25 مىڭىنشى كولىك شىعارىلدى

2011 جىلدىڭ 15 اقپانىندا قازاقستاندىق «ازيا اۆتو» اۆتوقۇراستىرۋ زاۋىتىنىڭ وكىلدەرى  كاسىپورىننىڭ 2010 جىلعى جۇمىس قورىتىندىسىن ورتاعا سالدى جانە اعىمداعى جىلدىڭ كەلەشەكتەگى جوبالارىن ىسكە اسىرۋ جوسپارىن اشتى. 25 مىڭىنشى كولىكتىڭ شىعۋ سالتاناتىنا وبلىس اكىمىنىڭ ءبىرىنشى ورىنباسارى سەرىك ابدەنوۆ, «بيپەك-اۆتو», «ازيا-اۆتو» كومپا­نياسى ديرەكتورلار كەڭەسىنىڭ توراعاسى ا. بالۋشكين, «ازيا-اۆتو» اق پرەزيدەنتى ەرجان مانديەۆ, زاۋىت ەڭبەككەرلەرى قاتىستى. كەزدەسۋگە سەبەپ بولعان ءجايت – زاۋىت كونۆەيەرىنەن شىققان 25 مىڭىنشى اۆتوموبيل. ول قازاقستاننىڭ عانا جاڭا ۇلگىسى ەمەس, دۇنيجۇزىلىك اۆتوونەركاسىپتىڭ ەڭ جاڭا ۇلگىسى بولىپ تابىلاتىن – سەدان Chevrolet Cruze. 2010 جىل «ازيا اۆتو» اق ءۇشىن ءوندىرىستى جانە ماركەتينگتى دامىتۋدا العا شىعۋ جىلى بول­دى. KIA Motors ارقىلى زاۋىت ءتورتىنشى ستراتەگيالىق سەرىكتەسىن تاپتى, ال قازاقستاننىڭ ساتىپ الۋشىلارى ەڭ ءىرى دۇنيەجۇزىلىك اۆتوكونتسەرننىڭ تەحنولوگيالىق جا­ڭا­لىقتارىنا قول جەتكىزە ال­دى. وسكەمەن قالاسىندا KIA-نىڭ ءۇش جاڭا ۇلگىسىن شىعارۋ  ىنتى­ماق­تاس­تىقتىڭ العاشقى ناتيجەسى بولدى. ولار: سەدان Cerato, توتە­لە­گىش Mohave جانە كروسسوۆەر Sorento. سول كەزەڭدە كاسىپورىن كونۆەيەرىندە «ازيا اۆتو»-نىڭ باس­قا سەرىكتەسى – General Motors كوم­پانياسى ۇلگىلەرىنىڭ تۇڭعىش كورسە­تىلىمدەرى بولدى. ولار: سەدان Chevrolet Cruze جانە Chevrolet Aveo ۇلگىلىك مودەلدەرى. جىل اياعىندا Skoda اۆتوموبيلدەرى جەلىسىندە Yeti كروسسوۆەرى جانە Fabia كومپاكت-كارو پايدا بولدى. ۇلگىلىك قاتاردى ەكپىندى كەڭەي­­تۋ, زاۋىتتىڭ رىنوكتاعى پوزيتسيا­سىن نىعايتۋعا سەرپىن بەرىپ, ءون­دىرىس كولەمىنىڭ ەلەۋلى وسۋىنە اكەلدى. 2010 جىلدىڭ قورىتىن­دىسى بويىنشا ول ءتورت مارتە ۇلعايدى جانە 3 099 اۆتوموبيلدەر كورسەتكىشىنە جەتتى, ال «ازيا اۆتو»-نىڭ نارىقتىق ۇلەسى (جاڭا جەڭىل اۆتوموبيلدەرى سەگمەنتىندە) وتكەن جىلدىڭ ءتورتىنشى توقسانىندا 20% تابال­دىرىعىنان استى. كومپانيانىڭ تا­بى­سى قار­جىلىق كورسەتكىشتىڭ ديناميكا­لىق ءوسۋىن قامتاماسىز ەتتى. زاۋىت­تىڭ ءوز ءونىمىن ساتۋداعى اقشالاي ءتۇسىمى وتكەن جىلى ەكى ەسە ءوسىپ, 7 336,7 ملن. تەڭگە مەجەسىنە جەتتى, ال 2009 جىلى تىركەلگەن زالال ورنى, 2010 جىلدىڭ قورى­تىن­دىسى بويىنشا  361,4 ملن. تەڭگە مولشەرىندەگى تازا پايدامەن تولتىرىلدى. بۇل پايدالى باستامانى ءبىز ۇدەمەلى يندۋستريالىق-يننوۆا­تسيا­لىق دامۋ باعدارلاماسى شەڭ­بە­رىندە زاماناۋي باسقارۋ تەحنو­لو­­گيالارىن ەنگىزۋ جونىندەگى باع­دار­لاماعا قاتىسۋشىلار رەتىندە ىسكە اسىرامىز, دەيدى «ازيا اۆتو» اق باسشىسى. – مەملەكەتتىك دەمەۋمەن ءبىز تاعى دا ءبىر جوبانى ىسكە اسىرۋعا كىرىسپەكپىز, ول – جۇمىس ىستەپ تۇرعان ءون­دىرىستىڭ لوگيستيكالىق ينفراقۇ­رى­لىمىن كەڭەيتۋ, ياعني قوسىمشا تەمىر جولدار مەن كونتەينەر الاڭدارى قۇرىلىسى. بۇل جوس­پارلاردى ىسكە اسىرساق, ءبىز قۇ­راستىرۋ كەشەنىنىڭ جالپى شى­عا­رىلىم ءوندىرىمدى­لىگىن قازىرگى جىل­دا جۇمىسشىعا 188 مىڭنان 2013 جىلعا 307 مىڭ دوللارعا دەيىن ءوسى­رە الامىز جانە ءبىزدىڭ لوگيستي­كالىق جۇيە­مىز­دىڭ قىزمەت كورسەتۋ مۇمكىندىگى جى­لىنا 60 مىڭ اۆتوموبيل شىعارۋعا جەتەدى قارجىلاندىرۋ «بيزنەستىڭ جول كارتاسى-2020» شەڭبەرىندە قام­سىزداندىرىلاتىن بولادى. مان­ديەۆ مىرزا ايتقانداي, جاڭا لوگيستيكا­لىق «قاقپالاردى» جاساۋ كاسىپورىن­عا ءوندىرىس كولەمىن ءوسىرۋ مۇمكىندىگىن بەرەدى, ءسويتىپ اعىمداعى جىلدا قوسىمشا 200 جۇمىس ورنىن اشۋعا تالاپ ەتەتىن بولادى. جوبانى ىسكە اسىرۋ قو­رىتىندىسى بويىنشا كا­سىپ­ورىن شتاتى 900-1000 قىز­مەت­كەرلەرگە دەيىن ۇلعايادى. جىل ەرەكشە ءونىمدى بولادى. ناۋرىزدا ءبىز KIA برەندى بۋىنى­نىڭ ەڭ جاڭا ءتورت ۇلگىسىن ءوندى­رىسكە شىعارامىز, دەدى «ازيا اۆتو» اق پەرەزيدەنتى. بۇل كومپاكت-كروسسوۆەر KIA Soul, پاركەتتى توتەلەگىش KIA Sportage, بيزنەس-سەدان KIA Optima جانە سالي­قالى سەدان KIA Cadenza. ولار­دىڭ ءوتىمدى بولارىنا كۇما­نىمىز جوق. 2010 جىلدىڭ مامىر ايىن­داعى شىعارىلىمعا وزگەرىس ەنگىزگەن وسى ماركاداعى ءۇش ۇلگى تاع­دى­رىنا كوز سالساق, KIA سول جىل­دىڭ كۇزىندە قازاقستاندا ۇسى­نىل­­عان شەتەل برەندتەرى ارا­سىن­دا ساتى­لىم كولەمى بويىنشا ءۇشىنشى ورىنعا شىققانىن كورەمىز. وتكەن جىلى Chevrolet قا­زاقستانداعى ساتىلىم كولەمى بويىنشا ءتورتىنشى شەتەل برەندى بولدى, ال رەسەيدە شەتەل مار­كالارى اراسىندا ەڭ كوپ ساتىل­عان بولىپ تانىلدى.  بۇگىندە ءبىز رەسەي رىنوگىنا جاڭا ۇلگىلەردى جەتكىزۋ جونىندە كەلىسسوزدەر جۇرگىزىپ جاتىرمىز. ەرجان مانديەۆتىڭ پىكىرى بويىنشا, بۇل ماسەلە قازاق­ستاندىق ساتىپ الۋشىلار ءۇشىن 1 شىلدەدەن كەيىن, ياعني جەكە تۇلعالار ءۇشىن اۆتوموبيلدەردى اكەلۋدەگى جەڭىلدىك توقتاتىل­عان­دا جاڭاشا سيپاتقا يە بولادى. يندۋستريالىق-يننوۆا­تسيا­لىق دامۋ باعدارلاماسى بويىن­شا قازاقستاندىق ءوندىرىس اۆتوموبيلدەرىن ساتىپ الۋشىلارعا ارنالعان نەسيە جونىندەگى پا­يىز­­دىق سالىمداردى قاراجات­تان­­دى­رۋ قاراستىرىلعان. بۇگىن ۇكى­مەت وسى فورماتتاعى اۆتو­نەسيەلەر­دىڭ قولجەتىمدى مەحانيزمدەرىن تالقىلاۋدا. ويتكەنى,  كەدەن ودا­عىنىڭ تاۋار ەنگىزۋ باجدارى «سەكوند-حەندتى» ساتىپ الۋدى تارتىمسىز قىلادى. ءبى­راق, جاڭا ءاۆتوموبيلدى ساتىپ الۋ كوبىنە­سە قولجەتىمدى نەسيەلىك قارا­جاتتى تالاپ ەتەدى. مەملەكەت ونىڭ جەتىمسىزدىگىن تول­تىرا الا­دى جانە سونىمەن قاتار سالا­نىڭ دامۋىنا قاجەتتى يمپۋلس بەرە الادى. «ازيا اۆتو» باسشىسى كا­سىپورىننىڭ تولىق كەزەڭدىك زاۋىت­تىڭ ينفراقۇرىلىمىن جوبالاۋ جونىندەگى جۇمىسىن, شى­عىس قا­زاق­ستان وبلىسى اكىمىنىڭ قولداۋى­مەن بەرىلگەن الاڭدا ەلەكتر جانە جىلۋمەن قامتاما­سىز ەتۋ كوزدەرىن جەتىلدىرۋ جۇ­مىس­تارىن جالعاستى­رىپ جات­قانىن ايتتى.  تولىق كەزەڭدىك زاۋىتتى جاساۋ جوباسى رەسپۋب­ليكالىق يندۋستريالان­دىرۋ كار­­تاسىنا ەنگىزىلگەن. جاسالىپ جات­قان كاسىپورىننىڭ جوبالىق قۋات­تىلىعى ءبىر جىلدا 120 مىڭ ءاۆتوموبيلدى قۇرايدى, الدىن-الا جاسالعان بولجام بويىنشا ول ەلىمىزدىڭ ىشكى جالپى ءونىمىن  1,8 ملرد. اقش دوللارىنا تولىق­تىرىپ, 12 مىڭ قازاقستان­دىقتى ەڭبەككە ورنا­لاس­تىرۋعا مۇمكىندىك بەرەدى. وڭداسىن ەلۋباي. سۋرەت اۆتوردىكى.