بۇگىن استانادا قورعانىس ءمينيسترى يمانعالي تاسماعامبەتوۆ جەڭىل اتلەت, ريو-دە-جانەيرودا وتكەن وليمپيالىق ويىنداردىڭ قولا جۇلدەگەرى, ارميانىڭ ورتالىق سپورت كلۋبىنىڭ كاپيتانى ولگا رىپاكوۆاعا قۇرمەت كورسەتتى.
«بارلىق اسكەري قىزمەتشىلەردىڭ جانە جەكە ءوزىمنىڭ اتىمنان ارمياشى سپورتشىلاردىڭ كۇش-جىگەرىن اتاپ وتكىم كەلەدى. سونىڭ ىشىندە وليمپيادادا جەڭىل اتلەتيكا جارىسىندا قولا جۇلدەگەر اتانعان ءبىزدىڭ ولگا رىپاكوۆانى قۇتتىقتاعىم كەلىپ وتىر. ەلباسى – قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى اتاپ وتكەندەي, ولگا رىپاكوۆانىڭ قولا مەدالى التىن جۇلدەگە ابدەن لايىق. سەبەبى, لوندون مەن ريو وليمپيادالارى اراسىندا ول سپورتتىق بابىن ساقتاي وتىرىپ, ەكى رەت انا اتانىپ ۇلگەردى. ءدال ءسىز سەكىلدى ادامعا قاراپ بارشا قازاقستاننىڭ جاستارى بوي تۇزەيدى», - دەدى قورعانىس ۆەدومستۆوسىنىڭ باسشىسى.
وسىدان كەيىن يمانعالي تاسماعامبەتوۆ ەلباسىنىڭ اتىنان سپورتشىعا «پاراسات» وردەنىن, مەرزىمىنەن بۇرىن كەزەكتى «مايور» اسكەري اتاعى مەن باعالى سىيلىقتاردى تابىس ەتتى.
كەزدەسۋدە ولگا رىپاكوۆا ەلباسىعا, قورعانىس ءمينيسترى مەن اوسك-نىڭ بارلىق باسشىلىعىنا العىسىن ايتتى. «بارشالارىڭىز ماعان جانكۇيەر بولىپ, قولداۋ كورسەتتىڭىزدەر. قازاقستان رەسپۋبليكاسىنا جانە سپورتقا قىزمەت ەتەمىن! مەن ءارى قاراي دا بارلىق الەمدىك ارەنالاردا ونەر كورسەتىپ, ەلىمىزدىڭ ابىرويىن اسقاقتاتقىم كەلەدى», - دەدى ول.
قورعانىس مينيسترلىگى ارميا ورتالىق سپورت كلۋبىنىڭ اسكەري قىزمەتشىسى ولگا رىپاكوۆا ريودا وتكەن وليمپيادادا ءۇش مارتە سەكىرۋدە 14,74 مەتر ناتيجە كورسەتتى. بۇل ونىڭ ماۋسىمداعى ۇزدىك جەكە ناتيجەسى بولدى.
داستان كەنجالين
