انانى ارداقتاعان حالىق ەدىك...

توعىز اي قۇرساعىندا كوتەرىپ, جارىق ءومىر سىيلايتىن, وسكەنشە ماپەلەيتىن انادان اسىل جان بولار ما, ءسىرا؟ الايدا, ارامىزدا بار مەيىرىمىن توككەن اياۋلى اناسىن قۇرمەتتەمەيتىن جەتەسىزدەر دە كەزدەسىپ جاتادى. ماسەلەن, ماحامبەت اۋدانىندا جان دەگەندە جالعىز ۇلىنان قايىر كورمەي, ابدەن شاراسى تاۋسىلعان انا اليمەنت ءوندىرۋ ءۇشىن سوتقا جۇگىنۋگە بەكىنىپتى. ويتكەنى, ونىڭ ۇلى تابىس تابادى. بىراق تابىسىن تەك ءوز قاجەتىنە عانا جۇمساپ, اناسىنا ءبىر تيىنىن دا بەرمەگەن. ءتىپتى, كەكىرىك اتقان ۇل اناسىنىڭ جانە ءوزىنىڭ اتىنا الىنعان نەسيەنى تولەۋگە دە ق ۇلىق تانىتپاپتى. «ايتا, ايتا التايدى...» دەگەندەي, ۇلىنا الاقانىن جايىپ, كومەك سۇراۋدان شارشاعان انانىڭ اليمەنت وندىرۋدەن باسقا امالى بار ما؟ ءسويتىپ, اق سامايىن قىراۋ شالعان, ازداعان اقشاسىن نە نەسيەنى تولەۋگە, نە كۇندەلىكتى ازىق-ت ۇلىگىنە جەتكىزە الماعان قايران انا سوتتان ۇلىن اي سايىن 60 000 تەڭگەدەن اليمەنت تولەۋگە مىندەتتەۋدى سۇراپتى. الدىن الا سوت وتىرىسىندا تاراپتار بۇل داۋدى مەدياتسيا تارتىبىمەن شەشۋگە كەلىسىم جاسادى. سول كەلىسىمشارتتارى بويىنشا اناسىنا وسى كەزگە دەيىن كومەكتەسپەگەن ۇل ەندى ءومىر بويىنا اي سايىن 40 000 تەڭگەدەن اليمەنت تولەۋدى مىندەتىنە الدى. جانە اليمەنتتى ءومىر بويىنا تولەيتىن بولدى. اناسىنىڭ جۇرەگىنە ءزىل باتپان جۇك سالعان جەتەسىزدىڭ ءبىرى يساتاي اۋدانىندا دا بار بولىپ شىقتى. مۇندا 25 جاستاعى تەپسە تەمىر ۇزەتىن جىگىت دوستارىمەن ءتۇن ورتاسىندا دا اناسىنا مازا بەرمەگەن. اقىماق ۇل اۋلادا تۇرعان كولىكتى تارسىلداتا ۇرىپ, اناسىنىڭ ءتۇن ۇيقىسى ءتورت بولگەن. ءتوزىمى تاۋسىلعان انا ۇلىنان اۋلادان اۋلاق كەتۋىن وتىنگەن. الايدا, اناسىنىڭ ءسوزىن تىڭداماق تۇگىلى قۇرمەتتەۋدى دە ۇمىتقان جەتەسىز ۇل نە ىستەدى دەيسىز عوي؟ دوستارىنىڭ كوزىنشە اناسىن بالاعاتتاعانى ازداي, قولىن قايىرىپ, سارايعا قاماپ تاس­تاپتى. اقىماق ۇلىنىڭ قاماۋىنان رەتىن تاۋىپ شىققان انا پوليتسياعا شاعىم تۇسىرگەن... الايدا, ءىس سوتقا جەتكەندە ەكى انا دا ۇلدارىنا كەشىرىم بەردى. شاعىمدارىن قايتارىپ الدى. ءسىرا, ۇلدارىنىڭ جاۋاپقا تارتىلىپ, ءىستى بولعانىن قالاماعان شىعار. بىراق, تاۋ قوپارارداي بۇلا كۇشى بار بۇل جىگىتتەردىڭ اقىماقتىق ءىسى انالارىنىڭ جۇرە­گىنە قانجارداي قادالعانىن ۇعا الدى ما؟ بۇگىنگى زاماننىڭ ۇرپا­عى نەگە قاتىگەزدەنىپ بارادى؟ تەگىن­دە, ءبىز ارداقتى انالاردى ايالا­عان, قۇرمەتتەگەن ۇلت ەمەس پە ەدىك؟ مۇنى تۇسىنەتىن ۇل بولسا, قانەكي؟ جولداسبەك شوپەعۇل, «ەگەمەن قازاقستان» اتىراۋ