدارىن ناسيحاتتاۋ; ستۋدەنتتەردىڭ ءال­ەۋمەتتىك بەلسەندىلىكتەرىن ارتتىرۋ, ءوزىن-ءوزى باسقارۋعا باۋلۋ; سالاماتتى ءومىر سالتىن ناسيحاتتاۋ, زياندى ادەتتەردەن ساقتاندىرۋ; ستۋ­دەنتتەردىڭ قۇقىقتىق ساۋاتتىلىعىن كوتە­رۋ; جاس تالانتتاردى قولداۋ جانە ونەرگە جول اشۋ مىندەتتەرىن شەشۋگە باعىتتالىپ وتىر. «ستۋدەنتتەردى تاربيەلەۋ» تۇجىرىم­دا­ما­سىنىڭ نەگىزگى مىندەتى وقۋ-تاربيە جۇمىسىن مورالدىق-رۋحاني تۇرعىدان قالىپتاسقان, جەتىك كاسىبي دايىندىعى بار باسەكەگە قا­بىلەتتى تۇلعالاردى قالىپتاستىرۋعا باعىتتاۋ بولىپ تابىلادى. كۇندىزگى بولىمدە تاربيە جەتەكشىسى ينستيتۋتى كەڭىنەن دامىدى. ستۋ­دەنتتەردىڭ جەكە ەتيكاسى مەن ادامگەرشىلىك ماسەلەلەرىنە باسا نازار اۋدارىلۋدا. تاربيە جۇمىسىنىڭ ءتۇ­بەگەيلى وزگەرتىلۋىنە بايلا­نىستى بارلىق ما­ماندىقتاردىڭ ءبىرىنشى كۋرس­تارىندا «ۇلتتىق تاربيە» مەن «ابايتانۋ» پاندەرى ەنگىزىلدى. بۇل پاندەر بويىنشا باعدارلاماعا سايكەس ستۋ­دەنت­تەردىڭ جەكە ءجا­نە ۇجىمدىق تاربيەسىنە, سو­نىمەن قاتار ءوز­ارا قاتىناس مادەنيەتىنە جانە ءتارتىپ ەتيكا­سىنا باسا نازار اۋدارىلۋدا. ءبىر ءوزى ادامزاتتىق ءبىر الەم بولىپ سانا­لاتىن ۇلى اباي عيبراتى جوعارى وقۋ ور­نى­نىڭ تاربيەلىك جانە تالىمدىك ىستەرىنىڭ ارقا­ۋىنا اينالعان. ەكى جىلدا ءبىر رەت «اباي الە­مى» فەستيۆالى وتكىزىلەدى. قالىپتاسقان ءداس­تۇر بويىنشا «اباي ايتادى...» اكتسياسى ۇي­ىمداستىرىلىپ, ستۋدەنتتەر مەن ماگيس­ترانت­تار­عا تاربيە جۇمىسىنىڭ سالالارى بويى­شا اقىن شىعارمالارىنان جيناقتالعان كىتاپشالار تاراتىلدى. زەرەك, زەردەلى جاستار تارتىلعان «اباي مەكتەبى» كلۋبى جىل بويى ۇزدىكسىز جۇمىس اتقاردى. بيىلعى وقۋ جىلىندا ۋنيۆەرسيتەت ستۋدەنتتەرى مەن ماگيسترانتتارىنىڭ الەۋمەتتىك قورعالۋىنا ەرەكشە ءمان بەرىلۋدە. قوعامدىق تاماقتانۋ ورتالىعى ستۋدەنتتەر ءۇشىن ەڭ تومەن باعا ساياساتىن جۇزەگە اسىرادى. عىلىم مەن ءبىلىم سالاسىنداعى ۋنيۆەر­سي­تەتتىڭ حالىقارالىق ىنتىماقتاستىعى, ونىڭ ناتيجەلەرىنىڭ وقۋ ۇردىسىندە كەڭىنەن پايدا­لانىلۋى جوعارى وقۋ ورنىنىڭ الەمدىك ءبىلىم بەرۋ كەڭىستىگىنە تابىستى ەنۋىنىڭ نەگىزگى شارت­­تارىنىڭ ءبىرى بولىپ تابىلاتىنى ءسوزسىز. حا­لىق­ارالىق دەڭگەيگە كوتەرىلۋدىڭ العاشقى قا­دامدارىنىڭ ءبىرى 2010 جىلعى قاراشا ايىنىڭ ورتاسىندا ۋنيۆەرسيتەتىمىزدىڭ ۇلت­تىق اككرەديتاتسيادان تابىستى ءوتۋى جانە 2011 جىلدىڭ 1 قاڭتارىنا دەيىن شەتەلدىك حا­­لىقارالىق اگەنتتىكتەردە اككرەديتا­تسيا­نىڭ اياقتالۋى, حالىق­ارالىق رەيتينگتەرگە ەنۋى بولىپ تابىلادى. ۋنيۆەرسيتەتتىڭ حا­لىقارالىق ىنتى­ماق­­تاس­­تىعى ءۇش باعىت بوي­ىنشا جۇزەگە اسى­رى­لۋدا. ولار: شەتەلدىك ۋني­ۆەرسيتەتتەرمەن ەكى جاقتى ىنتىماقتاستىق ورناتۋ جانە بەلسەندىرۋ; باسقا ەلدەردىڭ ەلشىلىكتەرىمەن جانە تىلدىك ورتالىقتارىمەن ىن­تى­ماقتاستىق; ستۋدەنتتەر مەن پروفەسسور-وقى­تۋ­شىلار قۇرامى ءۇشىن ستيپەنديالار مەن گرانت­تار­دى بەرۋ بويىنشا اقپاراتتىق قولداۋ كور­سە­تۋ. ۋنيۆەرسيتەت ۇلىبريتانيا, فرانتسيا, گەرمانيا, چەحوسلوۆاكيا, پولشا, قىتاي, رەسەي, جاپونيا, بولگاريا جانە ت.ب. ەلدەردىڭ 100 جو­عا­رى وقۋ ورىندارىمەن ارىپتەستىك قىزمەت ەتەدى. بولاشاقتا قوسديپلومدى ءبىلىم الۋعا ءمۇم­كىندىگى بار اباي اتىنداعى قازۇپۋ سەرىكتەس جوعارى وقۋ ورىندارىمەن بىرلەسكەن ەكى جاقتى ءبىلىم بەرۋ باعدارلامالارىن ۇي­ىمداستىرۋ بويىنشا جۇمىسىن جالعاس­تى­رۋ­دا. قازىرگى كەزدە «پەداگوگيكا», «پسيحولوگيا», «باستاۋىش وقىتۋدىڭ پەداگوگيكاسى ءجا­نە ادىستەمەسى», «پراكتيكالىق پسيحولوگيا», «ارنايى پەداگوگيكا», «زاڭتانۋ» جانە «قارجى», «ساياساتتانۋ» جانە «حالىقارالىق قاتىناستار», «الەۋمەتتانۋ» جانە «ايماق­تا­نۋ» ماماندىقتارى بويىنشا قوس ديپلوم­دىق ءبىلىم تۋرالى شارتقا قول قويىلىپ وتىر. ستۋدەنتتەرمەن, ماگيسترانتتارمەن حالىق­ارالىق الماسۋلار ءجۇرىپ جاتىر. ەكى جاقتى جوو ارالىق كەلىسىمشارت بويىنشا, ۇكىمەت­ارالىق الماسۋلار بويىنشا جانە حالى­ق­ارا­لىق باعدارلامالار بويىنشا 78 ماگيسترانت جانە 10 باكالاۆر شەتەلدە ءبىلىم الىپ, تاعىلىم­دامالاردان ءوتىپ كەلدى. جالپى, ەلباسىنىڭ بيىلعى جول­داۋى ءبىلىم بەرۋ سالاسىنىڭ كوك­جيەگىن كەڭەيتۋگە جول اشىپ وتىر. بۇگىندە وقۋ ورنىمىزدىڭ پروفەسسور-وقىتۋشىلار قۇرامىنىڭ كۇش-جىگەرى جولداۋ جولدارىنان تۋىندايتىن مىندەتتەردى شەشۋگە جۇمىلدىرىلعان. سەرىك پىراليەۆ, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى, پروفەسسور.