الماتى دەنە تاربيەسى جانە سپورت باسقارماسىنا جاڭا باسشى كەلدى

الماتى قالاسى دەنە تاربيەسى جانە سپورت باسقارماسىنىڭ باسشىسى بولىپ ءابىل دوڭباي تاعايىندالدى. ول بۇعان دەيىن مادەنيەت جانە سپورت مينيسترلىگى سپورت جانە دەنە تاربيەسى ىستەرى كوميتەتىنىڭ توراعاسى قىزمەتىن اتقارعان. ءابىل دوڭباي 1979 جىلى تۋعان. 1995 جىلى قاجىمۇقان مۇڭايتپاس ۇلى اتىنداعى رەسپۋبليكالىق سپورت كوللەدجىن, 2006 جىلى قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ «دەنە تاربيەسى جانە سپورت», «قۇقىقتانۋ» فاكۋلتەتىن بىتىرگەن. ەڭبەك جولىن 1995 جىلى قاجىمۇقان مۇڭايتپاس ۇلى اتىنداعى سپورتتا دارىندى بالالارعا ارنالعان رەسپۋبليكالىق مامانداندىرىلعان مەكتەپ-ينتەرناتىندا جاتتىقتىرۋشى-وقىتۋشى بولىپ باستاعان. ول ءار جىلدارى دزيۋدودان دزيۋدو فەدەراتسياسىنىڭ الماتى قالالىق فيليالى مەن شتاتتاعى ۇلتتىق كوماندالار جانە سپورت رەزەرۆى ديرەكتسياسىندا جاتتىقتىرۋشى, الماتى قالاسى دەنە تاربيەسى جانە سپورت باسقارماسىندا وقۋ-سپورت ءبولىمىنىڭ باس مامانى, باستىعى, ودان كەيىن وسى باسقارمانىڭ باسشىسى بولىپ قىزمەت ەتتى. سوڭعى جىلدارى تۋريزم جانە سپورت مينيسترلىگى سپورت كوميتەتى توراعاسىنىڭ ورىنباسارى, شىعىس قازاقستان وبلىستىق تۋريزم, دەنە تاربيەسى جانە سپورت باسقارماسىنىڭ باستىعى مەن مادەنيەت جانە سپورت مينيسترلىگى سپورت جانە دەنە تاربيەسى ىستەرى كوميتەتى توراعاسىنىڭ ورىنباسارى قىزمەتىن اتقاردى. ءابىل دوڭباي – دزيۋدو, سامبو, قازاق كۇرەسىنەن سپورت شەبەرى, «قۇرمەت» وردەنىنىڭ يەگەرى, «نۇر وتان» پارتياسىنىڭ مۇشەسى. داستان كەنجالين