تۇرعىن ءۇي شارۋاشىلىعىن باسقارۋشىلاردى وقىتادى

«تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق تۇرعىن ءۇي-كوممۋنالدىق شارۋاشىلىعى سالاسىندا قىزمەت ەتىپ جۇرگەن قىزمەتكەرلەر مەن جۇمىسشىلاردىڭ ءبىلىمى مەن بىلىگىن كوتەرۋدى قولعا الماق. مۇنداعى ماقسات تۇرعىن ءۇي قورىن, تۇرعىن ءۇي-كوممۋ­نالدىق شارۋاشىلىعىن جاڭ­عىرتۋ, تۇرعىن ۇيلەرگە كۇر­دەلى جوندەۋ جۇرگىزۋ, تۇرعىن ءۇي سالاسىنداعى ەنەرگيا ۇنەمدەۋدىڭ تيىمدىلىگىن ارتتىرۋ بولىپ وتىر. اتالعان ورتا­لىقتىڭ ناسيحات جانە ءبىلىم تاراتۋ دەپارتامەنتىنىڭ باس مەنەدجەرى گاۋحار تايجانوۆا بيىل اتالعان كۋرستارعا 1975 ادام تارتىلاتىنىن ايتادى. «ۇلتتىق ەكونوميكا مي­نيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋا­شىلىعى ىستەرى كوميتەتى جانىنداعى «تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق 2013 جىلدان بەرى تۇرعىن ءۇي شارۋاشىلىعى سالاسىنداعى ماماندار بىلىكتىلىگىن ارتتىرۋ باعدارلاماسى اياسىندا ءۇش كۇندىك, بەس كۇندىك جانە ون كۇن­دىك كۋرستاردى وتكىزىپ كەلەدى. بىلىكتىلىك ارتتىرۋ كۋرس­تارىندا تۇرعىن ۇيلەردەگى ەنەرگيا ۇنەمدەۋ تەحنولوگيا­لارىن قولدانۋ, تۇرعىن ءۇي شارۋاشىلىعىنداعى ەنەرگومەنەدجمەنت, ەنەرگواۋ­ديت تۋرالى ايتامىز. بۇل كۋرستارعا وسى سالادا ەڭبەك ەتىپ جۇرگەن كادرلار تۇگەل تار­تىلادى. ولاردىڭ اراسىندا مەملەكەتتىك قىزمەتكەرلەر دە, پيك وكىلدەرى دە بار. ال «تۇرعىن ءۇي-كوممۋنالدىق شارۋا­شىلىعىن باسقارۋدىڭ ءتيىمدى ادىستەرىن قولدانۋ, يننوۆاتسيا مەن ەنەرگيا ۇنەمدەۋ تەحنولوگياسىن ەنگىزۋ نەگىزىندە دامىتۋ» دەپ اتالاتىن ايماقتىق كونفەرەنتسيامىزعا جوعارعى وقۋ ورىندارى مەن عىلىمي-زەرتتەۋ ينستيتۋتتارىنىڭ عالىمدارى, سالالىق قاۋىم­داستىقتار مەن بىرلەستىك وكىل­دەرى دە شاقىرىلادى», – دەيدى گ.تايجانوۆا.