ەسكى ۇيلەر دە ەسكەرىلەدى

وسىدان 70-80 جىل بۇرىن سالىنعان ەسكى ۇيلەردەن سەمەي دە كەندە ەمەس. اۋەزوۆ داڭعىلىن­دا­عى ابدەن توزىعى جەتكەن سونداي ءۇيدىڭ ءبىرى قىسقى قاتتى ايازدا ادام تۇرعىسىز جاعدايعا جەتىپ, قاتىپ قالدى. سول اپاتتى جاعداي مۇندا ەكى-ءۇش اپتاعا سوزىلدى. جۇمىسقا جاڭا كىرىسكەن قالا اكىمى ايبەك كارىموۆ سول شاقتا كۇندىز-ءتۇنى وسى ارادان تابىلدى دەسە دە بولادى. اقىر سوڭىندا الگى ەسكى ۇيگە جىلۋ بەرىلىپ, وندا­عى تۇرعىندار ءبىر جاساپ قالدى. بىراق مۇنىمەن بار شارۋا شەشىلدى دەۋگە بولمايدى. ويتكەنى, ەسكىنىڭ اتى ەسكى. مۇنداي ۇيلەردە ەرتەڭ تاعى دا اپاتتى جاعدايدىڭ ورىن الماسىنا ەشكىم كەپىلدىك بەرە المايدى. جۋىردا وسى 41-ءشى ءۇيدىڭ تۇرعىندارىمەن كەزىككەن وبلىس باسشىسى بەردىبەك ساپارباەۆ مۇنداي جاعدايدان شىعۋدىڭ ءبىر عانا جولى بار ەكەندىگىن ايت­تى. ياعني, رەسپۋبليكا ۇكىمەتىنىڭ ەندى قابىلدانعالى جاتقان باع­دار­لاماسىندا كوپ قاباتتى ەسكى ۇيلەردى جوندەۋدەن وتكىزۋ ماقسا­تى­مەن يگى شارا قاراستىرىلىپ وتىرعان كورىنەدى. ازىرشە وسى باعدارلاما بوي­ىن­شا ەلىمىزدىڭ ەكى قالاسىندا ءتا­جىريبە جۇمىسى جۇرگىزىلەتىن بولسا, سونىڭ ءبىرى سەمەي ەكەن. ەكى قا­لا­دا كوپ قاباتتى ون ءۇي ارنايى ساراپتامادان وتكىزىلمەك. سونسوڭ الگى ساراپتاما نەگىزىندە مەملەكەت تاراپىنان تيىسىنشە قاراجات بولىنبەك. بارلىق قاراجاتتىڭ 70 پايىزىن مەملەكەت ءوزى كوتەرىپ الماق. قالعان شىعىن تۇرعىندار­دىڭ ەسەبىنەن جابىلماق. وكىنىشكە قاراي, وسى كەزدەسۋدە قايسىبىر تۇرعىندار بۇل ۇيدە نەگىزىنەن زەينەتكەرلەر تۇراتىن­دى­عىن ايتىپ, وزدەرى ءۇشىن الگى قالعان قاراجاتتى تابۋدىڭ ءوزى كۇش­كە تۇسەتىندىگىن مالىمدەپ جات­تى. بۇل ەندى ارتىق تالاپ پا دەيمىز. ويتكەنى, دامىعان ەلدەردىڭ وزىندە ەشكىم دە بارلىق مىندەتتى مەملەكەتتىڭ موينىنا ءىلىپ وتىر­عان جوق قوي. وبلىس باسشىسى ايتقانداي, وندا باسقا امالىن قاراستىرۋ كەرەك. مۇمكىن وسىن­داي ۇيلەردىڭ استىڭعى قابات­تارى­نا ورنالاسقان ءتۇرلى مازمۇنداعى ساۋدا نۇكتەلەرىنىڭ يەلەرى كومەك­كە كەلەر. تۇرعىنداردىڭ باسىم بولىگى قالاي بولعاندا دا ۇكى­مەتتىڭ بۇل وڭدى قادامىن قۇپ­تايتىندىعىن ءبىلدىرىپ جاتتى. شىندىعىندا ءۇي ماسەلەسىندەگى تىعىرىقتان شىعۋدىڭ ءبىر جولى وسى بولار. داۋلەت سەيسەن ۇلى. سەمەي.