فۋتبول. «قايرات» «اقتوبەنى» 3:1 ەتىپ ۇتتى

فۋتبولدان قازاقستان پرەمەر-ليگاسىنىڭ 1-6 ورىندار ءۇشىن تالاسىپ جاتقان بولىگىندە ويناپ جاتقان الماتىنىڭ «قايراتى» كەشە 23-تۋردا «اقتوبە» كومانداسىن قابىلداپ, 3:1 ەسەبىمەن جەڭىسكە جەتتى. الاڭ يەلەرىنىڭ ءبىرىنشى تايمداعى تولىق باسىمدىعى 30-مينۋتتا الكسەي ششەتكيننىڭ ەسەپ اشۋىنا اپارىپ جەتكىزدى. ۇزىلىستەن كەيىن الماتىلىقتار تاعى دا قوناقتاردى جان-جاقتان قىسىمعا الدى. سول ساتتەردىڭ بىرىندە مەيماندار ساپىنداعى ەگور سوروكين ءوز ايىپ الاڭى ىشىندە قولمەن ويناپ قويدى. وسىعان بايلانىستى 49-مينۋتتا بەلگىلەنگەن پەنالتيدى باۋىرجان يسلامحان ءدال ءتۇسىردى. ال اقتوبەلىكتەر جاۋاپ دوپتى 62-مينۋتتا عافۋرجان سۇيىمباەۆتىڭ كۇشىمەن سوعا الدى. ماتچتىڭ سوڭعى نۇكتەسىن 66-مينۋتتا جەرار گوۋ قويدى. وسىلايشا الماتىلىقتار «استانامەن» اراداعى ۇپايى ايىرىمىن 4-گە دەيىن ءتۇسىردى. بىراق ەلوردا كومانداسىنىڭ زاپاستى ءبىر ويىنى بار. ول بۇگىن «ورداباسىنى» قابىلدايدى. وسى كۇنى «ەرتىس» ءوز الاڭىندا «وقجەتپەستەن» 0:2 ەسەبىمەن ۇتىلىپ قالدى. بۇگىن سونداي-اق چەمپيوناتتىڭ 7-12 ورىندارى ءۇشىن تالاساتىن بولىگىندەگى «جەتىسۋ» - «توبىل», «تاراز» - «اتىراۋ» كوماندالارى دا ءوزارا كۇش سىناسادى. رۋسلان يگىلىك