جەر رەفورماسى جونىندەگى كوميسسيانىڭ كەزەكتى وتىرىسىندا پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆ قازاقستاندىقتاردان جەرگە قاتىستى 12 838 قوڭىراۋ تۇسكەنىن ايتتى. سونىمەن قاتار, كوميسسيا توراعاسى jerturaly.kz سايتقا تۇرعىندار تاراپىنان 984 ۇسىنىس پەن ءوتىنىش جازىلعانىن جەتكىزدى.
جالپى, بۇعان دەيىن جەر رەفورماسى جونىندەگى القالى جيىن الماتى, اقمولا, قىزىلوردا جانە اتىراۋ وبلىستارىندا وتكىزىلگەن بولاتىن. وندا كوميسسيا مۇشەلەرى تۇرعىندارمەن كەزدەسىپ, پىكىرلەرىن تىڭداعان بولاتىن.
ال بۇگىنگى وتىرىستا جەر كودەكسىنە جاريالانعان موراتوري مەرزىمى بەس جىلعا سوزىلۋى مۇمكىن ەكەندىگى ايتىلدى. «موراتوري جاريالانعان ماسەلەلەر بويىنشا مىناداي ۇسىنىس ايتقىمىز كەلەدi – وسىلاردىڭ نەگiزiندە قابىلدانعان موراتوري مەرزiمiن 2021 جىلدىڭ 31 جەلتوقسانىنا دەيiن سوزۋ تۋرالى مەملەكەت باسشىسىنا ۇسىنىس جاساۋ», – دەدi كوميسسيا توراعاسى اسقار مىرزاحمەتوۆ. ايتا كەتەيىك, جيىندا اۋىل شارۋاشىلىعى جەرلەرىن قازاقستاندىقتارعا 49 جىلعا دەيىنگى مەرزىمگە جالعا بەرۋ ينستيتۋتىن ساقتاۋ, تۇراقتى مونيتورينگ جۇرگىزۋ ارقىلى جەر پايدالانۋشىلاردىڭ جەردى ۇتىمدى پايدالانۋىنا باقىلاۋدى كۇشەيتۋ, جەر كودەكسىندە اۋىل شارۋاشىلىعى جەرلەرىن بەرۋدىڭ جەكە جانە ەگجەي-تەگجەيلى رەگلامەنتتەيتىن ءتارتىبىن بەلگىلەۋ, ەلدى مەكەندەردىڭ اينالاسىنداعى جايىلىمدار مەن شابىندىقتاردىڭ الاڭدارىن ايقىنداۋ, جتق-عا ارنالعان جەر ۋچاسكەلەرىن مەملەكەت مۇقتاجدىقتارىنا ساتىپ الۋ مۇمكىندىگىن بەرۋ ماسەلەلەرى قارالۋدى.
دينارا بىتىكوۆا
فوتو: مۇحتار حولداربەكوۆ
