فۋتبول. «استانا» كەزەكتى جەڭىسىنە جەتىپ, ۇزاي ءتۇستى (ۆيدەو)

بۇگىن, 21 تامىز كۇنى فۋتبولدان قازاقستان چەمپيوناتى پرەمەر-ليگاسى 24-تۋرىنىڭ قالعان ويىندارى وينالدى. كەشە باستالعان بۇل تۋردىڭ 1-6 ورىندار ءۇشىن تالاسۋشى توبىنىڭ العاشقى ەكى ويىنىندا الماتىنىڭ «قايراتى» ءوز الاڭىندا «اقتوبەنى» 3:1 ەتىپ ۇتسا, «ەرتىس» پاۆلوداردا كوكشەتاۋدىڭ «وقجەتپەسىنەن» 0:2 بولىپ ۇتىلعان ەدى. جەكسەندى كۇنى «استانا» ءوز الاڭىندا شىمكەنتتىڭ «ورداباسىسىن» قابىلداپ, 2:0 ەسەبىمەن تىزە بۇكتىردى. گولداردى 2-مينۋتتا ازات پەنالتيدەن, پاتريك تۆۋماسي 50-مينۋتتا ويىن كەزىندە سالدى. ەلوردا فۋتبول كومانداسى وسى جەڭىسىنەن كەيىن «قايراتتان» 7 ۇپاي العا كەتىپ قالدى. بۇل كۇنى سونداي-اق 7-12 ورىندار ءۇشىن ويناپ جاتقان كوماندالار دا ءوزارا كەزدەستى. تالدىقورعاندا «جەتىسۋ» قوستانايدىڭ «توبىلىنان» 2:0 ەسەبىمەن باسىم ءتۇستى. گولداردىڭ اۆتورلارى – نارەك بەگلاريان (65) مەن ارتەم كاسيانوۆ (76). قاراعاندىنىڭ «شاحتەرى» مۇنىڭ الدىنداعى ەكى جەڭىسىنەن كەيىن ءوز الاڭىندا جانكۇيەرلەرىن رەنجىتتى. كەنشىلەر كومانداسى بۇل جولى ورالدىڭ «اقجايىعىن» قابىلداپ, 0:1 ەسەبىمەن ۇتىلىپ قالدى. قوناقتار كەزدەسۋ تاعدىرىن شەشكەن جالعىز گولدى 57-مينۋتتا سوقتى. ونى فرەددي كورونەل ءدال ۇرىپ ءتۇسىردى. ال «تاراز» ءوز ۇيىندە «اتىراۋدى» 1:0 ەتىپ ءسۇرىندىردى. گولدى ماليك مانە 70-مينۋتتا ءوز ەسەبىنە جازدى. دامير قوجامقۇل https://youtu.be/bS7TViVjXoo