كۇي كۇمبىرلەپ, دومبىرا دارىپتەلدى

وبلىستىق ىشكى ساياسات باس­قارماسى مەن حا­لىق شى­عار­­­ماشىلىعى ورتالىعى­نىڭ ۇيىم­داستىرۋىمەن وت­كەن «دوم­بىرا-fest» جاستار فەستي­ۆالىن جۇرتشىلىق قىزىعا تاما­شالادى. «ابىلاي حان رەزيدەنتسياسى» مۇراجاي-كەشەنى الدىن­داعى الاڭدا جۇزدەن استام دومبىراشىنىڭ باسى قوسىلىپ, كۇمبىرلەتە كۇيلەر تارتىلدى. كاسىبي مۋزىكانتتارمەن قاتار ءوز ونەرلەرىمەن تانىلىپ كەلە جات­قان جاس تالانتتاردىڭ دومبىرا قۇلاعىندا ويناعان شەبەرلىكتەرى جينالعانداردى ەرەكشە ءتانتى ەتتى. يگىلىكتى شارانى اشۋ قۇرمەتىنە وڭىرىمىزگە تانىمال كۇيشى, ءبىلىم بەرۋ ءىسىنىڭ ۇزدىگى سەرىكباي قۇ­سايى­نوۆ يە بولدى. ىبىراي ال­­تىنسارين مەدالىنىڭ يەگەرى. سانالى عۇمىرىن ۇرپاق تاربيەسىنە ارناپ, تۇڭعىش دومبىراشىلار سىنىبىن ۇيىمداستىرۋعا ۇيىتقى بولعانى جانە بار. قادىرمەندى اقساقال ۇلتتىق ونەردى ناسيحاتتاۋ, جاس ۇرپاق بويىنا دارىتۋ ىسىنەن ءالى كۇنگە دەيىن قول ۇزگەن ەمەس. كۇي ونەرىن دارىپتەۋگە ارنالعان فەس­تيۆال ماعجان ەلىنىڭ جاستارى ءتول ونەردى قاستەرلەيتىنىن, قول ۇزبەگەنىن تاعى ءبىر دالەلدەدى. ونىڭ اياسىندا دانيار قۇسانوۆ, مارات گاينۋللين, اسلان توكە­نوۆ سەكىلدى رەسپۋبليكالىق, ايماقتىق كونكۋرستاردىڭ جەڭىمپازدارى مەن جۇلدەگەرلەرى دە كۇيدەن شاشۋ شاشىپ, قوشەمەتكە بولەندى. ءومىر ەسقالي, «ەگەمەن قازاقستان» سولتۇستىك قازاقستان وبلىسى