پرەمەر كاتاردىڭ ورتالىق بانكى توراعاسىمەن كەزدەستى

پرەمەر-مينيستر كاتاردىڭ ورتالىق بانكى توراعاسىمەن بانك سالاسىنداعى ىنتىماقتاستىق پەرسپەكتيۆالارىن تالقىلادى. بۇل تۋرالى ۇكىمەت باسشىسى ءوزىنىڭ Instagram-داعى پاراقشاسىنا جازدى, دەپ حابارلادى pm.kz كەزدەسۋ مەملەكەت باسشىسى نۇرسۇلتان نازارباەۆتىڭ كاتار مەملەكەتىنە ساپارى بارىسىندا قول قويىلعان كەلىسىمدەردەگى ۋاعدالاستىقتاردى ورىنداۋ اياسىندا ءوتتى. ساياسي, ساۋدا-ەكونوميكالىق جانە مادەني-گۋمانيتارلىق ىنتىماقتاستىق ماسەلەلەرىمەن قاتار, بانك جانە ينۆەستيتسيالىق سالالار سىندى ەكى جاقتى ماڭىزدى قارىم-قاتىناستار بويىنشا ءوزارا تۇسىنىستىككە قول جەتكىزىلدى. اتاپ ايتقاندا, قر ۇلتتىق بانكى جانە كم ورتالىق بانكى, سونداي-اق قر ۇلتتىق بانكى جانە كاتار قارجى ورتالىعى اراسىندا مەموراندۋمدارعا قول قويىلدى. پرەمەر-ءمينيستردىڭ كاتاردىڭ ورتالىق بانكى توراعاسىمەن كەزدەسۋى بارىسىندا بانك سالاسىنداعى, ونىڭ ىشىندە «استانا» حالىقارالىق قارجى ورتالىعى جەلىسى بويىنشا ىنتىماقتاستىق ماسەلەلەرى تالقىلاندى. ايدار ورىسباەۆ