جوعالعاندار كوبەيىپ بارادى

قازاقستاندا جىل باسىنان بەرى 1823 ادام جوعالعان. سونىڭ 323-ءى ءالى ىزدەستىرىلىپ جاتىر. سالىستىرۋ ءۇشىن ايتساق, 2015 جىلى جوعالىپ كەتكەن 2992 ازاماتتىڭ 468-ءى سول بەتى تابىلماعان.بۇل تۋرالى ىشكى ىستەر مينيسترلىگىنىڭ  باسپاسوز قىزمەتى حابارلادى. ەلىمىزدە كوبىنە ەر ادامدار جوعالادى ەكەن. ءتارتىپ ساقشىلارى ولاردىڭ باسقا ايماقتارعا قىزمەتتىك ءىس-ساپارلارعا, ۋاقىتشا جəنە مەرزىمدىك جۇمىستارعا كەتكەندە, ءارتۇرلى رەيستەردە كولىك جəنە جۇكتەردى تاسىمالداۋعا شىققاندا قايتىپ ورالماي جاتاتىندىعىن ايتادى. سونداي-اق, ىشكى ىستەر مينيسترلىگى, كوبىنە ىشىمدىككە سالىنعان وتباسىلاردىڭ بالالارى جوعالاتىنىن العا تارتادى. اتا-انالار بالالارىنان قالاي ايىرىلىپ قالعانىن دەر كەزىندە بىلمەي دە قالادى. بالالار ناشار باعا العانى ءۇشىن اتا-انالارىنان جاسىرىنادى, مەكتەپتەن ۇيىنە ورالمايدى. ال, الەۋمەتتىك جەلىنىڭ ىعىنا ىلىككەن, كامەلەتكە تولماعان جاستار قىلمىسقا ۇرىنىپ جاتادى. سول سياقتى جاستار تانىسۋ سايتى ارقىلى كەزدەسۋگە ءجيى بارادى, ال اتا-انالارى بولسا بالالارىنىڭ كىممەن ارالاسىپ جۇرگەندىگىنە ءجىتى ءمان بەرمەيدى. مىنە, وسىنداي كەلەڭسىزدىكتەر كەسىرى اقىرى جاستاردىڭ جوعالۋىنا, قىلمىسقا ۇرىنۋىنا سوقتىرادى. ايمان مۇقىشەۆا