قايسار جاندارعا قول ۇشىن بەرەيىك

«نۇر وتان» حالىقتىق-دەموكراتيالىق پارتيا­سى­نىڭ پاۆلودار وبلىستىق فيليالىندا سايلاۋ­شى­لار­دى قابىلداعان كەزىمدە ماعان ءبىر توپ, ولاردىڭ اراسىندا تاياقتى تايانىش ەتكەندەرى دە, ارباعا تا­ڭىل­عاندارى دا, ءبىرىن-ءبىرى جەتەلەگەن تابان استىن كورمەيتىن زاعيپتارى دا بار, نەگىزىنەن ءى توپتاعى ءمۇ­گە­دەكتەر كەلىپ, وزدەرىن بىرگە قابىلداۋدى ءوتىندى. مەن قارسىلىق بىلدىرگەن جوقپىن, ءبارىمىز ءبىر ساعات­تاي اڭگىمەلەستىك. مۇمكىندىگى شەكتەۋلى جارىمجان جانداردىڭ كەيبىر شەنەۋنىكتەرگە وكپەلەرى قارا قازانداي ەكەن. ولاردىڭ وزدەرىنىڭ ايتۋلارىنشا, پاۆلوداردا مۇگە­دەكتەردى الەۋمەتتىك قورعاۋ, مەديتسينالىق وڭالتۋ جۇمىستارىنىڭ جايى ءماز ەمەس. سونىڭ سالدارىنان 2008 جىلى مۇگەدەكتەر پايدالاناتىن بىرقاتار تاۋارلار تىم قىمباتقا ساتىپ الىنعان جانە مەرزىمىنەن ەكى اي كەش تۇسكەن. وسىنداي جاۋاپسىزدىق 2009 جىلى دا قايتالانىپ, ساتىپ الىنعان مۇگەدەكتەر ار­بالارى پايدالانۋعا قولايسىز بولىپ شىققان. ءوتىنىش يەلەرى وسى جايلاردى ايتىپ, تالاي تابال­دى­رىقتى توزدىرسا كەرەك. بىراق, ودان قورىتىندى شىعارىپ جاتقاندار كورىنبەيدى. ءسويتىپ, بىلتىر دا مەملەكەتتىك ساتىپ الۋلار مەرزىمىنەن كەش وتكىزىلىپ, ەڭبەكاقى الماعاننان كەيىن قامقورلىعىنداعى ادامداردى قاراۋسىز قالدىرعان جەكە كومەكشىلەر جۇمىسقا تامىز ايىندا عانا قايتا ورالعان. جەكە كومەكشىلەرگە بايلانىستى ايتا كەتەتىن تاعى ءبىر ءجايت – ۇكىمەتتىڭ 2005 جىلعى 20 شىلدەدەگى №754 قاۋلىسىنا سايكەس ءجۇرىپ-تۇرۋى قيىن ءى توپتاعى مۇگەدەكتەرگە بولىنگەن جەكە كومەكشىلەر مۇگەدەكتى تۇرعىلىقتى جەرىنەن جۇمىسقا نەمەسە وقۋ ورىن­دارىنا, سونداي-اق, جەرگىلىكتى وكىلەتتى جانە اتقارۋشى ورگاندارعا, سوتقا, پروكۋراتۋراعا, الەۋمەتتىك سالا نى­سان­دارىنا, نوتاريۋسقا, مادەني شارالارعا, سپورت كەشەندەرىنە, ساۋدا, مەديتسينا مەكەمەلەرىنە, تۇرمىستىق قىزمەت ورىندارىنا, وقۋعا, جۇمىسقا ورنالاسۋعا, ءوز قۇ­قىقتارىنىڭ مۇددەلەرىن جۇزەگە اسىرۋعا قاجەتتى اق­پارات الۋعا قۇجاتتاردى تولتىرۋعا قاتىستى ماسەلە­لەر­دى شەشۋ ءۇشىن اپارادى, اكەلەدى. بىراق, مەكەمەلەرگە بىرگە كىرمەيدى, مۇگەدەككە سىرت كيىمىن شەشۋگە, كيۋگە, مەكەمەنىڭ ىشىندە ءجۇرىپ-تۇرۋىنا كومەكتەسە المايدى. جانە وسى قاۋلىدا مۇگەدەكتەردىڭ مەشىتكە بارۋى, دەم­الىس جانە مەرەكە كۇندەرى بۇقارالىق شارالارعا قاتى­سۋ­لارى قاراستىرىلماعان. «سودان دا ءبىز ۇدايى ۇيدە قامالىپ وتىرامىز. ال بۇل ارنايى زاڭدا كوزدەلگەن مۇگەدەكتەردى وڭالتۋ ماقساتىمەن مۇلدە ۇيلەسپەيدى», – دەيدى شاعىم يەلەرى. سول سياقتى مۇگەدەكتەردى ءدارى-دارمەكپەن قامتا­ما­سىز ەتۋدىڭ دە جايى سىن كوتەرمەيدى. ويتكەنى, تەندەرگە قاتىسۋشىلار قايتكەندە دە جە­ڭىم­پاز اتانۋ ءۇشىن ءوز قىز­مەت­تەرىن ارزانعا باعالايدى دا, كەيىن قارجىنىڭ تاپشىلىعىن سىلتاۋ ەتىپ تولىق كولەمدە قىزمەت كورسەتپەيدى. ولارعا «ءاي دەپ جاتقان اجە, قوي دەپ جاتقان قوجا» جوق. اتالمىش قاۋلىدا ساناتوريگە نەمەسە كۋرورتقا باراتىن مۇگەدەكتەردىڭ جايى دا تولىق ەسكەرىلمەگەن. مۇنداي ساپارلار كەزىندە ءى توپتاعى مۇگەدەكتىڭ وزىنە جەكە كومەكشى بولىنبەيدى ەكەن. ال جول ءجۇ­رۋ­دىڭ اۋرۋ ادام تۇگىلى ساۋ ادامعا ۇلكەن سالماق ەكەنىن ءبا­رىمىز دە بىلەمىز. مىنە, سوندىقتان دا كوپتەگەن ءمۇ­گە­دەكتەر مۇنداي مۇمكىندىكتى پايدالانا الماي كەلەدى. پاۆلودار وبلىسىندا كوزى كورمەيتىن ءى توپتاعى 858 مۇگەدەك بولسا, ولاردىڭ 210-ى مەكتەپ جاسىن­دا­عى بالالار ەكەن. ولاردىڭ 5-ءۋى عانا باسقا قالا­لار­دا­عى مامانداندىرىلعان مەكتەپتەردە وقۋدا, قال­عان­دارى ءوز پروبلەمالارىمەن جەكە قالعان. «سولار ءۇشىن پاۆلودار قالاسىندا مەكتەپ-ينتەرنات سالاتىن مەزگىل جەتتى دەپ ويلايمىز», – دەيدى مۇگەدەكتەر سماعۇلوۆ پەن سابيەۆا. مەنىڭشە, بۇل ءبىر قالاعا, ءبىر وبلىسقا عانا ءتان جاعداي ەمەس. ءبىزدىڭ ەلىمىزدە مۇگەدەكتەردى الەۋ­مەت­تىك قورعاۋ تۋرالى» زاڭ قابىلدانىپ, ولار ءۇشىن ءومىر ءسۇرۋ مەن قوعامعا كىرىگۋدىڭ تەڭ مۇمكىندىكتەرىن قۇرۋ­دىڭ قۇقىقتىق, ەكونوميكالىق جانە ۇيىمدىق شارت­تا­رى انىقتالماعانىمەن, ءىس جۇزىندە ءالى شەشىلمەگەن ماسەلەلەر باستان اسىپ جاتىر. ناقتى ايتساق, مۇگە­دەك­تەردىڭ الەۋمەتتىك-مادەني جانە كولىك ينفراقۇ­رى­لىمى نىساندارىنا قول جەتكىزۋىمەن بايلانىستى قۇقىقتارى اركەز ساقتالا بەرمەيدى, جاڭادان سالى­نىپ جاتقان عيماراتتارداعى كىرمە جولدار, پاندۋستار ستاندارتقا ساي ەمەس. ءتىپتى, جاڭا سالىنىپ جاتقان تروتۋارلاردا كىرمە جولدار سالۋ ەسكەرىلمەگەن, كرەسلو-اربا پايدالاناتىن مۇگەدەكتەردىڭ كەدەرگىسىز جۇرۋىنە دە جاعداي جاسالماعان. ءسويتىپ, مۇگەدەكتەر قوعامعا كىرىگە الماي مادەني ومىردەن تىس قالۋدا. جەتىمى مەن جەسىرىن جىلاتپاعان قازاق مۇگەدەك­تە­رىن دە مۇڭايتپاۋعا ءتيىس. دەمەك, ولار ءۇشىن ارنايى قۇ­رىلعىلار, كومەكشى قۇرالدار: پاندۋستار, سەزدەر, كەڭ ليفتىلەر, قيا جولدار جاساۋ كەزەك كۇتتىرمەيتىن مىندەت بولىپ تابىلادى جانە ولاردى مۇگەدەكتەر تۇراتىن جەرلەردەن باستاعان ءجون, سوسىن قوعامدىق سيپاتتاعى بارلىق مەكەمەلەرگە تاراتۋ قاجەت. ارينە, بۇل ماسەلەنى ءبىر جىلدا شەشۋ, بۇكىل عيماراتتاردى, تروتۋارلار مەن كولىك جابدىقتارىن قايتا سالىپ تاستاۋ مۇمكىن ەمەس. بىراق ەندىگى جەردە ارقانى كەڭگە سالا بەرۋدىڭ دە ەش رەتى جوق. باستايتىن, تاپ-تۇيناقتاي ەتپەگەنمەن ەڭسەرىپ تاستايتىن مەزگىل جەتتى, ەڭ باستىسى – قولجەتىمسىزدىككە الىپ كەلەر جاڭا كەدەرگىلەردىڭ پايدا بولۋىنا جول بەرمەۋىمىز كەرەك. ايتا بەرسەك, وسىنداي ءتۇيىندى ماسەلەلەر از ەمەس. ونسىز دا تاعدىردىڭ تاۋقىمەتىن تارتىپ جۇرگەن قايسار جاندارعا قول ۇشىن بەرەيىك. جاراسباي سۇلەيمەنوۆ, ءماجىلىس دەپۋتاتى.