بىتىمگەرشىلەر بىلىكتىلىگىن بايقاتتى

«مىزعىماس باۋىرلاستىق-2016» وقۋ-جاتتىعۋى اياقتالدى «وبۋز-لەسنوۆسكي» 230-شى جالپىاسكەري پوليگونىندا ۇقشۇ ۇجىمدىق بىتىمگەرشىلىك كۇشتەرىنىڭ (ۇبك) «مىزعىماس باۋىرلاستىق-2016» وقۋ-جاتتىعۋى اياقتالدى. وعان قازاقستان رەسپۋبليكاسى قارۋلى كۇشتەرىنىڭ بىتىمگەرشى اسكەري قىزمەتشىلەرى قاتىستى. اتالعان وقۋ-جاتتىعۋدا ۇقشۇ-نىڭ ۇجىمدىق ءبىتىم­گەر­شى­لىك كۇشتەرى العاش رەت بۇۇ قاۋىپ­سىزدىك كەڭەسىنىڭ مانداتىن الدى. وقۋ-جاتتىعۋدىڭ بەلسەندى فازا­سىندا بىتىمگەرشىلىك كونتين­گەنت­تەردىڭ ءىس-قيمىلدارىن قازاق­ستان رەسپۋبليكاسى قورعانىس ءمينيسترى­نىڭ ءبىرىنشى ورىنباسارى – قازاق­ستان قارۋلى كۇشتەرى باس شتابىنىڭ باستىعى, گەنەرال-پول­كوۆ­نيك ساكەن جاسۇزاقوۆ, ۇقشۇ-نىڭ باس حاتشىسى نيكو­لاي بورديۋجا, ۇقشۇ بىرىككەن شتا­بىنىڭ باستىعى, گەنەرال-پولكوۆنيك اناتولي سيدوروۆ, ارمەنيا مەن بەلورۋسسيا قارۋلى كۇشتەرى باس شتابتارىنىڭ باستىقتارى, بەلارۋس رەسپۋبليكاسىندا اككرەديتتەلگەن اسكەري-ديپلوماتيالىق كورپۋسىنىڭ, قىزىل كرەست حالىقارالىق كوميتەتىنىڭ وكىلدەرى جانە وزگە دە شاقىرىلعان مەيماندار قاداعالادى. بىتىمگەرشىلىك وپەراتسيادا ولاردىڭ تاپسىرمالار ورىنداۋى بويىنشا بەلسەندى ءىس-قي­مىلدار جۇرگىزۋ كەزىندە ۇلتتىق بىتىمگەرشىلىك كونتينگەنتتەردىڭ جاۋىنگەرلىك ۇيلەسىمدىلىگىنە ەرەكشە نازار اۋدارىلدى. وقۋ-جاتتىعۋ شەڭبەرىندە ءبوپ-تە قىزمەت وتكەرۋ, كولىك قۇرالدارىن تەكسەرۋ ءتارتىبى, جاياۋ پاترۋلدەۋ, العاشقى كو­مەك كورسەتۋ جانە بوسقىندارمەن (الماس­تىرىلعان تۇل­عالارمەن) جۇمىس جاساۋ ءجو­نىندە پراكتيكالىق ساباقتار وتكىزىلدى. اسكەري قىزمەتشىلەر لەكتەردى الىپ ءجۇرۋ, ميناسىزداندىرۋ, ءموبيلدى ءبوپ قۇرامىندا قىزمەت اتقارۋ, ماڭىزدى نىساندى كۇزەتۋ, ەلدى مەكەندى قورشاۋ جانە تەكسەرۋ, عيماراتقا شابۋىل جاساۋ, ءموبيلدى رەزەرۆ قۇرا­مىن­داعى (تىكۇشاقتارداعى) ءىس-قيمىل­دار, ىزگىلىك كومەك كورسەتۋدى قولداۋ كە­زىندەگى ءىس-قيمىلداردى پىسىقتادى. قازاقستاندىق بىتىمگەرشىلەر ارمەنيا, بەلورۋسسيا جانە رە­سەي قا­رۋ­لى كۇشتەرىنىڭ كون­تين­گەنتتەرىمەن بىرلەسىپ جاۋاپكەرشىلىك ۋچاسكەلەرىنە شىعۋ جانە ورنالاسۋ بويىنشا بىرقاتار تاپسىرمالاردى پىسىقتادى. وسى ۋچاسكەلەردە بارلاۋ, كۇزەتۋ, تەكسەرۋ جانە وقشاۋلاۋ ءىس-شارالارىن ورىندادى. پراكتيكالىق ءىس-قيمىلدار بارىسىندا بىرنەشە تاكتيكالىق ەپيزودتار پىسىقتالدى. اتاپ ايتقاندا, كولىكتىك اۆياتسيانىڭ كۇشىمەن بەلگىلەنگەن اۋدانعا كونتينگەنتتەردىڭ ماتەريالدىق قۇرالدارىن جەتكىزۋ, تەحنيكانىڭ لەكتەرىن قۇرۋ, قوزعالىس باعدارىندا قولدان جاسال­عان جارىلعىش قۇرىلعىلاردى كۇزەتۋ, انىق­تاۋدى ۇيىمداستىرۋ, تىكۇشاقتان ميناسىزداندىرۋ توبى قۇرامىندا ءتۇسىرىپ جىبەرۋ جانە زاڭسىز قارۋلى قۇرالىمدى جويۋ, ماڭىزدى نىساندى كۇزەتۋ جونىندە تاپسىرمالاردى ورىنداۋ پىسىقتالدى. وقۋ-جاتتىعۋعا ۇقشۇ-عا مۇشە­ بارلىق التى مەملەكەتىنىڭ قارۋلى كۇشتەرى, ىشكى اسكەرلەرى مەن پوليتسياسى قۇرامىنان 1500 اسكەري قىزمەتشى, سونداي-اق, 300 بىرلىك اۆياتسيالىق, بروندى تانكتى جانە ءاۆتوموبيلدى تەحنيكا تارتىلدى. «ەگەمەن-اقپارات»