«شەشەن داۋىلى» 122 ءۇيدى قيراتىپ, جۇزدەگەن اعاشتى سۇلاتتى

رەسەيدىڭ شەشەنستان رەسپۋبليكاسىنىڭ استاناسى – گروزنىي قالاسىندا بولعان سۇراپىل داۋىل 122 ۇيگە زالالىن تيگىزىپ, جۇزدەگەن اعاشتى قۇلاتىپ كەتتى. بۇرشاق ارالاسقان نوسەر جاۋىمەن بىرگە كوتەرىلگەن داۋىل رەسپۋبليكادا سەنبى كۇننىڭ كەشىندە سوقتى. وسىعان بايلانىستى گروزنىي قالاسىندا جۇزدەگەن اعاش, جارناما قالقاندارى جەرگە قۇلاپ, ەلەكتر قۋاتىن بەرەتىن سىمدار ءۇزىلدى. سونىڭ سالدارىنان رەسپۋبليكا ورتالىعىنىڭ كەي جەرلەرىندە ەلەكتر جارىعى توقتاپ قالدى, بىرقاتار جولدار مەن كوشەلەردى توپان سۋ باستى. توعىز الەۋمەتتىك جانە بەس ينفراقۇرىلىمدىق نىسان ب ۇلىنشىلىككە ۇشىرادى. داۋىلدىڭ كەزىندە 21 جاستاعى قىز قازا تاپتى. ول اعاشتار قۇلاپ جاتقاندا ماشينانىڭ ىشىندە وتىرعان ەكەن. سولاردىڭ ءبىرى كولىكتى باسىپ قالعان. بۇدان بولەك, قۇرىلىس قۇرىلعىلارى ۇستىنە قۇلاۋىنان ءبىر ادام جاراقات العان. رەسپۋبليكادا جەكسەنبى كۇنى تاعى دا بۇرشاق ارالاس نوسەر جاۋىن قۇيىپ, ىركىلمەلى جەل تۇردى. بۇگىن نادتەرەچنىي اۋدانى مەن گروزنىي قالاسىندا توتەنشە جاعداي, ال ۋرۋس-مارتان اۋدانىندا جوعارى دايىندىق رەجىمى جاريالاندى. مۇرات ايتقوجا