قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى №995

2015 جىلعى 5 جەلتوقسان,    استانا قالاسى اۋماقتىق ىشكى ىستەر ورگاندارى جانىنداعى كونسۋلتاتيۆتىك-كەڭەسشى ورگاندار تۋرالى ۇلگى ەرەجەنى بەكىتۋ تۋرالى «قازاقستان رەسپۋبليكاسىنىڭ ىشكى ىستەر ورگاندارى تۋرالى» قازاقستان رەسپۋبليكاسىنىڭ 2014 جىلعى 23 ساۋىردەگى زاڭىنىڭ 25-بابى 11-تارماعىنا سايكەس بۇيىرامىن: 1. قازاقستان رەسپۋبليكاسىنىڭ اۋماقتىق ىشكى ىستەر ورگاندارى جانىنداعى كونسۋلتاتيۆتىك-كەڭەسشى ورگاندار تۋرالى ۇلگى ەرەجە بەكىتىلسىن. 2. قازاقستان رەسپۋبليكاسى ىشكى ىستەر مينيسترلىگىنىڭ كادر جۇمىسى دەپارتامەنتى (ا.ءۇ.ابدىعاليەۆ) زاڭنامادا بەلگىلەنگەن تارتىپتە: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن «زاڭ» دەرەكتەر بازاسى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 4) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى; 5) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسى ىشكى ىستەر مينيسترىلىگىنىڭ زاڭ دەپارتامەنتىنە وسى تارماقتىڭ 1), 2), 3) جانە 4) تارماقشالارىندا كوزدەلگەن ءىس-شارالاردىڭ ورىندالعانى تۋرالى مالىمەتتەردى ۇسىنۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ ىشكى ىستەر ءمينيسترىنىڭ ءبىرىنشى ورىنباسارى پوليتسيا گەنەرال-لەيتەنانتى م.ع.دەمەۋوۆكە جانە ىشكى ىستەر مينيسترلىگىنىڭ كادر جۇمىسى دەپارتامەنتىنە (ا.ءۇ.ابدىعاليەۆ) جۇكتەلسىن. 5. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ, 2016 جىلدىڭ 1 قاڭ­تارىنان ەرتە ەمەس قولدانىسقا ەنگىزىلەدى. مينيستر پوليتسيا گەنەرال-پولكوۆنيگى ق.قاسىموۆ قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 5 جەلتوقسانداعى №995 بۇيرىعىمەن بەكىتىلگەن اۋماقتىق ىشكى ىستەر ورگاندارى جانىنداعى كونسۋلتاتيۆتىك-كەڭەسشى ورگاندار تۋرالى ۇلگى ەرەجە 1. جالپى ەرەجەلەر 1. كونسۋلتاتيۆتىك-كەڭەسشى ورگاندار قازاقستان رەسپۋبليكاسىنىڭ اۋماقتىق ىشكى ىستەر ورگاندارى جانىنداعى كەڭەستىك ورگان بولىپ تابىلادى (بۇدان ءارى - كونسۋلتاتيۆتىك-كەڭەسشى ورگاندار). 2. ءاربىر ىشكى ىستەر دەپارتامەنتىندە ۇسىنىمدىق سيپاتتا شەشىم شىعاراتىن ءبىر كونسۋلتاتيۆتىك-كەڭەسشى ورگان قۇرىلادى. 3. كونسۋلتاتيۆتىك-كەڭەسشى ورگاندار جۇرتشىلىقتىڭ قازاقستان رەسپۋبليكاسىنىڭ اۋماقتىق ىشكى ىستەر ورگاندارىمەن مەملەكەتتىك ساياساتتىڭ نەگىزگى باعىتتارىن ازىرلەۋ جانە ىشكى ىستەر ورگاندارى قىزمەتىنىڭ بەلگىلەنگەن سالاسىنا جاتاتىن ماسەلەلەر قازاقستان رەسپۋبليكاسى ازاماتتارىنىڭ قۇقىقتارى مەن بوستاندىقتارىن قورعاۋدى, پوليتسيا قىزمەتىنىڭ جاريالىلىعى مەن اشىقتىعى ءپرينتسيپىن ىسكە اسىرۋ بويىنشا ءوزارا ءىس-قيمىل جاساسۋىن قامتاماسىز ەتەدى. 4. كونسۋلتاتيۆتىك-كەڭەسشى ورگانى قىزمەتىنىڭ قۇقىقتىق نەگىزىن قازاقستان رەسپۋبليكاسىنىڭ كونستيتۋتسياسى, حالىقارالىق شارتتار مەن قازاقستان رەسپۋبليكاسى راتيفيكاتسيالاعان كونۆەنتسيالار, قازاقستان رەسپۋبليكاسىنىڭ «ىشكى ىستەر ورگاندارى تۋرالى» 2014 جىلعى 23 ساۋىردەگى, «قوعامدىق بىرلەستىكتەر تۋرالى» 1996 جىلعى 31 مامىرداعى, «كوممەرتسيالىق ەمەس ۇيىمدار تۋرالى» 2001 جىلعى 16 قاڭتارداعى زاڭدارى, سونداي-اق وسى اۋماقتىق ىشكى ىستەر ورگاندارى جانىنداعى كونسۋلتاتيۆتىك-كەڭەسشى ورگانى تۋرالى ۇلگى ەرەجە (بۇدان ءارى – ەرەجە) قۇرايدى. 2. كونسۋلتاتيۆتىك-كەڭەسشى ورگانداردىڭ ماقساتتارى مەن مىندەتتەرى 5. كونسۋلتاتيۆتىك-كەڭەسشى ورگاندار قىزمەتىنىڭ ماقساتتارى: 1) ىشكى ىستەر ورگاندارىنا ولاردىڭ قىزمەتىنىڭ ايقىندىلىعىن قامتاماسىز ەتۋگە ىقپال ەتۋ; 2) قازاقستان رەسپۋبليكاسى زاڭناماسىمەن بەلگىلەنگەن قىزمەتتىك ەتيكا نورمالارىن بۇزعان ىشكى ىستەر ورگاندارى قىزمەتكەرلەرىنىڭ ءىس-ارەكەتىنە شاعىمدانعان جەكە جانە زاڭدى تۇلعالاردىڭ ارىزدارىن قاراۋ بولىپ تابىلادى. 6. نەگىزگى مىندەتتەرى: 1) حالىقتىڭ مەملەكەتتىڭ ىشكى ىستەر ورگاندارىنا سەنىمىن ارتتىرۋ, پوليتسيانى حالىققا جاقىنداتۋ, ۇكىمەتتىك ەمەس ۇيىمداردىڭ قۇقىقتىق مەملەكەتتى نىعايتۋداعى ءرولىن ودان ءارى ارتتىرۋ; 2) ىشكى ىستەر ورگاندارىنىڭ قىزمەتىنە كونسۋلتاتيۆتىك, ادىستەمەلىك جانە وزگە دە قولداۋلار  كورسەتۋ; 3) ىشكى ىستەر ورگاندارىنىڭ قىزمەتكەرلەرىن الەۋمەتتىك قولداۋ ماسەلەلەرىن شەشۋگە ىقپال ەتۋ; 4) ىشكى ىستەر ورگاندارى قىزمەتىنىڭ وزەكتى ماسەلەلەرى تۋرالى حالىقتى جانجاقتى جانە شىنايى اقپاراتتاندىرۋ مۇددەسىنە بۇقارالىق اقپارات قۇرالدارىنىڭ وكىلدەرىن تارتۋ; 5) ىشكى ىستەر ورگاندارى قىزمەتىنىڭ ايقىندىلىعىن قامتاماسىز ەتۋگە باعىتتالعان بىرلەسكەن ءىس-شارالار باعدارلامالارى جانە ولاردى ىسكە اسىرۋ بويىنشا ۇسىنىستار ازىرلەۋ; 6) ىشكى ىستەر ورگاندارى قىزمەتتەرىن جەتىلدىرۋ بويىنشا ۇسىنىستار دايىنداۋ بولىپ تابىلادى. 3. كونسۋلتاتيۆتىك-كەڭەسشى ورگانداردىڭ قۇقىقتارى 7. كونسۋلتاتيۆتىك-كەڭەسشى ورگاندار: 1) ىشكى ىستەر ورگاندارىنىڭ قىزمەتىن جەتىلدىرۋ ماسەلەلەرى بويىنشا ۇكىمەتتىك ەمەس ۇيىمدار مەن مەملەكەتتىك بيلىك ورگاندارىنا ۇسىنىستارمەن شىعۋعا; 2) ازاماتتارعا, ورتالىق جانە جەرگىلىكتى اتقارۋشى ورگاندارعا ىشكى ىستەر ورگاندارى قىزمەتىنىڭ ايقىندىلىعىن قامتاماسىز ەتۋ بولىگىندە مەملەكەتتىك ورگاندار مەن ۇكىمەتتىك ەمەس ۇيىمداردىڭ ىنتىماقتاستىعى تەتىكتەرىن جەتىلدىرۋ بويىنشا ۇسىنىستارمەن ءوتىنىش بىلدىرۋگە; 3) كونسۋلتاتيۆتىك-كەڭەسشى ورگانداردىڭ وتىرىسىنا مەملەكەتتىك ورگانداردىڭ, ۇكىمەتتىك ەمەس ۇيىمداردىڭ جانە وزگە دە قوعامدىق بىرلەستىكتەردىڭ وكىلدەرىن شاقىرۋعا; 4) كونسۋلتاتيۆتىك-كەڭەسشى ورگانننىڭ اتىنا كەلىپ تۇسكەن قازاقستان رەسپۋبليكاسى زاڭناماسىمەن بەلگىلەنگەن قىزمەتتىك ەتيكا نورمالارىن بۇزعان ىشكى ىستەر ورگاندارى قىزمەتكەرلەرىنىڭ ءىس-ارەكەتىنە شاعىمدانعان جەكە جانە زاڭدى تۇلعالاردىڭ ارىزدارىن قاراۋعا قۇقىعى بار. 4. كونسۋلتاتيۆتىك-كەڭەسشى ورگانداردىڭ قىزمەتىن ۇيىمداستىرۋ 8. كونسۋلتاتيۆتىك-كەڭەسشى ورگان اۋماقتىق ىشكى ىستەر ورگاندارى مەن ازاماتتىق قوعام قاتارىنان قۇرالادى. بۇل رەتتە اۋماقتىق ىشكى ىستەر ورگاندارى وكىلدەرىنىڭ سانى جالپى سانىنىڭ ۇشتەن ءبىر بولىگىنەن اسپاۋى كەرەك. 9. كونسۋلتاتيۆتىك-كەڭەسشى ورگان قۇرامىنا ازاماتتىق قوعامنان  قازاقستان رەسپۋبليكاسىنىڭ وتىز جاسقا تولعان, جوعارى ءبىلىمى جانە قازاقستان رەسپۋبليكاسى ازاماتتىعى بار ءتيىستى اكىمشىلىك اۋماقتىق بىرلىك شەگىندە تۇرىپ جاتقان, سوتتىلىعى جوق, دەنساۋلىق ساقتاۋ ۇيىمدارىندا پسيحيكالىق اۋرۋ, الكوگوليزم, ناشاقورلىق جانە ۋىتقۇمارلىق بويىنشا ەسەپتە تۇرماعان ازاماتى كىرەدى. 10. ىشكى ىستەر ورگانىنىڭ كادر جۇمىسى جونىندەگى ءبولىنىسى كونسۋلتاتيۆتىك-كەڭەسشى ورگانىنىڭ جۇمىس ورگانى بولىپ تابىلادى. 11. كونسۋلتاتيۆتىك-كەڭەسشى ورگاننىڭ ءبىرىنشى قۇرامى ازاماتتىق قوعام جانە ىشكى ىستەر دەپارتامەنتتەرى باسشىلارى ۇسىنعان كانديداتتار قاتارىنان جۇمىس ورگانى بولىپ قۇرالادى. 12. جۇمىس ورگانى جەرگىلىكتى بۇقارالىق اقپارات قۇرالدارىندا نەمەسە ينتەرنەت رەسۋرستارىندا وسى قاعيدالاردىڭ 9-تارماعىنا سايكەس قۇجاتتار جانە باسقا مالىمەتتەر جولداناتىن پوشتا مەكەنجايىن, قۇجاتتاردى تاپسىرۋ مەرزىمىن, ەلەكتروندىق پوشتا مەكەنجايىن كورسەتە وتىرىپ, كونسۋلتاتيۆتىك-كەڭەسشى ورگاننىڭ قۇرىلعانى تۋرالى حابارلاما جاريالايدى, 13. كونسۋلتاتيۆتىك-كەڭەسشى ورگاننىڭ قۇرامى توعىز ادامنان اسپايدى, ىشكى ىستەر دەپارتامەنتىنىڭ باسشىلارى بەكىتەدى. 14. كونسۋلتاتيۆتىك-كەڭەسشى ورگاننىڭ توراعاسى (بۇدان ءارى-توراعا) ءبىرىنشى وتىرىستا اشىق داۋىس بەرۋمەن ونىڭ مۇشەلەرى اراسىنان سايلانادى. 15. توراعا لاۋازىمىنا ۇمىتكەرلەردى كونسۋلتاتيۆتىك-كەڭەسشى ورگان مۇشەلەرى جىلجىتادى. 16. توراعا لاۋازىمىنا سايلاۋعا ۇسىنىلعان كونسۋلتاتيۆتىك-كەڭەسشى ورگاننىڭ مۇشەلەرى ءوز ەركىمەن باس تارتۋعا ءوتىنىش بىلدىرۋگە قۇقىعى بار. ءوتىنىش تالقىلاۋسىز جانە داۋىس بەرۋسىز قابىلدانادى. 17. ەگەر وعان وتىرىسقا قاتىسقان مۇشەلەردىڭ جالپى سانىنىڭ جارتىسىنان كوبى داۋىس بەرگەن بولسا, كونسۋلتاتيۆتىك-كەڭەسشى ورگاننىڭ توراعاسى سايلانعان بولىپ ەسەپتەلەدى. 18. كونسۋلتاتيۆتىك-كەڭەسشى ورگاننىڭ توراعاسىن سايلاۋ تۋرالى شەشىم حاتتامامەن رەسىمدەلەدى. 19. كونسۋلتاتيۆتىك-كەڭەسشى ورگان توراعاسىن مەرزىمىنەن بۇرىن بوساتۋ تۋرالى ماسەلە كونسۋلتاتيۆتىك-كەڭەسشى ورگان نەمەسە ونىڭ جەكە ءوتىنىشى بويىنشا نەمەسە كونسۋلتاتيۆتىك-كەڭەسشى ورگان مۇشەلەرىنىڭ ۇسىنىستارى بويىنشا قارالادى. ەگەر داۋىس بەرۋگە قاتىسقان كونسۋلتاتيۆتىك-كەڭەسشى ورگان مۇشەلەرىنىڭ جالپى سانىنىڭ جارتىسىنان كوبى داۋىس بەرگەن بولسا, توراعا لاۋازىمىنان بوساتۋ تۋرالى شەشىم قابىلدانادى. 20. توراعا: 1) كونسۋلتاتيۆتىك-كەڭەسشى ورگاندى باسقارادى, كونسۋلتاتيۆتىك-كەڭەسشى ورگاننىڭ قىزمەتىن ۇيىمداستىرۋدى جۇزەگە اسىرادى جانە ىشكى كۇن ءتارتىبىن باقىلايدى; 2) كونسۋلتاتيۆتىك-كەڭەسشى ورگاننىڭ ىشكى ىستەر ورگاندارىمەن, مەملەكەتتىك ورگاندارمەن, جەرگىلىكتى ءوزىن-ءوزى باسقارۋ ورگاندارىمەن, قوعامدىق بىرلەستىكتەرىمەن, بۇقارالىق اقپارات قۇرالدارىمەن جانە ازاماتتارمەن ءوزارا ءىس-قيمىل جاساسۋىن ۇيىمداستىرادى جانە ۇيلەستىرەدى. 3) كونسۋلتاتيۆتىك-كەڭەسشى ورگاننىڭ وتىرىستارى كۇن ءتارتىبىنىڭ جوباسىن قۇراستىرادى جانە ونىڭ مۇشەلەرىنە جولدايدى. 4) كونسۋلتاتيۆتىك-كەڭەسشى ورگاننىڭ قابىلداعان شەشىمدەرگە جانە وزگە دە قۇجاتتارعا, سونداي-اق ونىڭ وكىلەتتىگىن ىسكە اسىرۋ ماقساتىندا سۇراۋ سالۋلارعا, وتىنىشتەرگە, شاقىرۋلارعا جانە باسقا دا قۇجاتتارعا قول قويادى; 5) ونىڭ قۇزىرەتىنە جاتاتىن ماسەلەلەر بويىنشا كونسۋلتاتيۆتىك-كەڭەسشى ورگاننىڭ مۇشەلەرىنە تاپسىرمالار بەرەدى. 21.توراعا بولماعان جاعدايدا ونىڭ مىندەتتەرىن كونسۋلتاتيۆتىك-كەڭەسشى ورگاننىڭ مۇشەلەرىنىڭ ءبىرى اتقارادى. 22. كونسۋلتاتيۆتىك-كەڭەسشى ورگاننىڭ مۇشەلەرى ءوز وكىلەتتىكتەرىن ورىنداۋ كەزىندە: 1) شەشىمدەردى تالقىلاۋ جانە قابىلداۋ كەزىندە تەڭ قۇقىقتارعا يە بولادى; 2) ءوزىنىڭ قىزمەتىن وتەۋسىز, قوعامدىق باستاما بويىنشا جۇزەگە اسىرادى. 23. كونسۋلتاتيۆتىك-كەڭەسشى ورگاننىڭ مۇشەلەرى: 1) كونسۋلتاتيۆتىك-كەڭەسشى ورگان قىزمەتىنىڭ كەز كەلگەن ماسەلەلەرى بويىنشا ءوز پىكىرىن ەركىن جەتكىزۋگە, وتىرىستاردا جارىس سوزدەرگە قاتىسۋعا, تالقىلاناتىن ماسەلەلەردىڭ ءمانى بويىنشا جانە كۇن ءتارتىبى بويىنشا ۇسىنىستار, ەسكەرتۋلەر مەن تۇزەتۋلەر ەنگىزۋگە; 2) كانديداتۋرالار ۇسىنۋعا جانە كونسۋلتاتيۆتىك-كەڭەسشى ورگان سايلايتىن, تاعايىندايتىن نەمەسە بەكىتەتىن كانديداتۋرالار بويىنشا ءوز پىكىرىن ايتۋعا; 3) كونسۋلتاتيۆتىك-كەڭەسشى ورگاننىڭ وتىرىستارىنا ماتەريالداردى, سونداي-اق ونىڭ شەشىمدەرىنىڭ جوبالارىن ازىرلەۋگە, كونسۋلتاتيۆتىك-كەڭەسشى ورگاننىڭ شەشىمدەرىن ىسكە اسىرۋعا قاتىسۋعا; 4) كونسۋلتاتيۆتىك-كەڭەسشى ورگاننىڭ سايلانبالى لاۋازىمدارىنا سايلاۋعا جانە سايلانۋعا; 5) وتىرىستاردىڭ ستەنوگراممالارىمەن, حاتتامالارىمەن جانە ماتەريالدارىمەن تانىسۋعا; 6) كونسۋلتاتيۆتىك-كەڭەسشى ورگاننىڭ شەشىمدەرىمەن كەلىسپەگەن جاعدايدا ەرەكشە پىكىردى جازباشا تۇردە بايانداۋعا قۇقىعى بار, ول تيىسىنشە وتىرىس حاتتاماسىنا ەنگىزىلەدى. 24. كونسۋلتاتيۆتىك-كەڭەسشى ورگاندارىنىڭ مۇشەلەرى: 1) وتىرىستار جۇمىسىنا جانە كونسۋلتاتيۆتىك-كەڭەسشى ورگان وتكىزەتىن وزگە دە ءىس-شارالارعا جەكە قاتىسۋعا; 2) كونسۋلتاتيۆتىك-كەڭەسشى ورگاننىڭ وتىرىستارىنا بەلگىلى ءبىر سەبەپتەر بويىنشا قاتىسۋعا مۇمكىندىك بولماعان جاعدايدا, باستالعانعا دەيىن ءبىر تاۋلىكتەن كەشىكتىرىلمەي تيىسىنشە كونسۋلتاتيۆتىك-كەڭەسشى ورگاننىڭ توراعاسىنا نەمەسە ونىڭ جۇمىس ورگانىنا جازباشا تۇردە حابارلاۋعا. قارالىپ جاتقان ماسەلە بويىنشا داۋىس بەرۋ كەزىندە ونىڭ پىكىرى جالپى نەگىزدەردە ەسكەرىلەدى; 3) كونسۋلتاتيۆتىك-كەڭەسشى ورگاننىڭ, ونىڭ ىشىندە توراعا بەرگەن تاپسىرمالاردى ورىنداۋعا; 4) كونسۋلتاتيۆتىك-كەڭەسشى ورگاننىڭ جۇمىسىندا ءتارتىپ پەن ەتيكا تالاپتارىن ساقتاۋعا مىندەتتى. 25. كونسۋلتاتيۆتىك-كەڭەسشى ورگاننىڭ مۇشەلەرى ءوز قىزمەتىن ساياسي پارتيالاردىڭ, كوممەرتسيالىق جانە كوممەرتسيالىق ەمەس ۇيىمداردىڭ مۇددەلەرىنە, سونداي-اق جەكە مۇددەلەرىنە پايدالانۋعا قۇقىعى جوق. 5. كونسۋلتاتيۆتىك-كەڭەسشى ورگاندارىڭ وتىرىستارىن جوسپارلاۋ جانە وتكىزۋ 26. كونسۋلتاتيۆتىك-كەڭەسشى ورگاننىڭ وتىرىستارى ءبىر جىلدا كەمىندە ەكى رەت وتكىزىلەدى. 27. كونسۋلتاتيۆتىك-كەڭەسشى ورگاننىڭ جىلدىق جۇمىس جوسپارى ونىڭ مۇشەلەرىنىڭ, جۇمىس ورگانىنىڭ ۇسىنىستارى بويىنشا قۇراستىرىلادى جانە ىشكى ىستەر دەپارتامەنتىنىڭ باسشىلارىمەن كەلىسىلەدى. 28. كونسۋلتاتيۆتىك-كەڭەسشى ورگاننىڭ جۇمىس جوسپارىنا وتىرىستاردىڭ كۇن تارتىپتەرى, سونداي-اق باسقا ءىس-شارالار كىرەدى. 29. جۇمىس جوسپارىنا وزگەرىستەر ەنگىزۋ تۋرالى ۇسىنىستاردى جازباشا نىساندا كونسۋلتاتيۆتىك-كەڭەسشى ورگاننىڭ توراعاسى ۇسىنادى. 30. كونسۋلتاتيۆتىك-كەڭەسشى ورگاننىڭ كەزەكتەن تىس وتىرىسى توراعانىڭ شەشىمى بويىنشا, ىشكى ىستەر دەپارتامەنتى باسشىلارىنىڭ ۇسىنىسى بويىنشا نەمەسە كونسۋلتاتيۆتىك-كەڭەسشى ورگان مۇشەلەرىنىڭ جالپى سانىنىڭ كەمىندە ۇشتەن ءبىرىنىڭ  باستاماسى بويىنشا وتكىزىلۋى مۇمكىن. 31. كونسۋلتاتيۆتىك-كەڭەسشى ورگاننىڭ كەزەكتەن تىس وتىرىسىنىڭ باستاماشىلارى تالقىلاۋ ءۇشىن ماسەلەلەردىڭ ءتىزىمىن جانە ولار بويىنشا شەشىمدەردىڭ جوبالارىن جازباشا تۇردە توراعانىڭ قاراۋىنا ەنگىزەدى. 32. توراعا ىشكى ىستەر دەپارتامەنتى باسشىلارىنىڭ كەلىسىمى بويىنشا كەزەكتەن تىس وتىرىستىڭ جۇمىس ءتارتىبىن انىقتايدى جانە ونىڭ كۇنىن تاعايىندايدى. 33. وتىرىستاردىڭ كۇنى مەن كۇن ءتارتىبى جانە وندا قارالاتىن ماسەلەلەر تۋرالى كونسۋلتاتيۆتىك-كەڭەسشى ورگاننىڭ مۇشەلەرىنە جۇمىس ورگانى ونى وتكىزەردەن 7 كۇن بۇرىن حابارلايدى. 34. ەگەر ونىڭ جۇمىسىنا ونىڭ مۇشەلەرىنىڭ جالپى سانىنىڭ جارتىسىنان كوبى قاتىسسا,  كونسۋلتاتيۆتىك-كەڭەسشى ورگاننىڭ وتىرىستارى زاڭدى بولادى. 35. كونسۋلتاتيۆتىك-كەڭەسشى ورگان مۇشەلەرىنىڭ ۇسىنىستارى بويىنشا وتىرىستىڭ كۇن ءتارتىبى تولىقتىرىلۋى نەمەسە وزگەرتىلۋى مۇمكىن. 36. كونسۋلتاتيۆتىك-كەڭەسشى ورگاننىڭ شەشىمى بويىنشا وتىرىسقا مەملەكەتتىك بيلىك ورگاندارىنىڭ, قوعامدىق بىرلەستىكتەردىڭ, عىلىمي مەكەمەلەردىڭ وكىلدەرى, قارالاتىن ماسەلەلەر بويىنشا قاجەتتى مالىمەتتەر مەن قورىتىندىلاردى ۇسىنۋ ساراپشىلار جانە باسقا دا ماماندار ءۇشىن شاقىرىلۋى مۇمكىن. بۇقارالىق اقپارات قۇرالدارىنىڭ وكىلدەرى وتىرىستاردا كونسۋلتاتيۆتىك-كەڭەسشى ورگاننىڭ شاقىرۋى بويىنشا قاتىسۋى مۇمكىن. 37. ىشكى ىستەر دەپارتامەنتىنىڭ باسشىسى جانە ونىڭ ورىنباسارلارى كونسۋلتاتيۆتىك-كەڭەسشى ورگاننىڭ كەز كەلگەن وتىرىستارىنا قاتىسۋعا قۇقىلى. 38. كونسۋلتاتيۆتىك-كەڭەسشى ورگاننىڭ شەشىمدەرى وتىرىسقا قاتىسقان مۇشەلەرىنىڭ كوپشىلىك داۋىس بەرۋى بويىنشا  قابىلدانادى. ەگەر داۋىستار تەڭ بولعان جاعدايدا, وندا سوڭعى شەشىم توراعالىق ەتۋشىگە قالادى. 39. كونسۋلتاتيۆتىك-كەڭەسشى ورگاننىڭ شەشىمدەرى ونىڭ وتىرىستارىندا جاسىرىن نەمەسە اشىق داۋىس بەرۋ  ارقىلى  قابىلدانادى. 40. كونسۋلتاتيۆتىك-كەڭەسشى ورگاننىڭ وتىرىسى كەزىندە ودان ءارى ستەنوگراممالار مەن حاتتامالار رەسىمدەلە وتىرىپ, اۋديوجازبا جۇرگىزىلۋى مۇمكىن. 41. حاتتاماعا توراعا جانە ءىىد باسشىسى قول قويادى. توراعاسى وتىرىستا بولماعان جاعدايدا, حاتتاماعا وتىرىسقا توراعالىق ەتۋشى قول قويادى. 42. كونسۋلتاتيۆتىك-كەڭەسشى ورگان وتىرىستارىنىڭ ماتەريالدارى ۆەدومستۆولىق اقپارات ينتەرنەت جەلىلەرىندە جاريالاۋى مۇمكىن. 43. كونسۋلتاتيۆتىك-كەڭەسشى ورگان وتىرىسىنىڭ كۇن ءتارتىبى ماسەلەلەردى قاراۋ ناتيجەلەرى بويىنشا ۇسىنىستار مەن وتىنىشتەر تۇرىندە قابىلدانۋى مۇمكىن. 44. كونسۋلتاتيۆتىك-كەڭەسشى ورگاننىڭ شەشىمدەرى توراعا قول قوياتىن حاتتامالاردان ءۇزىندى كوشىرمەلەر تۇرىندە (قۇزىرەتتەرى بويىنشا) قاراۋ ءۇشىن جولدانادى. 45. كونسۋلتاتيۆتىك-كەڭەسشى ورگان وتىرىستارىنىڭ رەسىمدەلگەن حاتتامالارى (تۇپنۇسقاسى), سونداي-اق ىلەسپە ماتەريالدار جۇمىس ورگانىندا ساقتالادى. 6. كونسۋلتاتيۆتىك-كەڭەسشى ورگان مۇشەلەرىنىڭ وكىلەتتىكتەرىن قىسقارتۋ جانە توقتاتۋ ءتارتىبى 46. كونسۋلتاتيۆتىك-كەڭەسشى ورگان مۇشەلەرىنىڭ وكىلەتتىگى وسى ۇلگى ەرەجەدە كوزدەلگەن تارتىپتە: 1) ول كونسۋلتاتيۆتىك-كەڭەسشى ورگاننىڭ قۇرامىنان شىعۋ تۋرالى ءوتىنىش بەرگەن; 2) قايتىس بولعان, ول ارەكەتكە قابىلەتسىز نەمەسە زاڭدى كۇشىنە ەنگەن سوت شەشىمى نەگىزىندە حابار-وشارسىز كەتكەن دەپ تانىلعان; 3) كونسۋلتاتيۆتىك-كەڭەسشى ورگانى مۇشەلەرىنىڭ كوپشىلىك داۋىسىمەن قابىلدانعان شەشىمى بويىنشا; 4) قازاقستان رەسپۋبليكاسىنىڭ ازاماتتىعىن توقتاتقان جاعدايلاردا قىسقارتىلادى. 47. وكىلەتتىكتى قىسقارتۋ نەمەسە توقتاتۋ تۋرالى ماسەلە كونسۋلتاتيۆتىك-كەڭەسشى ورگان توراعاسىنىڭ ۇسىنىسى بويىنشا نەمەسە كونسۋلتاتيۆتىك-كەڭەسشى ورگان مۇشەلەرىنىڭ جەكە وتىنىشتەرى بويىنشا كونسۋلتاتيۆتىك-كەڭەسشى ورگان قارايدى. 48. كونسۋلتاتيۆتىك-كەڭەسشى ورگاننىڭ توراعاسىنىڭ ۇسىنىمحاتىن نەمەسە ءوتىنىشىن جاقىن ارادا بولاتىن وتىرىستا كونسۋلتاتيۆتىك-كەڭەسشى ورگان قارايدى. 49. مۇشەلەردىڭ وكىلەتتىكتەرىن قىسقارتۋ نەمەسە توقتاتۋ تۋرالى ماسەلە, وعان قاتىستى ۇسىنىس ەنگىزىلگەن مۇشەنىڭ قاتىسۋىمەن كونسۋلتاتيۆتىك-كەڭەسشى ورگاننىڭ وتىرىسىندا قارالادى. وعان  قاتىستى ۇسىنىس ەنگىزىلگەن مۇشەنىڭ دالەلسىز سەبەپتەرمەن وتىرىسقا قاتىسپاۋى وسى ماسەلەنى كونسۋلتاتيۆتىك-كەڭەسشى ورگاننىڭ قاراۋى ءۇشىن كەدەرگى بولىپ تابىلمايدى. 50. ەگەر مۇشەلەرىنىڭ كوپشىلىك داۋسىمەن ءتيىستى شەشىم قابىلداناتىن بولسا, وكىلەتتىگىن قىسقارتۋ نەمەسە توقتاتۋ تۋرالى شەشىم كونسۋلتاتيۆتىك-كەڭەسشى ورگاننىڭ قالاۋى بويىنشا اشىق (جاسىرىن) داۋىس بەرۋمەن قابىلدانادى جانە حاتتامامەن راسىمدەلەدى. 51. كونسۋلتاتيۆتىك-كەڭەسشى ورگان مۇشەلەرىنىڭ وكىلەتتىگىن توقتاتقان جاعدايدا, توراعا كونسۋلتاتيۆتىك-كەڭەسشى ورگاننىڭ جاڭا مۇشەسىنىڭ كانديداتۋراسىن بەكىتۋ تۋرالى شەشىم قابىلداۋعا وتىنىشپەن ىشكى ىستەر دەپارتامەنتىنىڭ باسشىسىنا جۇگىنەدى. 7. كونسۋلتاتيۆتىك-كەڭەسشى ورگانداردىڭ جاڭا مۇشەلەرىن بەكىتۋ ءتارتىبى 52. جاڭا مۇشەنىڭ كانديداتۋراسى كونسۋلتاتيۆتىك-كەڭەسشى ورگانى مۇشەلەرىنىڭ, قوعامدىق بىرلەستىكتەردىڭ جانە باسقا دا ۇيىمداردىڭ, ءىىد باسشىلىعىنىڭ ۇسىنىستارى بويىنشا وتىرىستاردا قارالادى. 53. جاڭا مۇشەنىڭ كانديداتۋراسىن ەنگىزۋ تۋرالى شەشىم, ەگەر وعان وتىرىسقا قاتىسقان مۇشەلەردىڭ جارتىسىنان كوبى داۋىس بەرسە, قابىلدانعان دەپ سانالادى. سايلانعان مۇشەسىن ىشكى ىستەر دەپارتامەنتىنىڭ باسشىسى بەكىتەدى. 8. كونسۋلتاتيۆتىك-كەڭەسشى ورگاننىڭ جۇمىس نىساندارى جانە شەشىمدەرى 54. كونسۋلتاتيۆتىك-كەڭەسشى ورگاننىڭ نەگىزگى جۇمىس نىسانى وتىرىستار  بولىپ تابىلادى. 55. وعان جۇكتەلگەن فۋنكتسيالاردى ىسكە اسىرۋ ماقساتىندا كونسۋلتاتيۆتىك-كەڭەسشى ورگان: 1) ىشكى ىستەر دەپارتامەنتتەرى قىزمەتتەرىندە قوعامدىق ماڭىزى بار ماسەلەلەر بويىنشا تىڭداۋلار, كونفەرەنتسيالار, سەمينارلار, دوڭگەلەك ۇستەلدەر, وزگە دە تالقىلاۋلار مەن تىڭداۋلار وتكىزۋگە; 2) كونسۋلتاتيۆتىك-كەڭەسشى ورگاننىڭ وتىرىستارىنا ىشكى ىستەر ورگاندارىنىڭ جانە بولىنىستەرىنىڭ باسشىلارىن شاقىرۋعا; 3) مەملەكەتتىك بيلىك ورگاندارىنا, قوعامدىق ۇيىمدارعا جانە بىرلەستىكتەرگە سۇراۋ سالۋلارىن جىبەرۋگە; 4) ىشكى ىستەر دەپارتامەنتتەرىنىڭ باسقا دا كونسۋلتاتيۆتىك-كەڭەسشى ورگاندارىمەن ءوزارا ءىس-قيمىل جاساسۋدى جۇزەگە اسىرۋعا; 5) بۇقارالىق اقپارات قۇرالدارى ارقىلى ءوز قىزمەتىنىڭ ناتيجەلەرى تۋرالى جۇرتشىلىقتى اقپاراتتاندىرۋعا; 6) كونسۋلتاتيۆتىك-كەڭەسشى ورگاننىڭ ماقساتتارى مەن مىندەتتەرىن ىسكە اسىرۋ ءۇشىن قازاقستان رەسپۋبليكاسىنىڭ زاڭناماسىنا جانە وسى ەرەجەگە قايشى كەلمەيتىن وزگە دا وكىلەتتەردى جۇزەگە اسىرۋعا قۇقىعى بار. 56. كونسۋلتاتيۆتىك – كەڭەسشى ورگان  جىل سايىن 25 جەلتوقسانىنان كەشىكتىرمەي ىشكى ىستەر دەپارتامەنتىنىڭ باسشىسى اتىنا ءوز قىزمەتىنىڭ قورىتىندىلارى, ىشكى ىستەر ورگاندارىنداعى ءتارتىپ پەن قۇقىقتىق ءتارتىپتى كۇشەيتۋ, ولاردىڭ بەدەلىن  ارتتىرۋ, ادام مەن ازاماتتىڭ قۇقىقتارى مەن بوستاندىقتارىن قورعاۋ ماسەلەلەرى بويىنشا جۇرتشىلىقپەن ءوزارا ءىس-قيمىل جاساسۋىنىڭ جاي-كۇيى تۋرالى بايانداما ۇسىنادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 28 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12553 بولىپ ەنگىزىلدى.