كورىمدىككە كولىك سىيلادى

ەكىباستۇز قالاسىنداعى №36 مەكتەپ-ليتسەي كوستيتۋتسيا كۇنى جانە جاڭا وقۋ جىلىنىڭ باستال­ۋى قارساڭىندا اشىلدى. مەكتەپ قۇرىلىسى وسىدان ەكى جىل بۇرىن باستالعان. جوبانىڭ قۇنى 1,3 ملرد تەڭگەنى قۇرايدى. وزدەرى قۇرىلىسىن جۇرگىزگەن مەردىگەر «پورتال-پۆ» جشس وقۋشىلارعا 44 كومپيۋتەر سىيعا تارتىپتى. قازاق تىلىندە ءبىلىم بەرەتىن بۇل مەكتەپ-ليتسەي «نازارباەۆ ينتەللەكتۋالدىق مەكتەبىنىڭ» ءبىلىم جۇيەسىنە نەگىزدەلىپتى. – مەكتەپتە 45 كابينەت بار, فيزيكا, بيولوگيا, حيميا كابينەتتەرى ارنايى قۇرىلعىلارمەن جاب­دىق­تالعان. ەكى ينفورماتيكا كا­بينەتىنە 30 كومپيۋتەر ورنا­تىلعان. مەكتەپتە وقۋ زالى, كىتاپ­­حانا جانە 374 ورىندىق زال, مە­دي­­تسينالىق كابينەت, پسيحولوگ كابينەتى بار. فۋتبول الاڭى, سپورت­­تىق ويىندارعا, جەڭىل اتلەتيكا جانە گيمناستيكاعا ارنالعان الاڭ­­دار, ۆولەيبول جانە باسكەت­بول الاڭدارى جاساقتالعان. سپورت الاڭ­دارى گيمناستيكالىق قابىرعالارمەن جابدىقتالعان, دوپ لاقتىرۋعا ارنالعان ديسكىلەر مەن تورلار, قۇمسالعىش, اتكەنشەكتەر قۇرىلدى, – دەيدى مەكتەپ-ليتسەي ديرەكتورى گۇلنار سىبانقۇلوۆا. مەكتەپ اسحاناسى 350 وقۋشىعا ارنالعان, سونىمەن بىرگە, مەكتەپ جانىنان جىلىجاي سالىنعان. بالالار جىل بويى ول جەردە كوكونىستەر ءوسىرىپ, تəجىريبەلىك ساباق­تارىن جاسايدى. مەكتەپ اۋما­عى اباتتاندىرىلىپ, جولدار بەتونمەن اسفالتتانعان, اۋلادا قاراعاي, قايىڭ, ءسۇمبىل تەرەك, شەتەن, دالالىق التىن تۇستەس قاراقات ەگىلگەن, كوپجىلدىق گۇلزارلار جاسالعان. كەنشىلەر قالاسى جۇرتشى­لىعىن جاڭا مەكتەپتىڭ اشىلۋى­مەن قۇتتىقتاعان وبلىس اكىمى بولات باقاۋوۆ كورىمدىككە گازەل اۆتوكولىگىنىڭ كىلتىن تابىستادى.  فاريدا بىقاي, «ەگەمەن قازاقستان» ەكىباستۇز