جەردى جۇماققا اينالدىرساق جاراسار

جوعارى مارتەبەلى پرە­زيدەنت نۇرسۇلتان نازار­باەۆتىڭ سويلەگەن سوزىمەن تانىستاردىڭ بارلىعى ونىڭ بولاشاققا بولجام جاساي الاتىن ەرەكشە قاسيەتكە يە جان ەكەنىن سەزىنەتىنى انىق. بۇل جايت, اسىرەسە, قازاق­ستان باسشىسىنىڭ يادرولىق قاۋىپسىزدىك ءجونىن­دەگى كەڭ اۋقىمدى باستامالارىنا بايلانىستى ايقىن كورىنەدى. قازىرگى الەم تىنىش­سىز كۇيدە. ءتۇرلى سوعىستار مەن جانجالداردان زارداپ شەك­كەن مىڭداعان بوس­قىن ءوز ەلدەرىن تاس­تاپ قاشىپ, باس ساۋعا­لاۋعا ءماجبۇر. ال پرەزيدەنت نۇرسۇل­تان نازارباەۆ الەم ەلدەرىن جەر پلا­نە­تاسىن­دا­عى قاۋىپ-قاتەر­لەردى اۋىزدىقتاۋ­عا جەت­­كى­لىكتى دەڭگەيدە كۇش-جىگەر جۇمساۋعا شاقىرىپ وتىر. ماسەلەن, جوعارى ءمار­تە­بەلى پرەزيدەنت جاپپاي قارۋلانۋعا ۇمتىلۋ ۇدەرىس­تەرىن دۇنيەنى تاس-تالقان ەتەتىن سوعىستىڭ ۆيرۋسىمەن سالىستىردى. وسى ورايدا, نۇرسۇلتان نازارباەۆ مىنا­داي ساۋال تاستايدى: الەمدى وسى ۆيرۋستان قالاي امان الىپ قالۋعا بولادى؟ بۇل جەردە كەزىندە البەرت ەينش­تەين مەن بەرتران راسسەل قويعان ساۋالدار تۋىن­دايدى: «ءبىز ادام بالاسىن جويۋ قاجەتتىگى ماسەلەسى الدىن­دا تۇرمىز با؟ جاڭا ۇرپاققا سوعىس­تان الىستاۋ قاجەت پە؟ نەمەسە ادام­زات سوعىستاردان ءوز ەركىمەن باس تارتۋ­عا قابىلەتتى مە؟» پرەزي­دەنت وسى سۇراق­تار­دىڭ استارىنا ۇڭىلە كەلىپ, ادام بالاسىن جاڭا سوعىس قاتەرلەرىنەن قۇتقارۋ ءۇشىن قاجەتتى جاڭا باستامالار بولا الاتىن شەشىمدەردى كولدەنەڭ تارتادى. قازاقستان پرەزيدەنتى ءولىم سەبەتىن قارۋ-جاراق تۇرلەرىن عارىش كەڭىستىگىنە, حالىقارالىق سۋلاردىڭ تەڭىز تۇبىنە, سونداي-اق, اركتيكاعا ورنالاستىرۋعا تىيىم سالاتىن جاھاندىق شەشىم قابىلداۋدىڭ ماڭىزدى ەكەنىن اتاپ كورسەتەدى. سونىمەن قاتار, حالىقارالىق كونۆەنتسيالارعا قول قويۋ ارقىلى عىلىمي جاڭالىقتار اياسىندا جاپپاي قىرىپ-جوياتىن قارۋلاردىڭ جاڭا تۇرلەرىن جاساۋعا تىيىم سالاتىن سايكەس شەشىمدەر قابىلداۋ كەرەك ەكەنىنە بارشانىڭ نازارىن اۋدارتادى. مەن, اراب ەلىنىڭ ازاماتشاسى رەتىن­دە, نۇرسۇلتان نازارباەۆتى تاياۋ شىعىستاعى جانە ازياداعى بەيبىتشىلىك ءۇشىن كۇرەسكەر جانە اتالعان ايماق­تىڭ بەلسەندى وداق­تاسى دەپ ساناي­مىن. ويتكەنى, ازياداعى ءوزارا ءىس-قيمىل جانە سەنىم شارالارى جونىندەگى كەڭەس شاقىرۋ, تاياۋ شىعىستا جاپپاي قى­رىپ-جوياتىن قارۋ تۇرلەرىنەن ازات ايماق قۇرۋ, تەررورلىق توپتاردىڭ تارالۋى مەن كە­ڭەيۋى­نە توسقاۋىل قويۋ باستامالارى ناق قا­زاق­ستان پرەزيدەنتى تاراپىنان كوتەرىلىپ وتىر. بۇگىنگى دۇنيەدە يادرولىق قارۋ مەن جاپپاي قارۋلانۋ اكەلەتىن ناعىز قاسىرەتتى ناق­پا-ناق كوز الدىنا ەلەستەتەتىندەر از دەسەم, قاتەلەسپەيتىن شىعارمىن. قازاق­ستان پرەزيدەنتى وسى ورايدا الەمدى بەيبىت­شىلىككە, باۋىرلاستىققا, عىلىمي جانە زياتكەرلىك ۇنقاتىسۋ نەگىزىندەگى ادامي سۇيىسپەنشىلىككە شاقىرادى. ءسويتىپ, ءبىزدىڭ جەر پلانەتامىزدى, اللا تاعالا مۇحاممەد پايعامبارعا بۇيىرعانىنداي, جۇماق ەتۋدى ارماندايدى. مۋنا ماحامرە, «پارلامەنتاريلەر – يادرولىق تاراتپاۋ جانە قارۋسىزدانۋ جولىندا» جاھاندىق جەلىسىنىڭ ۇيلەستىرۋشىسى