پاتەرلەر پايدالانۋعا بەرىلەدى

بيىل اقتوبە قالاسىندا «نۇرلى جول» باعدارلاماسى بويىنشا 600-دەن اسا پاتەر پايدالانۋعا بەرىلەدى. وسىعان بايلانىستى جاقىندا «قازاقستان يپوتەكالىق كومپانياسى» يۇ» اق قالادا سالىنىپ جاتقان تۇرعىن ۇيلەردىڭ قۇرىلىسىمەن تانىستىرۋ ماقساتىندا    پرەسس-تۋر وتكىزدى. بۇل «بايتەرەك» ۇلتتىق  حول­دين­گىنىڭ ەنشىلەس ۇيىمى. ول «نۇرلى جول» باعدارلاماسى اياسىندا جالعا بەرىلەتىن تۇرعىن ءۇي باعدارلاماسىن ىسكە اسىراتىن وپەراتورلاردىڭ ءبىرى. قازىرگى كەزدە كومپانيا  حالىق اراسىندا اتالعان باعدارلامانىڭ ماڭىزدىلىعىن ءتۇسىندىرۋ جۇ­مىستارىمەن اينالىسىپ جاتىر. «قازاقستان يپوتەكالىق كوم­پانياسى» يۇ» اق باس­قارما توراعاسىنىڭ ورىنباسارى ايسۇلتان اكچۋريننىڭ اي­تۋىن­شا, اقتوبە قالاسىنىڭ تۇرعىندارىنا جالپى اۋدانى 20,5 مىڭ شارشى مەتر 318 پاتەر تانىستىرىلدى. – قازىرگى ۋاقىتتا «باتىس-2» ىقشام اۋدانىندا تۇرعىن ءۇيدىڭ قۇرىلىسى جالعاسۋدا. بۇل ءۇيدى «سوللەرس» جشس سالىپ جاتىر.  پاتەرلەردى وسى جىلدىڭ قاراشا ايىندا پايدالانۋعا بەرۋ جوس­پارلانىپ وتىر.  جالعا الۋدىڭ 1 شارشى مەترىنىڭ باعاسى 950 تەڭگەدەن اسپايدى, – دەيدى ول. سونىمەن بىرگە, ونىڭ ايتۋىنشا, «باتىس-2» شاعىن اۋدانىندا تاعى ءبىر تۇرعىن ءۇيدىڭ قۇرىلىسى اياقتالدى. ونىڭ جالپى اۋدانى 6,8 مىڭ شارشى مەتر. وندا 118 پاتەر بار.  بۇل ءۇيدى «VIP ناستيل» جشس قۇرىلىس كومپانياسى سالدى.  پاتەرلەر تازا ارلەنگەن كۇيىندە ۇسىنىلادى. وسى جىلدىڭ سوڭىنا دەيىن اقتوبە قالاسىندا 249 پاتەر سالىنادى. بۇدان باسقا, اقتوبەدە  44,3 مىڭ شارشى مەتر 675 پاتەردى پايدالانۋعا بەرۋ جوسپار­لانىپ وتىر.  ال كەلەسى جىلدىڭ سوڭىنا دەيىن قالانىڭ «نۇر-اقتوبە» ىقشام اۋدانىندا ەكى ءۇي بوي كو­تەرەدى. وندا  566 پاتەر بولادى. جالپى العاندا, بيىلعى جىل­دىڭ سوڭىنا دەيىن «قازاقستان يپوتەكالىق كومپانياسى» يۇ» اق «وڭىرلەردى دامىتۋدىڭ 2020 جىلعا دەيىنگى» باعدارلاماسى اياسىندا «بايتەرەك» حولدينگىنىڭ قولداۋىمەن ەلىمىز بويىنشا بىرنەشە ءۇي سالۋدى جوسپارلاپ وتىر. بىلتىر كومپانيا اقتوبەدە  478 پاتەرلى ءۇيدى پايدالانۋعا بەر­دى. ال ەلىمىزدىڭ باسقا قالا­لارىندا 7234 پاتەردىڭ كىلتى تاپسىرىلدى.  تۇرعىن ۇيلەر استانا, الماتى, شىمكەنت, اقتوبە, اقتاۋ, قاراعاندى, كوكشەتاۋ, قوستاناي, قىزىلوردا, پاۆلودار, سەمەي, تالدىقورعان, تاراز قالالارى مەن الماتى, اقمولا جانە شىعىس قازاقستان وبلىس­تارىندا سالىندى. بۇل ۇيلەر ءبىرىنشى كەزەكتە كوپ بالالى, ءمۇ­گەدەك بالالارى بار نەمەسە سولاردى تاربيەلەپ وتىرعان وتباسىلارعا, جەتىم بالالار, اتا-اناسىنىڭ قامقورلىعىنسىز قالعان بالالار مەن ورالماندارعا بەرىلەدى. سونىمەن بىرگە, ۇيلەر مەم­لەكەتتىك جانە اسكەري قىز­مەتكەرلەرگە, ارنايى مەملەكەتتىك ورگاندار مەن بيۋدجەتتىك سالانىڭ قىزمەتكەرلەرىنە قاراستىرىلعان. داستان كەنجالين, «ەگەمەن قازاقستان»