حالىقارالىق بايقاۋدا ەكىنشى ورىن يەلەندى

رەسەيدىڭ الابينو پوليگونىندا «ارميا حالىقارالىق ويىندارى-2016» اياقتالدى. قازاقستان قارۋلى كۇشتەرىنىڭ قۇراماسى سايىستاردى تابىستى اياقتادى. ءبىزدىڭ اسكەري قىزمەتشىلەر ازيا, ەۋروپا, افريكا جانە لاتىن امەريكا­سىنىڭ 19 مەملەكەتىنەن كەلگەن 120 ارميالىق كوماندانىڭ اراسىندا جالپىكوماندالىق ەكىنشى ورىندى يەلەندى. ءبىرىنشى ورىنعا رەسەي كومانداسى شىقسا, ءۇشىنشى جۇلدەگە قىتاي قۇراماسى يە بولدى. ءبىزدىڭ كوماندا بىردەن-ءبىر وكىلدى كوماندا دەپ تانىلدى. اتاپ ايتقاندا, ويىندارعا قاتىسۋ سانى جاعىنان سايىس­تى ۇيىمداستىرۋشى كوماندا مەن قىتاي كومانداسىنان كەيىن تۇردى. قازاقستاندىق اسكەريلەر 23 بايقاۋدىڭ 21-ىنە قاتىستى. بۇل اۋقىمدى قاتىسۋ قازاقستان ارمياسىنىڭ جاڭا مۇمكىندىكتەرىن كورسەتتى. قازاقستاننىڭ قورعانىس مي­نيسترى يمانعالي تاسماعامبەتوۆ اتاپ وتكەندەي, بيىلعى جىلى «ار­ميا حالىقارالىق ويىندارى» ءوزى­نىڭ مازمۇنى مەن اۋقىمدىلىعى جاعىنان ەرەكشەلەنىپ, حالىقارالىق ىنتىماقتاستىقتىڭ جاڭا سيمۆولىنا اينالدى. تاجىريبە الماسۋ, بەيبىتشىلىك پەن كەلىسىمنىڭ كەپىلى رەتىندە تانىلدى. قازاقستان ويىن­دارعا قاراپايىم سايىس رەتىندە عانا قارامايدى, سونىمەن قاتار, جارىس جاۋىنگەرلىك باۋىرمالدىق رۋحىن كوتەرەدى دەپ سانايدى. رەسەيدىڭ بارلىق ايماعىن­داعى 19 اسكەري پوليگوندا قۇرلىق­تا, تەڭىزدە جانە اۋەدە قازاقستان قارۋلى كۇشتەرىنىڭ نامىسىن 600 اسكەري قىزمەتشى قورعادى. اسكەري ۇشقىشتار, تەڭىزشىلەر, دەسانتشىلار, جۇرگىزۋشىلەر, تانكيستەر مەن ينجەنەرلەر, كينولوگتار, ءاس­كەري دارىگەرلەر جانە اسپازشى­لار – بارلىعى حالىقارا­لىق دارە­­­جە­دەگى ءبىزدىڭ اسكەرىمىزدىڭ اي­­بى­نىن اسىرۋ ءۇشىن كۇرەستى. ون­داعان ساعاتتار جاتتىعۋلاردا ءوتىپ, جۇزدەگەن قاشىقتىقتار مەن كەدەر­گى­لەردى ەڭسەردى. ناتيجەسىندە جالپى­كوماندالىق ەكىنشى ورىن جۇلدەسىمەن «تەڭىز كۋبوگىندا» اسكەري تەڭىزشىلەر, «سەنىمدى دوس» بايقاۋىندا كينولوگتار, «دەسانتتى ۆزۆود» جانە «ينجەنەرلىك فورمۋلا» بايقاۋلارىندا تيىسىنشە دەسانتشىلار مەن ينجەنەرلەر جەڭىمپازدار رەتىندە ەلگە ورالدى. سونداي-اق, «تانك بياتلونى», «ەلبرۋستىك شەڭبەر», «رەمبات», «قارۋ شەبەرى», «دالا اسحاناسى» جانە «اۆتوبرونەتانكتى تەحنيكا شەبەرى» بايقاۋلارىندا جۇلدەلى ءۇشىنشى ورىندى جەڭىپ الدى. اتالعان ويىنداردىڭ جارقىن ساتتەرىنىڭ ءبىرى – جەكە ەسەپتە ال­دىڭعى ورىنعا شىعىپ, 699 بالل جيناعان قازاقستاندىق اسكەري قىز­مەتشى باۋىرجان مۇقىشەۆ ۇزدىك كينولوگ دەپ تانىلدى. «سۋۆوروۆ تەگەۋرىنى» باي­قاۋى ءبىزدىڭ كوماندا ءۇشىن جەڭىستى بولدى. قۇرامىندا جاۋىنگەرلىك ماشي­نا كومانديرى اعا لەيتەنانت مارات ماۋەنوۆ, وپەراتور-باعدارلاۋشى سەرجانت جاقسىلىق ەسكەندىروۆ, مەحانيك-جۇرگىزۋشى سەرجانت ساتتىبەك بەكباۋلين بار كوماندا ەڭ ۇزدىك دەپ تانىلدى. قازاقستان ءۇشىن «ارميا ويىندارى-2016» بايقاۋىنىڭ تاعى ءبىر ەرەكشەلىگى – العاش رەت «ارتيل­لەريالىق اتۋ شەبەرى» جانە «مەرگەن شەبى» ەكى بايقاۋى ءبىزدىڭ جەرىمىزدە ءوتتى. 12 مەملەكەتتىڭ ۇزدىك مەرگەندەرى مەن ارتيللەريا­شىلارى جەڭىس ءۇشىن سايىستى. بايقاۋدىڭ العاشقى كەزەڭدەرى تۇنگى جاعدايدا ءوتتى. اتىستاردى ەلىمىزدە شىعارىلعان تۇنگى كورۋ قۇرالدارى قولدانىلدى. بۇل قازاقستان جەرىندەگى ارميا ويىندارى تاريحىنىڭ باسى عانا سانالادى. كەلەسى جىلى ءبىزدىڭ اسكەري پوليگوندار تاعى دا اسكەري ماماندار سايىسىنىڭ ورتالىعىنا اينالادى. ەندى بىزدە ەكى ەمەس, بەس سايىس وتكىزىلەدى. ارميا ويىندارى­نىڭ باعدارلاماسىنا بروندى اۆتو­ماشينالاردىڭ سايىسى, اسكەري قىزمەتشى قىز-كەلىنشەكتەرگە ار­نالعان سايىس, باسقارۋسىز ۇشاق­تاردىڭ قاتىسۋىمەن بايقاۋلار قوسى­لادى. سونداي-اق, بيىل ەلىمىزدە وتكەن  «ارتيللەريالىق اتۋ شەبەرى» جانە «مەرگەن شەبى» بايقاۋلارى ۇيىمداستىرىلادى. ساۋلەبەك ءبىرجان