بولاشاق ونجىلدىققا جاڭا جەتىستىكتەرمەن

قازاقستان رەسپۋبليكا­سى­نىڭ پرەزيدەنتى نۇرسۇلتان نازار­باەۆ­تىڭ «بولاشاقتىڭ ىرگەسىن بىرگە قالايمىز» اتتى قازاق­ستان حالقىنا جولداۋىن اكادەميك ە.ا.بوكەتوۆ اتىنداعى قا­را­عاندى مەملەكەتتىك ۋنيۆەر­سي­تەتىنىڭ ۇجىمى ەرەكشە جىگەرمەن قارسى الدى, سەبەبى, ول تاۋەلسىزدىكتىڭ 20 جىلدىعىن قو­­رىتىندىلاپ, بولاشاق تا­بىس­تار ستراتەگياسىن ايقىنداپ بەرىپ وتىر. مەملەكەت باسشىسى قازاق­ستان­نىڭ الەمدىك ساياساتتاعى, ۇلتتىق ەكونوميكاداعى, ازامات­تىق قوعامدى نىعايتۋداعى جەتىستىكتەرىن اتاپ ءوتتى. ءبىزدىڭ ەلى­مىزدىڭ الەۋمەتتىك-ەكونوميكا­لىق دامۋىنىڭ ناتيجەلەرى كوپ­تەگەن قارقىندى جەتىلىپ كەلە جاتقان ەلدەردىڭ وسىنداي كور­سەتكىشتەرىنەن الدەقايدا جوعا­رى ەكەندىگىن ەرەكشە ايتتى. مى­سالى, جان باسىنا شاققان­داعى ىشكى جالپى ءونىم 1994 جىلمەن سالىستىرعاندا 12 ەسەگە ءوستى, بۇل قازاقستاننىڭ الەم ەلدەرىنىڭ ىشىندە 53-ءشى ورىندى يەلەنۋىنە مۇمكىندىك بەردى. تۇراقتى دامۋ جانە ازا­مات­تىق كەلىسىم كەپىلى بولا وتىرىپ, پرەزيدەنت سەنىمدى تۇردە جاڭا ونجىلدىقتىڭ مىندەتتەرىن اي­قىن­دايدى. الداعى ونجىلدىق­تىڭ نەگىزگى باسىمدىقتارى جەدەلدەتىلگەن يندۋستريالاندىرۋ, شىنايى ەكونوميكا مەن اگرو­ونەركاسىپتىك كەشەندى كۇشەيتۋ, الەۋمەتتىك جاڭارۋ, عىلىم, ءبىلىم مەن ءوندىرىستى شوعىرلان­دى­رۋ, ۇلتتىق دەنساۋلىق ساقتاۋ جۇيە­سىن جەتىلدىرۋ بولىپ تابىلادى. مەملەكەت قابىلداعان ين­دۋس­تريالىق-يننوۆاتسيالىق دامۋ باعدارلاماسى, ءبىلىمدى, دەنساۋلىق ساقتاۋ سالاسىن, جالپى, قازاق­ستان­دىقتاردىڭ ءومىرى مەن ءال-اۋقاتىن جاڭا ساپالى دەڭگەيگە جەتكىزۋگە باعىتتالعان. قابىل­دان­عان باعدارلامالاردى جۇزەگە اسىرۋ ىشكى جالپى ءونىم, حالىق سانى, ءومىر ءسۇرۋ ۇزاقتىعى, جۇ­مىس­سىزدىق دەڭگەيىن تومەندەتۋ سياقتى ساپالىق كورسەتكىشتەردىڭ ارتۋىنا الىپ كەلەدى. پرەزيدەنتى­مىزدىڭ ءبىرىزدى ساياساتىنىڭ ارقا­سىندا ەلىمىز الەمدىك قارجى داع­دارىسىنان مۇدىرمەي ءوتىپ, كاسىپ­كەرلىكپەن اينالىسۋ ءۇشىن قولاي­لى جاعداي جاسادى, ازاماتتاردىڭ الەۋمەتتىك ءال-اۋقاتىنىڭ ارتۋىن قامتاماسىز ەتتى. مەملەكەت باس­شى­سىنىڭ العا قويىلعان ماقسات­تارعا قول جەتكىزۋدەگى سەنىمدىلىگىن بولىسە وتىرىپ, اكادەميك ە.ا.بوكەتوۆ اتىنداعى قارمۋ ۇجى­مى پرەزيدەنتتىڭ قازاقستان­دىق قوعام ءومىرىنىڭ بارلىق سالالارىن ءارى قاراي وزگەرتۋ جونىندەگى باس­تامالارىن تولى­عىمەن قولدايدى. قاراعاندى مەملەكەتتىك ۋني­ۆەر­سيتەتىنىڭ ستۋدەنتتەرى مەن وقى­تۋشىلارى قازاقستان رەسپۋب­ليكاسىنداعى 2011-2020 جىلدار­عا ارنالعان ءبىلىم بەرۋدى دامى­تۋدىڭ مەملەكەتتىك باعدارلاما­سىندا كورىنىس تاپقان پرەزيدەنت­تىڭ وتاندىق ءبىلىم بەرۋ جۇيەسىن ءارى قاراي جاڭارتۋ تۋرالى سوزدە­رىن ەرەكشە ىقىلاسپەن قابىل­دادى. ءبىز پرەزيدەنتتىڭ ساپالى ءبىلىم – بۇل ەلىمىزدىڭ يننوۆاتسيا­لىق دامۋىنىڭ نەگىزى دەگەن پىكىرىن تولىقتاي قولدايمىز جانە باسەكەگە قابىلەتتى مامانداردى دايىنداۋداعى بىزگە جۇكتەلگەن جاۋاپكەرشىلىكتى سەزىنەمىز. ءبىلىم جانە عىلىم سالاسىنداعى ين­نوۆاتسيالىق ساياساتتى قولداي وتىرىپ, ۋنيۆەرسيتەت وندىرىسكە عىلىمي ازىرلەمەلەردى ەنگىزۋ, جاڭا فورماتسياداعى كادرلاردى دايىنداۋ, ءبىلىم بەرۋ باعدار­لا­مالارىن اككرەديتتەۋ, رەيتينگتەرگە قاتىسۋ بويىنشا ۇلكەن جۇمىس اتقارادى. مەملەكەت پەن ءبىلىم جانە عىلىم مينيسترلىگىنىڭ تۇراقتى قولداۋىنىڭ ارقاسىندا ۋنيۆەرسيتەتتە جاڭا ءبىلىم بەرۋ تەحنو­لو­گيالارىن ەنگىزۋگە, ىرگەلى جانە قولدانبالى زەرتتەۋلەر ءجۇر­گىزۋگە, ستۋدەنت جاستاردىڭ ينتەللەكتۋالدىق جانە شىعار­ماشىلىق الەۋەتتەرىن دامىتۋعا مۇمكىندىك بەرەتىن زاماناۋي رەسۋرستىق بازا قالىپتاستىرىل­عان. ستۋدەنتتەر مەن وقىتۋ­شى­لارعا قامقورلىق ستيپەنديا, ەڭبەكاقى مولشەرىنىڭ وسۋىنەن, گرانتتاردىڭ بولىنۋىنەن كورىنىس تاپسا, بۇل – الەۋمەتتىك وپتي­ميزمنىڭ ارتۋىنا جانە بولا­شاق­قا سەنىممەن قاراۋعا ناقتى سەبەپ. بالالاردىڭ وقۋىنا قا­راجات جيناۋدىڭ پرەزيدەنت ۇسىن­عان تەتىكتەرى جوعارى بىلىمگە قولجەتىمدىلىكتى ايتارلىقتاي ارتتىرادى. يننوۆاتسيالىق نازارباەۆ ۋنيۆەرسيتەتى مەن ين­تەل­لەكتۋالدىق نازارباەۆ مەك­تەپ­تەرى­نىڭ قىزمەت ەتۋى قا­زاق­ستان­نىڭ ينتەللەكتۋالدىق ەلي­تاسى­نىڭ قالىپتاسۋىنا ىقپال ەتەدى. پرەزيدەنتتىڭ «بولاشاقتىڭ ىرگەسىن بىرگە قالايمىز» جول­داۋى دامۋدىڭ جاڭا كەزەڭىندە بەيبىتشىلىك پەن جاسامپازدىق سايا­ساتىن جالعاستىراتىن قازاق­ستان تاۋەلسىزدىگىنىڭ 20 جىل­دى­عىن مەرەكەلەيتىن مەرەيتوي جىلىن باستايدى. ەركىن كوبەەۆ, ە.ا.بوكەتوۆ اتىنداعى قارمۋ رەكتورى.