ۆولەيبول. قازاقستان جارىسقا كاتاردىڭ ورنىنا قاتىسادى

ۆولەيبولدان قازاقستاننىڭ ۇلتتىق قۇراما كومانداسى 22-28 قىركۇيەك كۇندەرى تايلاندتىڭ ناكحونپاتحوم قالاسىندا وتەتىن ازيا كۋبوگى تۋرنيرىنە دايىندالىپ جاتىر. بۇل تۋرنيرگە قازاقستان قۇراماسى كاتار كومانداسىنىڭ ورنىنا قاتىسادى. وعان ءتۋرنيردىڭ ەرەجەسىنە سايكەس, بىلتىرعى ازيا چەمپيوناتىندا العاشقى 8 ورىندى العان كوماندالار شاقىرىلعان بولاتىن. ازيا دوداسىندا كاتار 8-ءشى ورىندى, ال ەلىمىزدىڭ ۇلتتىق قۇراماسى 9-شى ورىندى يەلەنگەن ەدى.  بىراق, كاتار ەلى تۋرنيرگە قاتىسۋدان باس تارتقان سوڭ, ۆولەيبولدان ازيا كونفەدەراتسياسىنىڭ (AVC) شەشىمىمەن ونىڭ ورنىنا قازاقستان قۇراماسى قاتىساتىن بولدى. ازيا كۋبوگى ءتۋرنيرى 2008 جىلدان بەرى ەكى جىلدا ءبىر رەت وتكىزىلىپ كەلەدى. اتالعان تۋرنير سوڭعى رەت 2014 جىلى الماتىدا وتكەن بولاتىن. سول كەزدە وتانداستارىمىز ءۇشىنشى ورىندى يەلەنگەن. ال بيىلعى سىندا ەلىمىزدىڭ باس كومانداسى  «ا» توبىندا تايلاند, قىتاي جانە قىتايدىڭ تايپەي جاساقتارىمەن بىرگە وينايدى. قازاقستان قۇراماسى توپتىق تۋرنيردەگى ماتچتارىن بىرىنەن سوڭ ءبىرى وتكىزەدى. ياعني, 22 قىركۇيەك كۇنى قىتاي كومانداسىمەن, 23 قىركۇيەكتە قىتايدىڭ تايپەيمەن, 24 قىركۇيەكتە تايلاندپەن كەزدەسەدى. 26 قىركۇيەكتە شيرەك فينال, كەلەسى كۇنى جارتىلاي فينال بولادى. ال فينال 28 قىركۇيەكتە وتەدى. داستان كەنجالين فوتو: قازاقستان ۆولەيبول فەدەراتسياسى