«اقتادى ەلدىڭ تىلەگىن»

مەملەكەت باسشىسىنىڭ اتىنا ەلىمىزدىڭ ءار ايماعىندا تۇراتىن ازاماتتاردان قولداۋ ءبىلدىرىپ, ىزگى تىلەكتەرىن ارناعان حاتتار لەگى تولاسسىز كەلۋدە, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. «ءسىزدىڭ امان-ەسەن بولۋى­ڭىز­دى تىلەي وتىرىپ, ەلىمىزدى بيىك بەلەستەردەن كورسەتە بەرە­تى­نىڭىزگە سەنىم بىلدىرەمىز», – دەپ جازادى تەمىرتاۋ قالاسىنداعى مەتاللۋرگتەردىڭ اتى­نان حات جول­داعان قانات قاريسوۆ. حاتى­نىڭ سوڭىندا ول ەلباسىنا زور دەن­ساۋلىق, مول كۇش-قايرات تىلەيدى. پاۆلودار وبلىسى ەرتىس اۋدا­نىنا قاراستى ەرتىس اۋىلىندا تۇ­راتىن زەينەتكەر, ۇزاق جىل ۇستازدىق ەتكەن ماعافيرۋز ساليحزيانوۆا: «وتا­نىمىزدى دانا­لىق ساياساتى­ڭىز­بەن ءسىز باسقا­رىپ تۇرعاندا, بولاشاعىمىز جار­قىن, ەلىمىزدە بەيبىتشىلىك بو­لاتىنىنا, حالقىمىزدىڭ ءال-اۋقاتىنىڭ جاقسارا بەرەتىنىنە كامىل سەنەمىز», – دەي كەلە ءجۇ­رەك­جاردى جىر جولدارىن ار­نايدى. سونىمەن قاتار, جامبىل وب­لىسى شۋ اۋدانىنداعى تولەبي اۋىلىنىڭ تۇرعىندارى تال­عات جانە ءاليحان سەيتىمبەتوۆتەر دە ولەڭمەن ورنەكتەلگەن يگى نيەتتەرىن بىلدىرەدى. ال الماتى وبلىسى ىلە اۋدا­نىنان حات جازعان قابان­باي قۇما­قاي­ ۇلى مەملەكەت باس­شىسىنا ارناپ اق قاعازعا ءتۇ­سىرگەن جىر جولدارىن جول­داي­دى. «سىبانعان ءتۇرىپ بىلەگىن, ەلىم دەپ سوققان جۇرەگى, نۇر­سۇلتانداي ەر تۋىپ, اقتادى ەلدىڭ تىلەگىن», – دەپ جازعان حات يەسى.