وبلىستىق شتاب ىسكە كىرىستى

«نۇر وتان» حدپ وبلىستىق فيليالى توراعاسىنىڭ ءبىرىنشى ورىنباسارى الىبەك قارتوۆ باق وكىلدەرىمەن وتكىزگەن بريفينگتە قازاقستان رەسپۋبليكاسى پرەزيدەنتتىگىنە كانديدات ن. نازارباەۆ­تى قولداۋ جونىندەگى قوعامدىق شتاب­تىڭ قۇرىلىپ, ىسكە كىرىسكەنىن ءمالىم ەتتى. شتاب توراعاسىنىڭ اي­تۋىنشا, الدا زور مىندەتتەر تۇر. قازىرگى باستى ماقسات – كۇشتى «نۇر وتان» حدپ اتىنان ۇسى­نىل­عان ۇمىتكەردى قولداۋشى­لار­دىڭ داۋىسىن جيناۋعا جۇمىل­دى­رۋ. سودان كەيىن پرەزيدەنتتىككە كانديداتتىڭ سايلاۋالدى باعدار­لا­ماسىن جۇرتشىلىق اراسىندا نا­سيحاتتاۋ ىسىنە بەلسەنە اتسالى­سا­تىن بولادى. جەرگىلىكتى پارتيا ۇيىمدارى 755 سايلاۋ ۋچاسكەلەرى بويىنشا سەنىم بىلدىرىلگەن ادام­داردىڭ ءتىزىمىن ۇسىنۋدى اياقتادى. الىبەك ناميم ۇلى سەگىز ءبولىمنىڭ قۇرىلىپ, اتقارىلاتىن ۇگىتتىك-نا­سيحاتتىق, ۇيىمدىق شارالاردىڭ جان-جاقتى ەسكەرىلگەنىن جەتكىزدى. شتاب قۇرامىنا ۇكىمەتتىك ەمەس ۇيىمدار, ارداگەرلەر, جاستار, ەتنومادەني بىرلەستىكتەر وكىل­دەرى ەنگەن. قاي-قايسىسىن بول­سىن وبلىس جۇرتشىلىعى جاق­سى بىلەدى. سولاردىڭ ءبىرى پەتروپاۆل قالالىق ارداگەرلەر كەڭە­سى­نىڭ توراعاسى, شتاب جەتەكشىسىنىڭ ورىنباسارى گريگوري كۋحار رەفەرەندۋم وتكىزۋگە بايلانىستى باستامانى سولتۇستىكقازاقستاندىق سايلاۋشىلاردىڭ 56 پايىزى قول­دا­عانىن, كەزەكتەن تىس سايلاۋدا دا جەرلەستەرىمىزدىڭ ءوز ءادىل تاڭ­داۋلارىن جاسايتىنىن جەتكىزدى. شتاب مۇشەلەرى جۋرنا­ليس­تەر­دىڭ ساۋالدارىنا جاۋاپ بەردى. ءومىر ەسقالي. سولتۇستىك قازاقستان وبلىسى.