قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى №828

2015 جىلعى 9 قازان,  استانا قالاسى قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينالىق (مەديتسينالىق) بولىمشەلەرىندە مەديتسينالىق كومەك كورسەتۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 8-بابىنىڭ 6) تارماقشاسىنا جانە «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسىنىڭ زاڭىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينالىق (مەديتسينالىق) بولىمشەلەرىندە مەديتسينالىق كومەك كورسەتۋ قاعيدالارى بەكىتىلسىن. 2. قازاقستان رەسپۋبليكاسى ۇلتتىق ۇلانىنىڭ باس قولباسشىلىعى (ر.ف.جاقسىلىقوۆ) زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ب.ب. بيسەنقۇلوۆقا جۇكتەلسىن. 4. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر پوليتسيا گەنەرال-پولكوۆنيگى  ق.قاسىموۆ «كەلىسىلدى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترى ____________ ت.دۇيسەنوۆا 2015 جىلعى «___» __________ قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 9 قازانداعى № 828 بۇيرىعىمەن بەكىتىلگەن قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرىندە مەديتسينالىق كومەك كورسەتۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرىندە مەديتسينالىق كومەك كورسەتۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 8-بابىنىڭ 6) تارماقشاسىنا (بۇدان ءارى – كودەكس), «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» 2012 جىلعى 16 اقپانداعى قازاقستان رەسپۋبليكاسىنىڭ زاڭىنا سايكەس ازىرلەندى جانە ۇلتتىق ۇلاننىڭ, توتەنشە جاعدايلار كوميتەتىنىڭ, اسكەري-تەرگەۋ ورگاندارىنىڭ اسكەري قىزمەتشىلەرىنە جانە ولاردىڭ وتباسى مۇشەلەرىنە, سونداي-اق ىشكى ىستەر ورگاندارىنىڭ زەينەتكەرلەرىنە (بۇدان ءارى – كونتينگەنت) قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرىندە مەديتسينالىق كومەك كورسەتۋ ءتارتىبىن ايقىندايدى. 2. وسى قاعيدالاردا ىشكى ىستەر ورگاندارى اسكەري قىزمەتشىلەرىنىڭ وتباسى مۇشەلەرى دەپ: جۇبايى (زايىبى), ەكەۋىنىڭ نەمەسە ەرلى-زايىپتىلاردىڭ بىرەۋىنىڭ كامەلەتكە تولماعان بالالارى (اسىراپ العان, اسىراپ-باعۋىنداعى نەمەسە قامقورشىلىعىنداعى); بالالار (اسىراپ العان, اسىراپ-باعۋىنداعى نەمەسە قامقورشىلىعىنداعى) جانە جۇبايىنىڭ (زايىبىنىڭ) ءبىلىم بەرۋ ۇيىمدارىندا كۇندىزگى وقۋ بولىمىندە وقيتىن جيىرما ءۇش جاسقا دەيىنگى بالالارى; مۇگەدەك بالالار (اسىراپ العان, اسىراپ-باعۋىنداعى نەمەسە قامقورشىلىعىنداعى) جانە جۇبايىنىڭ (زايىبىنىڭ) ون سەگىز جاسقا دەيىن مۇگەدەك بولعان مۇگەدەك بالالارى; اسكەري قىزمەتشىنىڭ اسىراپ-باعۋىنداعى اتا-انالارى تۇسىنىلەدى. 2. قازاقستان رەسپۋبليكاسى ىشكى ىستەر مينيسترلىگى اسكەري-مەديتسينا (مەديتسينا) بولىمشەلەرىنىڭ قۇرىلىمى 3. قازاقستان رەسپۋبليكاسى ىشكى ىستەر مينيسترلىگى اسكەري-مەديتسينا (مەديتسينا) بولىمشەلەرىنىڭ قۇرىلىمى بىلاي بەرىلگەن: 1) قازاقستان رەسپۋبليكاسى ىشكى ىستەر مينيسترلىگى تىل دەپارتامەنتىنىڭ مەديتسينالىق باسقارماسى (بۇدان ءارى – مەديتسينالىق باسقارما); 2) استانا, الماتى قالالارىنىڭ جانە وبلىستاردىڭ ىشكى ىستەر دەپارتامەنتتەرىنىڭ مەديتسينا قىزمەتتەرى (بۇدان ءارى – ءىىد مەديتسينا قىزمەتى); 3) «قازاقستان رەسپۋبليكاسى ىشكى ىستەر مينيسترلىگىنىڭ ەمحاناسى بار ورتالىق گوسپيتالى» مەملەكەتتىك مەكەمەسى (بۇدان ءارى – ەبوگ); 4) «وبلىستار ءىىد ەمحاناسى بار گوسپيتالى» مەملەكەتتىك مەكەمەسى (بۇدان ءارى – ەبگ); 5) «استانا, الماتى قالالارىنىڭ جانە وبلىستاردىڭ ءىىد ەمحاناسى» مەملەكەتتىك مەكەمەسى (بۇدان ءارى – دەربەس ەمحانا); 4. قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرى ءوز قىزمەتىن قازاقستان رەسپۋبليكاسىنىڭ زاڭناماسىنا, قازاقستان رەسپۋبليكاسى ىشكى ىستەر مينيسترلىگىنىڭ, دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىقتارىنا سايكەس جۇزەگە اسىرادى. 3. قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرىندە مەديتسينالىق كومەك كورسەتۋ ءتارتىبى 5. قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرىندە مەديتسينالىق كومەك كورسەتۋدى ۇيىمداستىرۋدى ءىىد مەديتسينالىق باسقارماسى جانە مەديتسينا قىزمەتتەرى, مەديتسينالىق كومەك كورسەتۋدى قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرى جۇزەگە اسىرادى. قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرىنە ەبوگ, استانا, الماتى قالالارىنىڭ جانە وبلىستاردىڭ ءىىد ەبگ مەن دەربەس ەمحانالارى جاتادى. اسكەري-مەديتسينا (مەديتسينا) بولىمشەلەرىنىڭ كونتينگەنتى: ۇلتتىق ۇلاننىڭ, توتەنشە جاعدايلار كوميتەتىنىڭ, اسكەري-تەرگەۋ ورگاندارىنىڭ اسكەري قىزمەتشىلەرى جانە ولاردىڭ وتباسى مۇشەلەرى, سونداي-اق ىشكى ىستەر ورگاندارىنىڭ زەينەتكەرلەرى بولىپ تابىلادى. 6. اسكەري-مەديتسينا (مەديتسينا) بولىمشەلەرىندە كودەكسكە سايكەس مەديتسينا قىزمەتىنىڭ مىنا تۇرلەرى: 1) مەديتسينالىق كومەك; 2) زەرتحانالىق دياگنوستيكا; 3) دەنساۋلىق ساقتاۋ سالاسىنداعى ساراپتاما; 4) كونتينگەنتتىڭ دەنساۋلىعىن قورعاۋ سالاسىنداعى قىزمەت; 5) كونتينگەنتتىڭ سانيتارلىق-ەپيدەميولوگيالىق سالاۋاتتىعى سالاسىنداعى قىزمەت كورسەتىلەدى. 7. اسكەري-مەديتسينا (مەديتسينا) بولىمشەلەرى كودەكسكە سايكەس مىناداي نىسانداعى مەديتسينالىق كومەك كورسەتەدى: 1) امبۋلاتوريالىق-ەمحانالىق كومەك: العاشقى مەديتسينالىق-سانيتارلىق كومەك جانە كونسۋلتاتيۆتىك-دياگنوستيكالىق كومەك; 2) ستاتسيونارلىق كومەك; 3) ستاتسيوناردى الماستىراتىن كومەك; 4) قالپىنا كەلتىرۋ ەمى جانە مەديتسينالىق وڭالتۋ. 8. مەديتسينالىق كومەك كورسەتۋدىڭ جوعارىدا كورسەتىلگەن نىساندارىن ۇسىنۋ ءتارتىبى كودەكستىڭ تالاپتارىنا سايكەس جۇرگىزىلەدى. 9. اسكەري-مەديتسينا (مەديتسينا) بولىمشەلەرىنىڭ مىندەتتەرى: 1) كونتينگەنتكە امبۋلاتورلىق جانە ستاتسيونارلىق مەديتسينالىق كومەك كورسەتۋ; 2) مەديتسينالىق (پروفيلاكتيكالىق) تەكسەرىستى ۇيىمداستىرۋ جانە وتكىزۋ, كونتينگەنتتىڭ دەنساۋلىعى جاي-كۇيىنە ديناميكالىق باقىلاۋ; 3) كەزەك كۇتتىرمەيتىن مەديتسينالىق كومەك كورسەتۋدى بارلىق وعان مۇقتاجدارعا كورسەتۋ; 4) سانيتارلىق-گيگيەنالىق جانە ەپيدەمياعا قارسى ءىس-شارالاردى ۇيىمداستىرۋ جانە وتكىزۋ بولىپ تابىلادى. 10. قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرى: كونتينگەنتكە ليتسەنزياعا سايكەس ساپالى مەديتسينالىق كومەك كورسەتۋدى; توتەنشە جاعدايلار, اسكەري قاقتىعىستار جانە تەرروريزم اكتىلەرى جاعدايىنداعى جۇمىسقا ازىرلىكتى; دياگنوستيكا, پروفيلاكتيكا جانە ەمدەۋ ادىستەرىن, سونداي-اق كودەكسپەن رۇقسات ەتىلگەن دارىلىك زاتتاردى قولدانۋدى; اينالاسىنا قاۋىپ توندىرەتىن اۋرۋلاردى, سونداي-اق كاسىبي اۋرۋلاردى ەسكەرتۋ, دياگنوستيكالاۋ جانە ەمدەۋ جونىندەگى ءىس-شارالاردى جۇرگىزۋدى; كونتينگەنتكە مەديتسينالىق كومەكتىڭ نىساندارى مەن تۇرلەرى تۋرالى تەگىن, جەدەل جانە دايەكتى اقپارات ۇسىنۋدى; سانيتارلىق-ەپيدەميولوگيالىق سالاۋاتتىلىعى سالاسىندا نورماتيۆتىك-قۇقىقتىق اكتىلەردى ساقتاۋدى; باسقا دا دەنساۋلىق ساقتاۋ ۇيىمدارىمەن ءوزارا ءىس-قيمىل جاساسۋدى جانە ءوز قىزمەتىندەگى ساباقتاستىقتى; ۋاقىتشا ەڭبەككە قابىلەتسىزدىككە ساراپتاما جۇرگىزۋدى جانە ۋاقىتشا ەڭبەككە قابىلەتسىزدىك پاراعىن بەرۋدى; اينالاسىنا قاۋىپ توندىرەتىن ينفەكتسيالىق اۋرۋ, كونتينگەنت جەكە قۇرامى اراسىنداعى ءولىم جاعدايلارى تۋرالى حابارلاۋدى; «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى №907 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2010 جىلعى 21 جەلتوقساندا №6697 بولىپ تىركەلگەن) سايكەس مەديتسينالىق قۇجاتتاما جۇرگىزۋدى; سالاۋاتتى ءومىر سالتىن قالىپتاستىرۋدى قامتاماسىز ەتەدى. 11. قىزمەت وتكەرەتىن جەرى نەمەسە تۇرعىلىقتى جەرى بويىنشا اسكەري-مەديتسينا (مەديتسينا) بولىمشەلەرى نەمەسە ولاردا ءتيىستى بولىمشەلەر, ماماندار نە بولماسا ارنايى جابدىقتار بولماعان كەزدە مەديتسينالىق كومەك ۆەدومستۆولىق تيەسىلىگىنە قاراماستان, مەديتسينالىق ۇيىمداردا (مەكەمەلەردە) تەگىن مەديتسينالىق كومەكتىڭ كەپىلدىك بەرىلگەن كولەمى شەگىندە كورسەتىلەدى. تەگىن مەديتسينالىق كومەكتىڭ كەپىلدىك بەرىلگەن كولەمى كونتينگەنتكە بيۋدجەت قاراجاتى ەسەبىنەن ۇسىنىلادى جانە پروفيلاكتيكالىق, دياگنوستيكالىق جانە ەمدەۋ مەديتسينالىق قىزمەتىن قامتيدى. 12. ەمدەۋ-پروفيلاكتيكالىق ءىس-شارالار جۇيەلى باقىلاۋ جانە اۋىرۋ سەبەپتەرىن تالداۋ, ۋاقىتشا جۇمىسقا قابىلەتسىزدىك, العاش رەت مۇگەدەكتىككە شىعۋ, جاراقاتتانۋ, ولاردىڭ دەڭگەيى مەن قۇرىلىمى, سونداي-اق اۋرۋدىڭ الدىن الۋ بويىنشا جۇرگىزىلىپ جاتقان ءىس-شارالاردىڭ تيىمدىلىگى نەگىزىندە وتكىزىلەدى. 13. اسكەري-مەديتسينا (مەديتسينا) بولىمشەلەرىندە ستاتسيونارلىق ەمدەلۋدەگى كونتينگەنتكە مەديتسينالىق جانە ءدارى-دارمەكتىك قامتاماسىز ەتۋ سىرقاتتى ەمدەۋ ءۇشىن قاجەتتى كولەمدە جانە قۇرامدا كورسەتىلەدى. 14. اسكەري-مەديتسينا (مەديتسينا) بولىمشەلەرىنىڭ ستاتسيونارلارىندا ءدارى-دارمەكپەن قامتاماسىز ەتۋ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 22 مامىرداعى № 369 بۇيرىعىمەن بەكىتىلگەن قازاقستاندىق ۇلتتىق دارىلىك فورمۋلياردى ازىرلەۋ جانە بەكىتۋ قاعيدالارىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2015 جىلعى 24 ماۋسىمدا №11429 بولىپ تىركەلگەن) سايكەس تەگىن كورسەتىلەدى. 15. مەديتسينالىق كومەك الۋ ءۇشىن بەكىتىلگەن كونتينگەنتتى رەسىمدەۋدى ىشكى ىستەر ورگاندارىنىڭ كادر قىزمەتتەرى ۇسىنعان كونتينگەنت ءتىزىمىنىڭ نەگىزىندە اسكەري-مەديتسينا (مەديتسينا) بولىمشەلەرى جۇرگىزەدى. اسكەري-مەديتسينا (مەديتسينا) بولىمشەلەرىنە تىركەۋ اسكەري-مەديتسينا (مەديتسينا) بولىمشەسىنىڭ جۇمىس كەستەسىنە سايكەس مىنا قۇجاتتار: اسكەري قىزمەتشىنىڭ قىزمەتتىك كۋالىگى; تۋ تۋرالى كۋالىك; وتباسى مۇشەلەرى ءۇشىن جەكە كۋالىك; زەينەتكەر كۋالىگى نەگىزىندە جۇزەگە اسىرىلادى. ءاربىر تىركەلگەن ادامعا پاتسيەنتتىڭ امبۋلاتورلىق كارتاسى رەسىمدەلەدى, ول امبۋلاتورلىق-ەمحانالىق بولىمشەنىڭ تىركەۋ بولىمىندە ساقتالادى. 16. قازاقستان رەسپۋبليكاسىنىڭ باسقا قالالارىندا تۇراتىن كونتينگەنت جوعارى مامانداندىرىلىعان مەديتسينالىق كومەك الۋ ءۇشىن استانا جانە الماتى قالالارىندا ورنالاسقان رەسپۋبليكالىق مەديتسينا ۇيىمدارىنا كونسۋلتاتسيا الۋعا جانە اۋرۋحاناعا جاتۋعا جىبەرىلەدى. 17. ادامداردى شەتەلگە تەكسەرىلۋگە جانە ەمدەلۋگە بيۋدجەت قاراجاتى ەسەبىنەن جىبەرۋ «قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلگە ەمدەلۋگە جىبەرۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 ماۋسىمداعى № 544 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2015 جىلعى 30 شىلدەدە №11795 بولىپ تىركەلگەن) سايكەس جۇزەگە اسىرىلادى. 18. قىزمەتتىك مىندەتتەرىن ورىنداۋ كەزىندە قازا بولعان ىشكى ىستەر ورگاندارى اسكەري قىزمەتشىلەرىنىڭ وتباسى مۇشەلەرىنە قازاقستان رەسپۋبليكاسى ىشكى ىستەر مينيسترلىگىنىڭ اسكەري-مەديتسينا (مەديتسينا) بولىمشەلەرىندە اسكەري-مەديتسينالىق (مەديتسينالىق) قامتاماسىز ەتىلۋ قۇقىعى ساقتالادى. 4. قالپىنا كەلتىرۋ ەمى جانە مەديتسينالىق وڭالتۋ 19. تىركەلگەن كونتينگەنتكە قالپىنا كەلتىرۋ ەمى جانە مەديتسينالىق وڭالتۋ كودەكسكە سايكەس دەنساۋلىق ساقتاۋ ۇيىمدارىندا, سونداي-اق ساناتوريالىق-كۋرورتتىق ۇيىمداردا جۇرگىزىلەدى. 20. قالپىنا كەلتىرۋ ەمى جانە مەديتسينالىق وڭالتۋ تۋا بىتكەن جانە جۇرە كەلە پايدا بولعان اۋرۋلاردان, سونداي-اق قاتتى, سوزىلمالى اۋرۋلار جانە جاراقاتتار سالدارىنان زارداپ شەگەتىن ازاماتتارعا كورسەتىلەدى. 21. «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» 2012 جىلعى 16 اقپانداعى قازاقستان رەسپۋبليكاسىنىڭ زاڭىنا سايكەس اسكەري قىزمەت مىندەتتەرىن ورىنداۋ كەزىندە جارالانعان, كونتۋزيا, جاراقات العان, مەرتىككەن نەمەسە اۋىرعان ىشكى ىستەر ورگاندارىنىڭ اسكەري قىزمەتشىلەرى, سونداي-اق مەرزىمدى قىزمەتتىڭ اسكەري قىزمەتشىلەرى مەن اسكەري وقۋ ورىندارىنىڭ كۋرسانتتارى مەديتسينالىق كورسەتكىشتەرى بولعان كەزدە مەملەكەت ەسەبىنەن ساناتورلىق-كۋرورتتىق ەمدەلۋمەن قامتاماسىز ەتىلەدى. 22. ساناتورلىق-كۋرورتتىق ەمدەۋگە جىبەرۋ كەزىندە «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2010 جىلعى 21 جەلتوقساندا №6697 بولىپ تىركەلگەن) بەكىتىلگەن نىسان بويىنشا مەديتسينالىق قۇجاتتاما  رەسىمدەلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 12 قاراشاداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12275 بولىپ ەنگىزىلدى.