ءوز ونىمدەرىمىزدى عانا ساتاتىن ورتالىق

قاراعاندى قالاسىندا قازاقستان رەسپۋبليكاسى جەڭىل ونەركاسىپ ونىمدەرىن وندىرۋشىلەر وداعىنىڭ باستاماسى بويىنشا وتاندىق ونىمدەردى ساتۋ ورتالىعى – «ۋنيۆەرMAG.kz» دۇكەنى اشىلدى. بۇل جوباعا قاراعاندى وبلىسى اكىمدىگىنىڭ دە جان-جاقتى قولداۋ كورسەتكەندىگىن ايتا كەتكەن ءجون. جالپى, ۇيىمداستىرۋشىلار جاڭا جوبا ەلىمىزدىڭ تۇكپىر-تۇكپىرىندەگى تاۋار وندىرۋشىلەردىڭ باسىن بىرىكتىرىپ, تىڭ يدەيالاردىڭ تۋىنداۋىنا جانە جاڭا ءوندىرىس ورىندارىنىڭ اشىلۋىنا يگى ىقپالىن تيگىزەدى دەپ ەسەپ­تەي­دى. ال بۇدان وتاندىق تاۋار ءوندىرىسىنىڭ ۇتپاسا, ۇتىلمايتىنى ايدان انىق. «قازاقستاندىكىن ساتىپ ال» جانە «قازاقستاندا جاسالعان» برەندتەرى بويىنشا وتاندىق تاۋار وندىرۋشىلەرگە ارنالعان بولەك الاڭ دۇنيەگە كەلدى. ەندى ءبىزدىڭ ءون­دىرۋشىلەر وبلىس تۇرعىندارىنا ساپاسى جاعىنان يمپورتتىق تاۋارلاردان ءبىر دە كەم ەمەس ءوز ءونىم­دەرىن ەمىن-ەر­كىن ۇسىنا ­الادى. بۇل ساۋدا-ساتتىق ورتالىعى عانا ەمەس, شىن ءما­نىسىندە باسەكەلەستىكتى دا­مى­تۋعا, تۇرعىنداردى قول­جەتىمدى باعا قويىلعان تاۋار­لارمەن قامتاماسىز ەتۋگە, وتان­دىق جانە جەرگىلىكتى تاۋار ءوندى­رۋشىلەردىڭ تانىمالدىعىن ارتتىرۋعا سەپ­تىگىن تيگىزەتىن قازاق­ستان جە­ڭىل ونەركاسىپ وندىرۋشىلەرى ءبىر­لەستىگىنىڭ ورتالىعى», دەپ اتاپ ءوتتى دۇكەننىڭ اشىلۋ ءراسى­مىنە قاتىس­قان ءوڭىر باسشىسى نۇرمۇ­حام­­­­بەت ابدىبەكوۆ. جاڭادان اشىلعان بۇل ءدۇ­كەندە تۇتىنۋشىلار كيىم-كەشەكتىڭ الۋان ءتۇرىن تابا الادى. مىسالى, بالالار كيىمىنەن باستاپ ەرلەر مەن ايەلدەردىڭ ىسكەر كيىمدەرىنە دەيىن سورەدە سىقىپ تۇر. سونىمەن قاتار, بۇل جەردە ساپالى اياقكيىمدەر, باس كيىمدەر, ش ۇلىق ونىمدەرى جانە سپورتتىق كيىمدەر دە كوپتەپ قويىلعان. ەسكە سالار بولساق, وتاندىق تاۋاردى ساتۋمەن اينالىساتىن بۇل دۇكەن قازاقستاندا پايدالانۋعا بەرىلگەن ەكىنشى, ال قاراعاندى وبلىسىنداعى تۇڭعىش ساۋدا ورتالىعى. قايرات ءابىلدينوۆ, «ەگەمەن قازاقستان» قاراعاندى